ລາວ-ຈີນ ​ເປີດ​ເສັ້ນທາງຖ້ຽວບິນໃຫມ່

- image001 - ລາວ-ຈີນ ​ເປີດ​ເສັ້ນທາງຖ້ຽວບິນໃຫມ່
- Untitled design - ລາວ-ຈີນ ​ເປີດ​ເສັ້ນທາງຖ້ຽວບິນໃຫມ່

 ລາວ ແລະ ຈີນ ​ໄດ້​ເຊັນ​ສັນຍາ​ຮ່ວມ​ມື​ກັນ​ໃນການ​ສ້າງ​ເສັ້ນທາງ​ຖ້ຽວບິນ​ໃໝ່​ ລະຫວ່າງນະຄ​ອນຫລວງ​ວຽງຈັນ, ແຂວງຫລວງພະບາງ ແລະ ແຂວງ Hainan ໃນ ສປ ຈີນ ​ເພື່ອ​ແນ​ໃສ​ສົ່ງ​ເສີມ​ການທ່ອງທ່ຽວ ​ແລະ ​ການ​ຮ່ວມ​ມື​ດ້ານ​ອື່ນໆລະຫວ່າງ​ສອງປະ​ເ​ທດ.

​​ເຊິ່ງ​ພິທີ​ເຊັນ​ສັນຍາ​ຮ່ວມ​ມື​ດັ່ງກ່າວ​ໄດ້​ມີ​ຂຶ້ນລະຫວ່າງທ່ານ ຈົງ ຈຸນ ຈົ໋ງ ຜູ້ອໍານວຍການປະ ທານບໍລິສັດ Malao Travel Sole Limited ​ໃນ​ປະ​ເທ​ດລາວ ​ແລະ ທ່ານ ຕິງ ​ເຈຍ​ປິງ Mr.Ding Jiabin ຜູ້​ຈັດການ​ທົ່ວ​ໄປ ຂອງ​ບໍ​ລິ​ສັດ​ການທ່ອງທ່ຽວ ​ໄຮ​ນານ ​ຢູໄ​ນ​ເຕັດ ແອ​ລາຍ Hainan United Airlines Travel Company Limited, ​ໂດຍ​ມີ ທ່ານ ນາງ ​ແສງ​ສຸດາ ວັນ​ທະນູ​ວົງ ຮອງ​ຫົວໜ້າກົມ​ທ່ອງ​ທ່ຽວຂອງ​ລາວ​ເຂົ້າ​ຮ່ວມ​ເປັນ​ສັກຂີ​ພິຍານນຳ​ດ້ວຍ.

​ທ່ານ ນາງ ​ແສງ​ສຸດາ ວັນ​ທະນູ​ວົງ ກ່າວ​ວ່າ:​ ລາວ ແລະ ຈີນ ມີປະຫວັດການພົວພັນ ແລະ ການຮ່ວມມືຢ່າງຍາວນານ ນັບ​ແຕ່​ອະດີ​ດຈົນ​ເຖິງ​ປັດຈຸບັນ,​ ສໍາລັບການ​ຮ່ວມ​ມື​ໃນ​ການ​ສ້າງເສັ້ນທາງການບິນໃໝ່ນີ້ ມັນ​ບໍ່ພຽງ​ແຕ່​ເປັນ​ການ​ສົ່ງ​ເສີມ​ການທ່ອງທ່ຽວ​ເທົ່າ​ນັ້ນ​ ແຕ່​ຍັງ​ແມ່ນຂົວທີ່ເຊື່ອມຕໍ່ລະຫວ່າງ​ລັດຖະບານ ​ແລະ ປະຊາຊົນ​ສອງ​ຊາດ ລາວ ແລະ ຈີນ ອີກ​ດ້ວຍ ​ແລະ ມັນ​ກໍ​ເປັນ​ສ່ວນໜຶ່ງ​ໃນ​ການລິ​ເລີ່ມພາຍ​ໃຕ້​ການ​ຮ່ວມ​ມື ໜຶ່ງ​ແລວ ໜຶ່ງ​ເສັ້ນ​ທາງ One Belt One Road ​ເພື່ອ​ເພີ່ມ​ທະວີ​ກາ​ນພົວພັນຮ່ວມ​ມື​ຂອງ​ສອງ​ປະ​ເທດ ລາວ ​ແລະ ຈີນ ນັບ​ມື້​ເຕີບ​ໃຫຍ່​ຂະຫຍາຍຕົວ.

- Wave100S AD to Website 2020 0 - ລາວ-ຈີນ ​ເປີດ​ເສັ້ນທາງຖ້ຽວບິນໃຫມ່

ສຳ​ລັບ​ເສັ້ນທາງ​ສາຍ​ການບິນ ​ທີ່​ຈະ​ສ້າງ​ໃໝ່​ແມ່ນຈະມີສາມຖ້ຽວບິນປະຈໍາອາທິດ: ອອກຈາກນະ ຄອນຫລວງວຽງຈັນ ເຖິງເມືອງ Haikou ແຂວງ Hainan ໃນວັນພຸດ ແລະ ວັນອາທິດ ແລະ ຈາກຫລວງພະບາງ​ເຖິງ Haikou ​ໃນວັນສຸກ. ແຂວງ Hainan ​ຕັ້ງຢູ່ພາກໃຕ້ຂອງຈີນ ແລະ ມີສະພາບອາກາດຄ້າຍຄືກັນກັບລາວ ​ເຊິ່ງມັນ​​ໄດ້​ຖືເປັນ​ເສັ້ນ​ທາງ​ໃນ​ການ​ຄ້າ​-ຂາຍ ທີ່​ຕິດພັນກັບ​​ອຸດ​ສາ​ຫະກຳ​ການທ່ອງທ່ຽວ ກັບ​ບັນດາ​ປະ​ເທດ​ໃກ້​ຄຽງ ​ແລະ ​ເສັ້ນທາງ​ໃໝ່ດັ່ງ​ກ່າວ ແມ່ນໜຶ່ງໃນຫລາຍກວ່າ 50 ຖ້ຽວບິນທົ່ວໂລກ ທີ່ຈະສົ່ງເສີມການທ່ອງທ່ຽວ ແລະ ການຮ່ວມມືກັບແຂວງ​ໄຮ​ນານ ​ໂດຍ​ໃຊ້​ເວ​ລາ​ໃນ​ການ​​ເດີນທາງ​ພຽງ​ແຕ່ 90 ນາທີ ​ເທົ່າ​ນັ້ນ. ເນື່ອງຈາກສາຍການບິນ One Belt, ມັນແມ່ນນະໂຍບາຍຂອງລັດຖະບານຈີນ ໃນການສ້າງຕັ້ງສາຍການບິນຈາກລາວ ໄປແຂວງ​ໄຮນານ ເພື່ອເສີມຂະ ຫຍາຍການພັດທະນາຂອງສອງປະເທດ.

​ໂອກາດ​ດຽວກັນ, ທ່ານ ທ່ານ ຕິງ ​ເຈຍ​ປິງ Ding Jiabin ​ໃຫ້​ຮູ້​ວ່າ:​ ອີງຕາມຂະແໜງການທ່ອງທ່ຽວຂອງແຂວງ​ໄຮ​ນານ, ຈໍານວນຊາວຈີນທີ່ເດີນທາງມາປະເທດລາວ ແມ່ນເພີ່ມຂຶ້ນ​ໃນທຸກໆປີແຕ່ຈໍານວນຄົນລາວໄປຫາແຂວງ​ໄຮ​ນານ ແມ່ນຍັງມີໜ້ອຍ. ທ່ານຈຶ່ງຮຽກຮ້ອງໃຫ້ປະຊາຊົນລາວ ໄປຢ້ຽມຢາມ ແລະ ເພີດເພີນກັບຄວາມສວຍງາມຂອງແຂວງດັ່ງກ່າວ ເຊັ່ນ: ທະເລທີ່ສວຍງາມ ແລະ ການນໍາໃຊ້ເສັ້ນທາງໃໝ່ໂດຍກົງ ​ແລະ ຄາດວ່າ ຈະມີ​ການສ້າງ​ເສັ້ນທາງການບິນ​ໃໝ່ ລະຫວ່າງແຂວງຫລວງພະບາງ ​ໄປ​ເມືອງ​ຊາງ​ຊາ ​ແລະ ​ເມືອງຫລວງ ຂອງ​ແຂວງຢຸນ​ນານ ໃນເດືອນໜ້ານີ້​ອີກ​ດ້ວຍ.

- WhatsApp Image 2020 05 27 at 5 - ລາວ-ຈີນ ​ເປີດ​ເສັ້ນທາງຖ້ຽວບິນໃຫມ່
- WhatsApp Image 2020 05 27 at 5 - ລາວ-ຈີນ ​ເປີດ​ເສັ້ນທາງຖ້ຽວບິນໃຫມ່
error: Alert: ເນື້ອຫາຂ່າວມີລິຂະສິດ !!