ງົວ​ປະຊາຊົນ​ເມືອງ​ເຊ​ໂປ​ນຕາຍ 15 ​ໂຕ ​ແລະ ປາ​ຕາຍ​ເປັນ​ຈຳນວນ​ຫລາຍ

- cowww - ງົວ​ປະຊາຊົນ​ເມືອງ​ເຊ​ໂປ​ນຕາຍ 15 ​ໂຕ ​ແລະ ປາ​ຕາຍ​ເປັນ​ຈຳນວນ​ຫລາຍ
- Untitled design - ງົວ​ປະຊາຊົນ​ເມືອງ​ເຊ​ໂປ​ນຕາຍ 15 ​ໂຕ ​ແລະ ປາ​ຕາຍ​ເປັນ​ຈຳນວນ​ຫລາຍ

ໃນອາທິດຜ່ານມານີ້, ທ່ານພູທອນ ຍອດບຸນເຮືອງ ຫົວໜ້າພະແນກຊັບພະຍາ ກອນທຳມະຊາດ ແລະ ສິ່ງແວດລ້ອມ ແຂວງສະຫວັນນະເຂດ ຮ່ວມກັບອຳນາດການ ປົກຄອງເມືອງເຊ ໄດ້ລົງກວດກາການຄຸ້ມຄອງ ສິ່ງແວດລ້ອມ ຂອງໂຮງງານຊັນເປເປີ(ຜະລິດຝຸ່ນເຈ້ຍ) ພາຍຫລັງມີສັດລ້ຽງປະ​ເພດ​ງົວ​ຂອງ​ປະຊາຊົນ ບ້ານແກ້ງກີ, ແກ້ງຫົວປາ, ມັນຈີ ເມືອງເຊໂປນ ຕາຍ 15 ໂຕ. ​ໃນ​ຊ່ວງ​ໄລຍະ​ວັນ​ທີ 10-15 ພຶດສະພາ​ນີ້, ຢູ່​ຫ້ວຍ​ນ້ຳຫລາຍ​ແຫ່ງ​ໃນ​ເຂດ​ບ້ານ​ດັ່ງກ່າວ ກໍ​ເກີດ​ມີ​ປາ​ຕາຍ​ເປັນ​ຈຳນວນ​ຫລວງຫຼາຍ ​ແລະ ຈາກ​ນັ້ນໜ່ວຍງານ​ສິ່ງ​ແວດ​ລ້ອມ​ດັ່ງກ່າວ ​ໄດ້​ນຳ​ເອົາ​ນ້ຳ ​ແລະ ​ເສດ​ໄມ້​ຕ່າງໆ​ໃນ​ບໍລິ​ເວນ​ໂຮງງານ​ເຈ້ຍ​ແຫ່ງ​ນີ້​ໄປ​ກວດກາ.

ທ່ານ ​ເຈົ້າ​ເມືອງ ​ເຊ​ໂປ​ນ ​ ​​ໃຫ້​ສຳພາດ​ຕໍ່ນັກຂ່າວໜັງສື​ພິມ​ລາວ​ພັດທະນາ ​ໃນ​ວັນ​ທີ 23 ພຶດສະພາ ນີ້ວ່າ: ​ໂຮງງານ​ຊັນ​ເປ​ເປີ ​​ເປັນ​ໂຮງງານ​ຜະລິດ​ເຈ້ຍ, ​​ໂດຍ​ແມ່ນ​ການ​ລົງທຶນ​ຂອງ​ນັກທຸລະກິດ​ຈີນ, ມີເນື້ອທີ່ສຳ​ປະທານ​ຫລາຍ​ກ່ວາ 100 ​ເຮັກຕາ, ປັດຈຸບັນ​ກຳລັງ​ເລັ່ງກໍ່ສ້າງ​, ຊຶ່ງ​ໃນ​ວັນ​ທີ 10 ພຶດສະພາ ຜ່ານ​ມາ ​ໄດ້​ເກີດ​ມີ​ຝົນຕົກ​ແຮງ, ​ເຮັດ​ໃຫ້​ນ້ຳ​ໄດ້​ເຊາະ​ເອົາ​ຕະກອນ​ ຈາກ​ສິ່ງ​ກໍ່ສ້າງ ​ແລະ ​​ເສດ​ໄມ້​ຂອງ​ໂຮງງານ​​ໄດ້ລົງ​ສູ່​ນ້ຳຫ້ວຍ, ​ອາດ​ເປັນສາ​ເຫດເຮັດ​ມີ​ສັດ​ຕາຍ​ເປັນ​ຈຳນວນ​ຫລາຍດັ່ງກ່າວ ​ແລະ ປັດຈຸ​ບັນ ທາງ​ເມືອງ​ກໍ​ໄດ້​ເນັ້ນ​ໃຫ້​ໂຮງງານ​ປັບປຸງ​ການກໍ່ສ້າງ ​ແລະ ​ເອົາ​ໃຈ​ໃສ່​ໃນ​ການ​ຮັກສາ​ສິ່ງ​ແວດ​ລ້ອມ​ໃຫ້​ດີ​ຂຶ້ນ ​ເພື່ອ​ບໍ່​ສົ່ງ​ຜົນ​ກະທົບ​ຕໍ່ສັງຄົມ ​ແລະ ສິ່ງ​ແວດ​ລ້ອມ.

- Wave100S AD to Website 2020 0 - ງົວ​ປະຊາຊົນ​ເມືອງ​ເຊ​ໂປ​ນຕາຍ 15 ​ໂຕ ​ແລະ ປາ​ຕາຍ​ເປັນ​ຈຳນວນ​ຫລາຍ
- WhatsApp Image 2020 05 27 at 5 - ງົວ​ປະຊາຊົນ​ເມືອງ​ເຊ​ໂປ​ນຕາຍ 15 ​ໂຕ ​ແລະ ປາ​ຕາຍ​ເປັນ​ຈຳນວນ​ຫລາຍ
- WhatsApp Image 2020 05 27 at 5 - ງົວ​ປະຊາຊົນ​ເມືອງ​ເຊ​ໂປ​ນຕາຍ 15 ​ໂຕ ​ແລະ ປາ​ຕາຍ​ເປັນ​ຈຳນວນ​ຫລາຍ
error: Alert: ເນື້ອຫາຂ່າວມີລິຂະສິດ !!