ພັດທະນາການຂອງລູກນ້ອຍ ເດືອນທີ 8

- 4 1 - ພັດທະນາການຂອງລູກນ້ອຍ ເດືອນທີ 8
- AGL banner - ພັດທະນາການຂອງລູກນ້ອຍ ເດືອນທີ 8

ເດືອນທີ 8 ຍິ່ງລູກເຄື່ອນໄຫວຢ່າງອິດສະຫລະ ໂລກອ້ອມຕົວຂອງເຂົາກໍໜ້າສໍາຫລວດໄປໝົດ ມາເບິ່ງພັດທະນາການແຕ່ລະດ້ານຂອງລູກນ້ອຍເດືອນນີ້

1.​ ດ້ານສະຕິປັນຍາ ແລະ ການຮຽນຮູ້

  • ລູກຮຽນຮູ້ວ່າຂະໜາດ ແລະ ຮູບຮ່າງຂອງສິ່ງຂອງບໍ່ປ່ຽນແປງ ເຖິງເຂົາຈະຫັນໜ້າໄປສິ່ງຂອງກໍຍົງຄົງຢູ່ຄືເກົ່າ
  • ການຈັບ ແລະ ຖິ້ມຊໍ້າໆ ເປັນໜຶ່ງໃນການຮຽນຮູ້ທີ່ຈະຄວບຄຸມກ້າມຊີ້ນມືຂອງລູກ ຊຶ່ງເຂົາຮູ້ສຶກແປກໃຈ ແລະ ດີໃຈທີ່ສາມາດເຮັດໄດ້
  • ຮຽນຮູ້ວ່າຕົນເປັນຄົນໜຶ່ງຄົນເຊັ່ນດຽວກັນກັບຄົນອື່ນໆ ໄດ້ຮຽນຮູ້ທີ່ຈະປຽບທຽບຮ່າງກາຍໂຕເອງກັບຄົນອື່ນຮູ້ວ່າມີອະໄວຍະວະຕ່າງໆຄືຄົນອື່ນ ແລະ ເຄື່ອນໄຫວໄດ້ຄືກັນ
  • ມັກຮຽນແບບທ່າທາງຂອງແມ່ທີ່ເຫັນ
  • ສາມາດຮຽນຮູ້ເລື່ອງຈໍານວນ ຫຼື ປະລິມານຈາກການໃສ່ສິ່ງຂອງຢ່າງໜຶ່ງລົງໄປໃນກັບແລ້ວໃສ່ນໍາໄປອີກ ແລະ ຫຼິ້ນດ້ວຍຄວາມເຂົ້າໃຈວ່າມີຫຼາຍກວ່າ 1 ອັນ ໂດຍການສັ່ນຫຼິ້ນເພື່ອນຟັງສຽງ ແລະ ປຽບທຽບກັັບຂອງຫຼິ້ນທີ່ມີສຽງ ແລະ ຈັບຂອງຫຼິ້ນໃສ່ປາກເທື່ອລະອັນ ເພາະລູກໄວນີ້ຮຽນຮູ້ດ້ວຍການໃຊ້ມື ແລະ ປາກນັ້ນເອງ
  • ຮຽນຮູ້ທີ່ຈະສ້າງສຽງໄດ້ດ້ວຍໂຕເອງ
  • ພຶດຕິກໍາຊ່າງສໍາຫລວດຂອງລູກເຮັດໃຫ້ຈື່ຈໍາສິ່ງຂອງທີ່ຍັງຢູ່ ແລະ ສິ່ງຂອງທີ່ຫາຍໄປ ເຊັ່ນດຽວກັບເລື່ອງເວລາ ວ່າເວລານີ້ຕ້ອງເຮັດຫຍັງ ແລ້ວໆຕ້ອງເຮັດຫຍັງຕໍ່ ຊຶ່ງເປັນຜົນຈາກການເຊື່ອມໂຍງຄວາມຄິດນັ້ນເອງ
  1. ດ້ານຮ່າງກາຍ ແລະ ການເຄື່ອນໄຫວ
  • ສາມາດລຸກຈາກທ່ານອນສູ່ທ່ານັ່ງໄດ້ແລ້ວ ແລະ ສ່ວນໃຫຍ່ຈະຄານໄດ້ແລ້ວ ແຕ່ເດັກນ້ອຍບາງຄົນອາດຈະຍັງມັກໃຊ້ວິທີຄືບຫຼາຍກວ່າຄານ ເພາະເຮັດໃຫ້ເຂົາເຄື່ອນໄຫວໄດ້ໄວທັນໃຈກວ່າ
  • ການເປີດໂອກາດໃຫ້ລູກໄດ້ເຄື່ອນໄຫວເທິງພື້ນຜິວຫຼາກຫຼາຍ ຈະຊ່ວຍໃຫ້ສະໝອງຂອງລູກໄດ້ຮຽນຮູ້ປະສາດສໍາຜັດທີ່ແຕກຕ່າງກັນ
  • ເມື່ອລູກຄານໄດ້ ຂັ້ນຕໍ່ໄປຄືເຂົາຈະພະຍາຍາມໃຊ້ມືດຶງສິ່ງຂອງຕ່າງໆເພື່ອທີ່ຈະຢືນ ແລະ ກ້າວຍ່າງ
  • ຈະສັງເກດເຫັນລູກພະຍາຍາມຈັບສິ່ງຂອງນ້ອຍໆຂຶ້ນມາໃຫ້ໄດ້ ຊຶ່ງມີຂໍ້ດີໄດ້ຝຶກໃຊ້ກ້າມຊີ້ນມັດນ້ອຍ
  1. ດ້ານພາສາ ແລະ ການສື່ສານ
  • ຮູ້ພາສາຫຼາຍຂຶ້ນ ສ່ວນໜຶ່ງເປັນຜົນຈາກການຮຽນຮູ້ ແລະ ຝຶກອອກສຽງ ແລະ ພະຍາຍາມຮຽນແບບວິທີເວົ້າຈາກຄົນອ້ອມຂ້າງ
  1. ດ້ານອາລົມ ແລະ ສັງຄົມ
  • ສິ່ງທີ່ຮູ້ສຶກມາພ້ອມກັບຄວາມອິດສະຫລະ ຄືຄວາມຢ້ານ ລູກໄວນີ້ຢ້ານການພາກຈາກແມ່ຊໍ່າກັບຢ້ານຄົນແປກໜ້າ ດ້ວຍເຫດຜົນນີ້ເຂົາຈຶ່ງພະຍາຍາມປ້ອງກັນໂຕເອງດ້ວຍການຄອຍຫັນມາເບິ່ງ ເພື່ອໃຫ້ໝັ້ນໃຈວ່າແມ່ຍັງຢູ່ໃກ້ໆ
  • ເລີ່ມມີລັກສະນະການຮຽນຮູ້ທີ່ສະເພາະໂຕຫຼາຍຂຶ້ນ ແລະ ມັກຮຽນແບບກິລິຍາທ່າທາງຂອງຄົນ ລວມທັງຮຽນຮູ້ທີ່ຈະຮຽກຮ້ອງຄວາມສົນໃຈຈາກຄົນອ້ອມຂ້າງ

ລູກນ້ອຍຮຽນຮູ້ຜ່ານປະສາດສໍາຜັດທັງ 5 ຫາກເຮົາສ້າງສະພາບແວດລ້ອມທີ່ເອື້ອຕໍ່ການຮຽນຮູ້ຂອງລູກໄດ້ຢ່າງເໝາະສົມ ບໍ່ວ່າຈະເປັນພື້ນທີ່ທີ່ປອດໄພສໍາລັບການຄານ, ມີຂອງຫຼິ້ນ ແລະ ມີແມ່ລົມນໍາ, ເລົ່ານິທານ ຫຼື ມີສຽງດົນຕີເພາະໆ ຊ່ວຍເຕີມເຕັມຈິນຕະນາການເຫຼົ່ານີ້ ຈະຊ່ວຍໃຫ້ລູກມີພັດທະນາການທີ່ດີໄດ້ບໍ່ຍາກ.

- Wave100S AD to Website 2020 0 - ພັດທະນາການຂອງລູກນ້ອຍ ເດືອນທີ 8

 

 

- lattana banner - ພັດທະນາການຂອງລູກນ້ອຍ ເດືອນທີ 8
-    AD conten website - ພັດທະນາການຂອງລູກນ້ອຍ ເດືອນທີ 8
- lattana banner 1 - ພັດທະນາການຂອງລູກນ້ອຍ ເດືອນທີ 8
error: Alert: ເນື້ອຫາຂ່າວມີລິຂະສິດ !!