ໂຈນແອບແຝງສາວປະເພດ 2 ເຂົ້າບ້ານພັກ-ໂຮງແຮມລັກຊັບນັກທ່ອງທ່ຽວຖືກຈັບມາດໍາເນີນຄະດີ

- Untitled 1 1 - ໂຈນແອບແຝງສາວປະເພດ 2 ເຂົ້າບ້ານພັກ-ໂຮງແຮມລັກຊັບນັກທ່ອງທ່ຽວຖືກຈັບມາດໍາເນີນຄະດີ
- Untitled design - ໂຈນແອບແຝງສາວປະເພດ 2 ເຂົ້າບ້ານພັກ-ໂຮງແຮມລັກຊັບນັກທ່ອງທ່ຽວຖືກຈັບມາດໍາເນີນຄະດີ

ເຈົ້າໜ້າ​ທີ່ ປກສ ​ແຂວງ​ບໍ່​ແກ້ວ ລາຍງານໃຫ້ຮູ້ວ່າ: ເມື່ອບໍ່ດົນມານີ້, ກໍາລັງເຈົ້າໜ້າທີ່ຂອງຕົນ, ໄດ້ນໍາຕົວທ້າວ ຈຸ່ນ ອາຍຸ 25 ປີຢູ່​ບ້ານ​ປາ​ອ້ອຍ​ເມືອງ​ຫ້ວຍ​ຊາຍ​ແຂວງ​ບໍ່​ແກ້ວ ມາທໍາແຜນຄະດີ,ເພື່ອສົ່ງໃຫ້ໄອຍະການສັ່ງຟ້ອງສານຕັດສີນລົງໂທດຕາມກົດໝາຍ, ພາຍຫລັງກໍ່ເຫດ​ເຄື່ອນ​ໄຫວ​ລັກ​ຊັບ​​​ນັກ​ທ່ອງ​ທ່ຽວ​ຕາມ​ໂຮງ​ແຮມ ແລະ ​ເຮືອນ​ພັກຕ່າງໆໃນເຂດຕົວເມືອງເປັນຈໍານວນຫລາຍ.

ເຈົ້າໜ້າທີ່ ​ໃຫ້​ຮູ້​ວ່າ: ​ໃນຕົ້ນ​ເດືອນ​ມັງກອນນີ້, ພາຍຫລັງ​ໄດ້ຮັບແຈ້ງວ່າມີຄົນຮ້າຍເຄື່ອນໄຫວລັກຊັບຂອງນັກທ່ອງທ່ຽວ ແລະ ແຂກຕາມໂຮງແຮມ ແລະ ເຮືອນພັກຕ່າງໆ​ຫລາຍ​ຄັ້ງ. ຈຶ່ງ​ໄດ້​ແຕ່ງຕັ້ງ​ເຈົ້າໜ້າ​ທີ່​ລົງ​ກວດກາ​​ສະຖານ​ເກີດ​ເຫດຕົວ​ຈິງ ​ເພື່ອ​ເກັບ​ກຳ​ຂໍ້​ມູນ ​ແລະ ສືບ​ຫາ​ເປົ້າໝາຍ​ສົງ​ໄສ ແລະ ຜ່ານຄັດ​ຈ້ອນ​ເປົ້າໝາຍ ​ແລະ ກວດກາ​ເບິ່ງ​ກ້ອງ​ວົງ​ຈອນ​ປິດ​ຢູ່​ບໍລິ​ເວນ​ໃກ້​ຄຽງ ແລະ ມາຮອດວັນທີ 16 ມັງກອນ ຈຶ່ງ​ສາມາດ​ຈັບ​ຕົວ​ຜູ້ກໍເຫດດັ່ງກ່າວ, ພ້ອມ​ຂອງ​ກາງມີ​ເງິນ 9,5 ລ້ານກີບ, ​9.700 ຢວນ​ (ສະກຸນເງິນຈີນ) ​ແລະ 25.000 ບາດ (ສະກຸນເງິນໄທ). ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ກ່ຽວຮັບສາລະພາບວ່າ:ໄດ້​ເຄື່ອນ​ໄຫວ​ລັກ​ຊັບມາຫລາຍ​​ຫລາຍ​ຄັ້ງແລ້ວ, ​ໂດຍ​ໃຊ້​ຮູບ​ການ​ແຕ່ງ​ກາຍ​ຄືເພດ​ຍິງ (ກະ​ເທີຍ) ແລ້ວ​ເປັນ​ນາຍ​ໜ້າ​ເຂົ້າ​ໄປເລາະ​ຕິດ​ຕໍ່ຍິງ​ສາວ​ໃຫ້​ແຂກ​ທີ່​ມາ​ພັກ​ເຊົາ​ຕາມ​ເຮືອນ​ພັກ, ​ໂຮງ​ແຮມຕ່າງໆ, ​ໂດຍ​ເຂົ້າ​ໄປ​ສັງ​ເກດ​ເບິ່ງ​ແຕ່​ລະ​ຫ້ອງ​ໃສ່​ກຸນແຈ ຫລື ບໍ່? ຖ້າ​ຫ້ອງ​ໃດ​ມີ​ແຂກ​ມາ​ພັກ​ເຊົາ ​ແຕ່​ເຄາະ​ປະຕູ​ບໍ່​ອອກ​ມາ​ໄຂ​ ກໍ​ຈະ​ສວຍ​ໂອກາດ​ໃຊ້ມີດ ຫລື ເຫລັກສະແຫລງທີ່ກຽມມາງັດ​ປະຕູ​ຫ້ອງ​ເຂົ້າໄປຄົ້ນເອົາຊັບສີນຂອງແຂກ ແລະ ນັກທ່ອງທ່ຽວແລ້ວຫລົບໜີໄປ. ຈາກນັ້ນກໍຖືກເຈົ້າໜ້າທີ່ຈັບຕົວມາດໍາເນີນຄະດີຕາມລະບຽບກົດໝາຍ.

- Wave100S AD to Website 2020 0 - ໂຈນແອບແຝງສາວປະເພດ 2 ເຂົ້າບ້ານພັກ-ໂຮງແຮມລັກຊັບນັກທ່ອງທ່ຽວຖືກຈັບມາດໍາເນີນຄະດີ
- WhatsApp Image 2020 05 27 at 5 - ໂຈນແອບແຝງສາວປະເພດ 2 ເຂົ້າບ້ານພັກ-ໂຮງແຮມລັກຊັບນັກທ່ອງທ່ຽວຖືກຈັບມາດໍາເນີນຄະດີ
- WhatsApp Image 2020 05 27 at 5 - ໂຈນແອບແຝງສາວປະເພດ 2 ເຂົ້າບ້ານພັກ-ໂຮງແຮມລັກຊັບນັກທ່ອງທ່ຽວຖືກຈັບມາດໍາເນີນຄະດີ
error: Alert: ເນື້ອຫາຂ່າວມີລິຂະສິດ !!