ສິດທິເດດ ສັກບ່ຽງ ຍາດໄດ້ ອັນດັບທີ 3 ສະນຸກເກີ ທີ່ປະເທດໄທ

- 33232494 781200172090558 4676421522154323968 n - ສິດທິເດດ ສັກບ່ຽງ ຍາດໄດ້ ອັນດັບທີ 3 ສະນຸກເກີ ທີ່ປະເທດໄທ
- Untitled design - ສິດທິເດດ ສັກບ່ຽງ ຍາດໄດ້ ອັນດັບທີ 3 ສະນຸກເກີ ທີ່ປະເທດໄທ

ທ້າວ ສິດທິ​ເດດ ສັກ​ບ່ຽງ ນັກ​ກິລາ​ສະນຸກ​ເກີ​ທີ​ມຊາດ​ລາວ ​ເຈົ້າ​ຂອງ​ຫລຽນ​ຄຳສະນຸກເກີ​ມະຫາ​ກຳ​​ຊີ​ເກ​ມ ຄັ້ງ​ທີ 29 ທີ່​ປະ​ເທດ​ມາ​ເລ​ເຊຍ ​ເປັນ​ເຈົ້າພາບ ​ປີ 2017 ຜ່ານ​ມາ ສາມາດຍາດອັນ​ດັບທີ 3 ​ໃນ​ການ​ແຂ່ງຂັນ​ສະນຸກ​ເກີ 6 ແດງທົ່ວ​ປະ​ເທດ​ໄທ ຈັດ​ຂຶ້ນ​ທີ່​ແຂວງ​ຂອນ​ແກ່ນ ປະເທດໄທ ​ລະຫວ່າງ​ວັນ​ທີ 18-20 ພຶດສະພາຜ່ານ​ມາ.

ທ້າວ ສິດທິ​ເດດ ສັກ​ບ່ຽງ ໃຫ້ສໍາພາດວ່າ: ​ການແຂ່ງຂັນຄັ້ງນີ້ມີ​ນັກ​ກິລາສີມື​ດີ​ອັນ​ດັບ​ຕົ້ນໆ​ຈາກ​ທົ່ວ​ປະ​ເທດ​ໄທ​ເຂົ້າ​ຮ່ວມ​ແຂ່ງຂັນ 100 ກວ່າ​ຄົນ, ​ໃນ​ນັ້ນ ນັກ​ກິລາ​ສະນຸກ​ເກີ​ລາວ​ໄດ້​ຖືກ​ເຊີນ​ເຂົ້າ​ຮ່ວມ​ແຂ່ງຂັນ​ແບບ​ພິ​ເສດ 2 ຄົນ ເຊິ່ງໃນນັ້ນມີຕົນເອງ ແລະ ທ້າວ ດາວ​ພະຈັນ ພຸດ​ທະ​ບັນດິດ ​ເຂົ້າ​ຮ່ວມ​ ການ​ແຂ່ງຂັນກຳນົດ​ກົດ​ລະບຽບ​ກະຕິ​ກາ​ແຂ່ງຂັນ 4 ​ໃນ 7 ​ເຟຣມ ​ເລືອກ​ເອົາ​ຜູ້​ຊະນະ​ຜ່ານ​ເຂົ້າ​ຮອບ​ຕໍ່​ໄປ, ຜ່ານ​ການ​ແຂ່ງຂັນຜົນ​ປາກົດ​ວ່າ: ທ້າວ ດາວ​ພະຈັນ ພຸດ​ທະ​ບັນດິດ ບໍ່​ສາມາດ​ໄປ​ເຖິງ​ຈຸດ​ເປົ້າໝາຍ​ໄດ້ຕົກ​ຮອບ 32 ຄົນ​ສຸດ​ທ້າຍ ສ່ວນຕົນເອງສາມາດ​ຜ່ານ​ເຂົ້າ​ໄປ​ເຖິງ​ຮອບ 4 ຄົນ​ສຸດ​ທ້າຍ ​ແຕ່​ໜ້າ​ເສຍ​ດາ​ຍ​ໄປ​ເສຍ​ໃຫ້ທ້າວ ຄຳ​ຫລ້າ 4-0 ​ເຟຣມ ​ແລະ ນັດ​ຊີງ​ທີ 3 ຊະນະທ້າວ ອິດ ສະຫລະ​ ຊົນ​ບູລີ ​ 4-1 ​ເຟຣມ ​ໄດ້​ພຽງ​ອັນ​ດັບ​ທີ 3 ​ໄປ​ຄອງ. ຂະນະ​ທີ່ ອັນ​ດັບ​ທີ 1 ຕົກ​ເປັນ​ຂອງ ກີ້ກ ແຂວງພິດ​ສະນຸ​ໂລກ ​ແລະ ທີ 2 ​ທ້າວ ຄຳ​ຫລ້າ.

ທ້າວ ສິດທິ​ເດດ ສັກ​ບ່ຽງ ບອກ​ຕື່ມ​ອີກ​ວ່າ: ຫລັງ​ຈາກ​ສຳ​ເລັດ​ການ​ແຂ່ງຂັນ​ລາຍການ​ນີ້​ໄປ ຈະ​ສືບ​ຕໍ່​ຊອກ​ຫາ​ການ​ແຂ່ງຂັນລາຍການ​ຕ່າງໆ ຈັດ​ຂຶ້ນ​ທີ່​ປະ​ເທດ​​ເພື່ອນ​ບ້ານໃຫ້​ຕໍ່​ເນື່ອງ​ທີ່​ສຸດ ​ເພາະ​ຈະ​ເປັນ​ຜົນ​ດີ​ໃຫ້​ກັບ​ຕົວ​ເອງ​ໃນການຖອດ​ຖອນ​ບົດຮຽນ​ເສີມ​ສ້າງປະສົບ​ການ​ນຳ​ໄປ​ພັດທະນາ​ສີມື​ໃຫ້​ມີ​ຄວາມ​ກ້າວໜ້າ​ກວ່າ​​ເກົ່າ ​​ແລະ ມີ​ໂອກາດ​ກໍຈະ​ຖ່າຍ​ທອດ​ຄວາມ​ຮູ້​ຄວາມ​ສາມາດທີ່​ໄດ້​ເກັບ​ກ່ຽວ​ມາ​ນີ້​ໃຫ້​ນັກ​ກິລາ​ສະນຸກ​ເກີ​ເພື່ອນ​ຮ່ວມ​ຊາດນຳ​ກັນ ​ແລະ ນ້ອງໆ​ໃນ​ຮຸ່ນ​ສືບ​ທອດ ສົ່ງ​ເສີມ​ໃຫ້​ເຂົາ​ເຈົ້າກ້າວໜ້າສາມາດມີ​ສີມື​ທີ່​ດີຫຍັບ​ຂຶ້ນມາ​ເທົ່າ​ທັນ​ກັນ ​ແນ​ໃສກຽມ​ສ້າງ​ຜົນງານ​ໃຫ້​ປະ​ເທດ​ຊາດ​ໃນ​ການ​ເຂົ້າ​ຮ່ວມງານ​ຕ່າງໆ ​ໂດຍ​ສະ​ເພາະ​ແມ່ນ​ງານ​ມະຫາ​ກຳ​ກິລາ​ຊີ​ເກ​ມ ຄັ້ງ​ທີ 30 ທີ່​ປະ​ເທດ​ຟິລິບ​ປິນ ​ເປັນ​ເຈົ້າພາບ ​ໃນ​ປີ 2019.

- Wave100S AD to Website 2020 0 - ສິດທິເດດ ສັກບ່ຽງ ຍາດໄດ້ ອັນດັບທີ 3 ສະນຸກເກີ ທີ່ປະເທດໄທ
- WhatsApp Image 2020 05 27 at 5 - ສິດທິເດດ ສັກບ່ຽງ ຍາດໄດ້ ອັນດັບທີ 3 ສະນຸກເກີ ທີ່ປະເທດໄທ
- WhatsApp Image 2020 05 27 at 5 - ສິດທິເດດ ສັກບ່ຽງ ຍາດໄດ້ ອັນດັບທີ 3 ສະນຸກເກີ ທີ່ປະເທດໄທ
error: Alert: ເນື້ອຫາຂ່າວມີລິຂະສິດ !!