ພົບຜູ້ຕ້ອງສົງໄສຕິດເຊື້ອໄວຣັສນິປາ ໃນລັດທີສອງຂອງອິນເດຍ

- 1527058579813 960x0 - ພົບຜູ້ຕ້ອງສົງໄສຕິດເຊື້ອໄວຣັສນິປາ ໃນລັດທີສອງຂອງອິນເດຍ
- AGL banner - ພົບຜູ້ຕ້ອງສົງໄສຕິດເຊື້ອໄວຣັສນິປາ ໃນລັດທີສອງຂອງອິນເດຍ

​ເຈົ້າໜ້າ​ທີ່​ອິນ​ເດຍ​ແຈ​້ງວ່າ: ພົບ​ຜູ້​ຕ້ອງ​ສົງ​ໄສ​ຕິດ​ເຊື້ອ​ໄວຣັສນິປາ​ທີ່​ເຮັດ​ໃຫ້​ເປັນ​ພະຍາດ​ສະໝອງ​ອັກ​ເສບ 2 ຄົນ​ໃນ​ລັດກາ​ນາ​ຕາ​ກາ ທາງ​ໃຕ​້ຂອງ​ປະ​ເທດ. ຂະນະ​ນີ້​ກຳລັງ​ຮັບ​ການ​ປິ່ນປົວ​ຢູ່ ຫລັງ​ຈາກ​ມີ​ຜູ້​ເສຍ​ຊີວິດ​ແລ້ວ 10 ຄົນ​ໃນ​ລັດ​ກີຣາລາ​ທີ່ຢູ່​ຕິດ​ກັນ.

- 3 1 - ພົບຜູ້ຕ້ອງສົງໄສຕິດເຊື້ອໄວຣັສນິປາ ໃນລັດທີສອງຂອງອິນເດຍ

​ເຈົ້າໜ້າ​ທີ່​ເປີດ​ເຜີຍ​ວ່າ: ຜູ້​ຕ້ອງ​ສົງ​ໄສ​ເປັນ​ຜູ້ຍິງ​ອາຍຸ 20 ປີ​ກັບ​ຜູ້​ຊາຍ​ອາຍຸ 75 ປີ ຫາ​ກໍ​ກັບ​ຈາກ​ລັດ​ກີຣາລາ ​ແລະ ສຳຜັດ​ໃກ້ຊິດ​ກັບ​ຜູ້​ຕິດ​ເຊື້ອ​ໄວຣັສນິປາ​ຢູ່​ລັດ​ນັ້ນ. ​ເຖິງ​ຢ່າງ​ໃດ​ກໍ​ດີ, ຍັງ​ບໍ່​ຢືນຢັນ​ວ່າ​ທັງ​ສອງ​ຕິດ​ເຊື້ອ​ໄວຣັສດັ່ງກ່າວ ຫລື ບໍ່ ຕ້ອງ​ລໍຖ້າ​ຜົນ​ກວດ​ຕົວຢ່າງ​ເລືອດ​ທີ່​ສົ່ງ​ໄປ​ສູນ​ວິ​ໄຈ​ໄວຣັສມານິປາ ຄາດ​ວ່າ​ຈະ​ຮູ້​ຜົນ​ໄດ້​ໃນ​ວັນ​ທີ 24 ພຶດສະພາ​ນີ້ ຂໍ​ໃຫ້​ປະຊາຊົນ​ຢ່າ​ແຕກ​ຕື່ນ ​ເພາະ​ສະຖານະ​ການ​ຍັງ​ຄວບ​ຄຸມ​ໄດ້​ຢູ່.

- Wave100S AD to Website 2020 0 - ພົບຜູ້ຕ້ອງສົງໄສຕິດເຊື້ອໄວຣັສນິປາ ໃນລັດທີສອງຂອງອິນເດຍ

ລັດກິຣາລາ​ພົບ​ຜູ້​ເສຍ​ຊີວິດ​ຈາກ​ໄວຣັສນິປາ​ຄົນ​ທຳ​ອິດ​ໃນ​ວັນ​ທີ 18 ພຶດສະພາ ຈາກ​ນັ້ນມີ​ຜູ້​ເຂົ້າຮັບ​ການກວດ 18 ຄົນ ພົບ​ເຊື້ອ 12 ຄົນ ​ໃນ​ຈຳນວນ​ນີ້ 10 ຄົນ​ເສຍ​ຊີວິດ ​ແລະ ອີກ 2 ຄົນ​ຖືກ​ກັກ​ຕົວ​ເຝົ້າລະວັງ​ຢ່າງ​ໃກ້ຊິດ. ​ເຊື້ອນີ້​ບໍ່​ມີ​ວັກ​ແຊງ​ປ້ອງ​ກັນ ຕິດ​ຕໍ່​ຈາກ​ການ​ສຳຜັດ​ສານ​ຄັດ​ຫລັ່ງ ຫລື ​ໃກ້ຊິດ​ກັບ​ສັດ ​ແລະ ຜູ້​ຕິດ​ເຊື້ອ, ມີ​ເຈຍ​ກິນ​ໝາກ​ໄມ້​ເປັນ​ພາຫະ ອາການ​ເລີ່​ມຕົ້ນຄື​ເປັນ​ໄຂ້ ຈາກ​ນັ້ນຈະ​ຕິດ​ເຊື້ອຮຸນ​ແຮງ​ທີ່​ລະບົບ​ທາງ​ເດີນ​ຫາຍ​ໃຈ, ສະໝອງ​ອັກ​ເສບ ​ແລະ ຕາຍ​ໄດ້ ພົບ​ເຊື້ອ​ເທື່ອ​ທຳ​ອິດ​ຢູ່​ມາ​ເລ​ເຊຍ​ໃນ​ປີ 1998 ຕໍ່​ມາ​ພົບ​ຢູ່​ບັງ​ກະລາ​ເທດ ​ແລະ ອິນ​ເດຍ ຂ້າ​ຊີວິດ​ຄົນ​ໄປ​ທັງ​ໝົດ 260 ກວ່າ​ຄົນ ສະ​ເພາະ​ຢູ່​ອິນ​ເດຍ​ເກີດ​ການລະບາດ 2 ຄັ້ງ​ໃນ​ໄລຍະ​ທົດ​ສະ​ວັດ​ຜ່ານ​ມາ ມີ​ຜູ້​ເສຍ​ຊີວິດ 50 ຄົນ.

- lattana banner - ພົບຜູ້ຕ້ອງສົງໄສຕິດເຊື້ອໄວຣັສນິປາ ໃນລັດທີສອງຂອງອິນເດຍ
-    AD conten website - ພົບຜູ້ຕ້ອງສົງໄສຕິດເຊື້ອໄວຣັສນິປາ ໃນລັດທີສອງຂອງອິນເດຍ
- lattana banner 1 - ພົບຜູ້ຕ້ອງສົງໄສຕິດເຊື້ອໄວຣັສນິປາ ໃນລັດທີສອງຂອງອິນເດຍ
error: Alert: ເນື້ອຫາຂ່າວມີລິຂະສິດ !!