ເປັນນາຍຕ້ອງຮັກແພງ ແລະ ເບິ່ງແຍງລູກນ້ອງ

- 885444 1 - ເປັນນາຍຕ້ອງຮັກແພງ ແລະ ເບິ່ງແຍງລູກນ້ອງ
- Untitled design - ເປັນນາຍຕ້ອງຮັກແພງ ແລະ ເບິ່ງແຍງລູກນ້ອງ

ໂດຍ: ກ້ອງສ່ອງ ອິດສະຫລະ   

ເມື່ອເອີ່ຍເຖິງເງື່ອນໄຂ ມາດຖານ, ນັບທັງພາລະບົດ ບາດໜ້າທີ່ຂອງຜູ້ເປັນນາຍ ຫລື ວ່າຜູ້ເປັນຫົວໜ້າໃນ 4 ນິຕິກຳກ່ຽວກັບວຽກງານກໍ່ ສ້າງພັກ ແລະ ວຽກງານຄຸ້ມ ຄອງພະນັກງານກໍໄດ້ເວົ້າ ຢ່າງຈະແຈ້ງເປັນຕົ້ນຄືມະຕິ ວ່າດ້ວຍວຽກງານສ້າງແຜນກຳນົດພະນັກງານນຳພາ- ຄຸ້ມຄອງ, ມະຕິວ່າດ້ວຍມາດ ຖານຂອງພະນັກງານນຳພາ-ຄຸ້ມຄອງ, ມະຕິວ່າດ້ວຍວຽກ ງານຄຸ້ມຄອງພະນັກງານ ແລະ ຄຳສັ່ງວ່າດ້ວຍການ ເພີ່ມທະວີການກໍ່ສ້າງໜ່ວຍ ພັກປອດໃສ, ເຂັ້ມແຂງ, ໜັກ ແໜ້ນ. ໃນ 4 ນິຕິກຳທີ່ກ່າວ ມານີ້ ກໍໄດ້ບອກສະເພາະ ເຈາະຈົງວ່າ: ຕ້ອງເຜີຍແຜ່ ເຊື່ອມຊຶມໃຫ້ຄະນະບໍລິຫານ ງານພັກແຂວງ, ນະຄອນ ຫລວງ ແລະ ກະຊວງ, ອົງ ການໃນທົ່ວປະເທດ ແລະ ທັງ ໄດ້ມີການເຜີຍແຜ່ມາແລ້ວ ໃນວັນທີ 23 ມັງກອນ 2018 ພາຍໃຕ້ຄວາມຮັບຜິດຊອບ ແລະ ການນຳພາຂອງສະ ຫາຍ ພັນຄຳ ວິພາວັນ ກຳມະ ການກົມການເມືອງ, ຜູ້ປະຈຳ ການເລຂາທິການສູນກາງ ພັກ, ຮອງປະທານປະເທດ ແລະ ຜູ້ທີ່ໄດ້ໄປຟັງການເຜີຍ ແຜ່ໃນຄັ້ງນີ້ ກໍມີແຕ່ພະນັກ ງານແກນນຳ-ນຳພາຂັ້ນຫົວກະທິ ແລະ ບັນດາສະຫາຍ ທີ່ເປັນນາຍທັງຫລາຍ, ສ່ວນ ວ່າຜູ້ທີ່ບໍ່ມີເງື່ອນໄຂໄປຟັງ ການເຜີຍແຜ່ ເຊື່ອມຊຶມໂດຍ ກົງຄັ້ງນີ້ ກໍອາດນຳເອົາເນື້ອ ໃນຈິດໃຈຂອງນິຕິກຳດັ່ງ ກ່າວມາເປັນຕົວວັດ ແລະ ຈັດ ຕັ້ງກັນຄົ້ນຄວ້າ ປະຕິບັດໃນ ກົມກອງຂອງໃຜມັນ, ສະ ເພາະນາຍເຮົາຈັກວ່າເພິ່ນ ໄດ້ໄປຟັງ ຫລື ບໍ່? ເພາະນັບ ແຕ່ມື້ເຜີຍແຜ່ເປັນຕົ້ນມາ ເພິ່ນເຮັດຄືໝີກິນເຜິ້ງ ແລະ ຍັງມີປາກົດການດັ່ງເດີມ ມົວເມົານຳແຕ່ຜົນປະໂຫຍດ, ໂດຍບໍ່ຫົວຊານຳຝົນຕົກ ຟ້າຮ້ອງ.

 

ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ

ສາມ​ກ້ອນ​ເສົ້າ​ເຕົ້າ​ໂຮມ​ສາມັກຄີ

- Wave100S AD to Website 2020 0 - ເປັນນາຍຕ້ອງຮັກແພງ ແລະ ເບິ່ງແຍງລູກນ້ອງ

ໃນຄວາມເປັນຈິງແລ້ວ, 3 ມະຕິ ແລະ 1 ຄຳສັ່ງ ທີ່ໄດ້ ເຜີຍແຜ່ໄປນັ້ນ, ພວກເຮົາຜູ້ ເປັນນາຍ ຫລື ວ່າຜູ້ເປັນຫົວ ໜ້າຢູ່ຂັ້ນລຸ່ມກໍຕ້ອງໄດ້ພາກັນຄິດ ແລະ ສຳຫລວດກວດກາ ເບິ່ງພຶດຕິກຳຂອງເຮົາເອງ ວ່າໃນຜ່ານມາເຮົາຖືກຕ້ອງ ກັບເງື່ອນໄຂມາດຖານນັ້ນ ຫລື ບໍ່?, ຍັງອັນໃດທີ່ມັນບໍ່ຄົບ, ໂດຍສະເພາະແມ່ນໃນຂົງ ເຂດວຽກງານນຳພາ-ຄຸ້ມ ຄອງໃນກົມກອງຂອງຕົນ ເຮັດແນວໃດມັນຈຶ່ງຈະມີ ຄວາມສາມັກຄີ, ມີຄວາມ ສະຫງົບປອດໄພໃນກົມກອງ, ສ້າງແຮງຈູງໃຈໃຫ້ແກ່ອ້າຍນ້ອງ, ເຮັດແນວໃດໃຫ້ອ້າຍ ນ້ອງເຂົາຈະມີຢູ່ມີກິນ, ກໍຄືແຕ່ ນີ້ຫາປີ 2020 ໃຫ້ເຂົາພາກັນ ໄດ້ຫລຸດພົ້ນອອກຈາກຄວາມທຸກຍາກ ແລະ ດ້ອຍພັດທະ ນາຕາມແນວທາງນະໂຍບາຍຂອງພັກ ແລະ ລັດຖະບານ ວາງອອກ. ອັນສຳຄັນກ່ອນ ອື່ນໝົດແມ່ນນຳພາ-ຄຸ້ມຄອງພະນັກງານທີ່ຢູ່ໃນຄວາມຮັບຜິດຊອບຂອງຕົນເຮັດຫລ້ອນໜ້າທີ່ທີ່ຊາດ ແລະ ປະຊາຊົນ ກໍຄືຂັ້ນເທິງມອບໝາຍໃຫ້.

ຕາມເຮົາວ່າ: ນາຍສະ ໄໝນີ້, ມັນແຕກຕ່າງກັບ ນາຍ ສະໄໝຕໍ່ສູ້ກູ້ຊາດຫລາຍເຕີບ, ເປັນຫຍັງຈຶ່ງວ່າແນວນັ້ນ? ຍ້ອນວ່າເມື່ອປຽບທຽບໃສ່ ນາຍສະໄໝກ່ອນເພິ່ນເປັນຄົນເວົ້າເກັ່ງ, ໂຄສະນາເກັ່ງ, ເຮັດ ວຽກງານເກັ່ງ, ປຸກລະດົມຂົນ ຂວາຍເກັ່ງ ທັງເປັນຄົນສັດ ຊື່ຈົ່ງຮັກພັກດີຕໍ່ພັກຕໍ່ການ ປະຕິວັດ, ຕໍ່ປະເທດຊາດ ແລະ ຕໍ່ປະຊາຊົນອີ່ຫລີ, ເວົ້າແນວ ໃດເພິ່ນກໍເຮັດແນວນັ້ນ. ອັນ ສຳຄັນແມ່ນເພິ່ນເປັນແວ່ນ ແຍງອັນໃສແຈ້ງທັງນຳພາ ລູກນ້ອງ, ທັງເຮັດຫລ້ອນພາ ລະກິດປະຕິວັດ ແລະ ກໍພ້ອມ ກັນໄດ້ຮັບໄຊຊະນະໃນການ ປົດປ່ອຍປະເທດຊາດໄດ້ ສົມກັບຄວາມມຸ້ງມາດປາດ ຖະໜາ.

ພໍຕົກມາສະໄໝນີ້, ນາຍ ບາງຄົນໄດ້ປ່ຽນໄປຫລາຍ ຢ່າງ, ປ່ຽນທັງແນວຄິດ ແລະ ພຶດຕິກຳ ເປັນຕົ້ນລືມໝູ່ລືມຄູ່ ທີ່ເຄີຍກິນສຸກກິນດິບນຳກັນ ມາຕັ້ງແຕ່ຍາມທຸກຍາມຍາກ, ນາຍບາງຄົນກໍຊອກຫາແຕ່ ຜົນປະໂຫຍດໃຫ້ຕົນເອງ ບໍ່ ເຫັນຄວາມທຸກຍາກຂອງລູກນ້ອງ, ບາງນາຍກໍຮັ່ງມີຍ້ອນ ຖານະຕຳແໜ່ງ, ມີດິນດອນ ຕອນຫຍ້າ, ມີເງິນມີຄຳຍ້ອນ ການສໍ້ລາດບັງຫລວງ, ນາຍ ບາງຄົນກໍດີແຕ່ເວົ້າ, ບາດໃຫ້ ເຮັດພັດອືດອາດປານດຶງຂາ ເຕົ່າ, ບາງຄົນພັດເວົ້າຫລາຍ ເຮັດໜ້ອຍ, ບາງນາຍພັດ ເວົ້າແນວໜຶ່ງເຮັດແນວໜຶ່ງ, ບາງນາຍພັດມັກຕົວະມັກຕົ້ມຈົນເຂົາໃສ່ສາຍານາມວ່າ 120 ມົງກຸດ, ບາງນາຍພັດ ຊອກຫາກິນແຕ່ເຄື່ອງໃນແຕ່ ພັດບໍ່ຮ່ວງໄຍນຳຊີວິດການ ເປັນຢູ່ຂອງລູກນ້ອງ. ກົງກັນ ຂ້າມມີບາງນາຍພັດດີອີ່ຫລີ ອີ່ຫລໍ ຍອມສະຫລະຜົນປະ ໂຫຍດສ່ວນຕົວເພື່ອວຽກ ງານ ສ່ວນລວມ ແລະ ເພື່ອ ປະເທດ ຊາດ. ນີ້ລະເຂົາເອີ້ນວ່າເກີດ ມາເປັນນາຍໃນຍຸກໂລກາພິ ວັດມັນບໍ່ຄືກັນ ຍ້ອນເກີດຄົນ ລະມ້ອງ, ຢູ່ຄົນລະມຸມ ດັ່ງຄຳ ພັງເພີຍເຢີ້ຍກັນວ່າ: ເຖົ້າບ້ານ ໂຕບໍ່ຄືເຖົ້າບ້ານເພິ່ນ, ເຖົ້າບ້ານ ເພິ່ນກໍບໍ່ຄືເຖົ້າບ້ານໂຕ, ຍ້ອນ ຢູ່ຄົນລະບ້ານ./.

- 885444 1 - ເປັນນາຍຕ້ອງຮັກແພງ ແລະ ເບິ່ງແຍງລູກນ້ອງ
(ພາບປະກອບ)
- WhatsApp Image 2020 05 27 at 5 - ເປັນນາຍຕ້ອງຮັກແພງ ແລະ ເບິ່ງແຍງລູກນ້ອງ
- WhatsApp Image 2020 05 27 at 5 - ເປັນນາຍຕ້ອງຮັກແພງ ແລະ ເບິ່ງແຍງລູກນ້ອງ
error: Alert: ເນື້ອຫາຂ່າວມີລິຂະສິດ !!