ເຢເມນປະກາດພາວະ ສຸກເສີນຫລັງພາຍຸຖະຫລົ່ມ

- 1527152640405 960x0 - ເຢເມນປະກາດພາວະ ສຸກເສີນຫລັງພາຍຸຖະຫລົ່ມ
- AGL banner - ເຢເມນປະກາດພາວະ ສຸກເສີນຫລັງພາຍຸຖະຫລົ່ມ

​ເຈົ້າໜ້າ​ທີ່​ລັດຖະບານ​ເຢ​ເມນ​ປະກາດ​ພາວະ​ສຸກ​ເສີນ​ຢູ່​ເກາະ​ໂຊ​ໂຄຕຣາ ​ໃນ​ວັນ​ທີ 24 ພຶດສະພາ​ນີ້ ພາຍຫລັງ​ພາຍຸ​ເຂດ​ຮ້ອນ​ເຮັດ​ໃຫ້​ນ້ຳຖ້ວມ​ບ້ານ​ຫລາຍ​ແຫ່ງ ​ແລະ ​ເຮືອ​ຂວ້ຳ ມີ​ຜູ້​ສູນຫາຍ​ຢ່າງ​ໜ້ອຍ 17 ຄົນ, ອົບ​ພະຍົບຫລາຍ​ຮ້ອຍ​ຄົນ ​ແລະ ​ເຮືອນ​ເປ່​ເພ​ເສຍ​ຫາຍ​ຫລາຍ​ຫລັງ.

​ເກາະ​ໂຊ​ໂຄຕຣາ ​ເຊິ່ງຕັ້ງຢູ່​ລະຫວ່າງ​ແຫລມອາຣັບກັບ​ອາ​ຟຣິກາ ບໍ່​ຄ່ອຍ​ໄດ້​ຮັບ​ຜົນ​ກະທົບ​ຈາກ​ສົງຄາມ​ໃນ​ເຢ​ເມນທີ່​ມີ​ມາ 3 ປີ ​ແລະ ຍັງ​ຢູ່​ໃນ​ການ​ເບິ່ງ​ແຍງ​ຂອງ​ລັດຖະບານ​ເຢ​ເມນ ທີ່​ປະຊາ​ຄົມ​ໂລກ​ໃຫ້ການ​ຮັບຮອງ, ​ແຕ່​ປະທານາທິບໍດີ​ຍັງ​ຄົງ​ລີ້​ໄພ​ຢູ່​ອາຣັບບີ ຊາ​ອຸ​ດິດ. ​ໂຄສົກ​ລັດຖະບານ​ເຢ​ເມນ​ຖະ​ແຫລ​ງຕໍ່​ສຳນັກ​ຂ່າວ​ຊາ​ບາ​ຂອງ​ທາງ​ການ​ວ່າ: ​ເກາະ​ໂຄ​ໂຄຕຣາຕ້ອງການ​ຄວາມ​ຊ່ວຍ​ເຫລືອ​ຮີບ​ດ່ວນ​ໃຫ້​ປະຊາຊົນ​ທີ່​ຕົກ​ຄ້າງ​ຢູ່​ໃນ​ເຮືອນ ​ແລະ ພູ​ເຂົາ, ມີ​ຜູ້​ສູນຫາຍ 17 ຄົນ​ພາຍຫລັງ​ເຮືອ​ຂວ້ຳ 2 ລຳ ​ແລະ ລົດ 3 ຄັນ​ຖືກ​ກະ​ແສນ້ຳພັດ​ໄປ. ​ເຈົ້າໜ້າ​ທີ່​ອີກ​ຄົນ​ໜຶ່ງ​ກ່າວ​ວ່າ: ຕ້ອງ​ອົບ​ພະຍົບປະຊາຊົນ​ກວ່າ 200 ຄອບຄົວ​ອອກ​ຈາກ​ບ້ານ. ​ໂຄສົກ​ລັດຖະບານ​ຮຽກຮ້ອງ​ໃຫ້​ກອງ​ກຳລັງ​ທະຫານ​ທີ່​ມີ​ອາຣັບບີ ຊາ​ອຸ​ດິດ​ ​ເປັນ​ການ​ນຳ ​ແລະ ອົງການ​ສາກົນ ຈັດ​ສັນ​ການ​ຊ່ວຍ​ເຫລືອ​ຮີບ​ດ່ວນ​ໃຫ້​ຜູ້​ປະສົບ​ໄພ​ໃນ​ພື້ນທີ່.

- Wave100S AD to Website 2020 0 - ເຢເມນປະກາດພາວະ ສຸກເສີນຫລັງພາຍຸຖະຫລົ່ມ
- lattana banner - ເຢເມນປະກາດພາວະ ສຸກເສີນຫລັງພາຍຸຖະຫລົ່ມ
-    AD conten website - ເຢເມນປະກາດພາວະ ສຸກເສີນຫລັງພາຍຸຖະຫລົ່ມ
- lattana banner 1 - ເຢເມນປະກາດພາວະ ສຸກເສີນຫລັງພາຍຸຖະຫລົ່ມ
error: Alert: ເນື້ອຫາຂ່າວມີລິຂະສິດ !!