ພຽງ 3 ເດືອນບໍລິສັດຜະລິດໄຟຟ້າລາວມະຫາຊົນມີຜົນກຳໄລກວ່າ 33 ພັນລ້ານກີບ

- Untitled design - ພຽງ 3 ເດືອນບໍລິສັດຜະລິດໄຟຟ້າລາວມະຫາຊົນມີຜົນກຳໄລກວ່າ 33 ພັນລ້ານກີບ

ບໍລິສັດ ຜະລິດ-ໄຟຟ້າ ລາວ ມະຫາຊົນ(ຜ-ຟຟລ) ໃຫ້ຮູ້ວ່າ: ໃນໄຕມາດ1 ປີນີ້, ບໍລິສັດຂອງຕົນສາມາດສ້າງລາຍຮັບໄດ້ 228.989 ລ້ານ ກີບ ແລະ ມີກຳໄລລວມທັງ ໝົດ 33.559 ລ້ານກີບ, ຈາກ ການດຳເນີນຜະລິດກະແສ ໄຟຟ້າທັງໝົດ 10 ເຂື່ອນ, ມີ ກຳລັງຕິດຕັ້ງ 1.131 MW, ເນື່ອງຈາກສິ່ງອຳນວຍຕ່າງໆ ສົ່ງຜົນໃຫ້ການຜະລິດສາ ມາດບັນລຸຕົວເລກໄດ້ສູງເຖິງ 458,99 GWh ເທົ່າກັບ 101,02% ຂອງແຜນການ.

 

ການກໍ່ສ້າງເຂື່ອນໄຟຟ້າດອນສະໂຮງຄືບໜ້າເກືອບ 60%

ໄຟຟ້ານ້ຳຫີນບູນຕອນລຸ່ມຄືບໜ້າແລ້ວ 50%

- Wave100S AD to Website 2020 0 - ພຽງ 3 ເດືອນບໍລິສັດຜະລິດໄຟຟ້າລາວມະຫາຊົນມີຜົນກຳໄລກວ່າ 33 ພັນລ້ານກີບ

(ຜ-ຟຟລ) ແມ່ນ ບໍລິສັດ ມະຫາຊົນ ທີ່ໄດ້ຈົດທະບຽນ ໃນຕະຫລາດຫລັກຊັບລາວ ມາແຕ່ປີ 2010 ແລະ ມີການ ເຕີບໃຫຍ່, ດ້ວຍວິໃສທັດຄື: ເປັນບໍລິສັດ ນຳໜ້າອັນດັບ ໜຶ່ງ ຂອງ ສປປ ລາວ ໃນການ ຮັບປະກັນ ແລະ ການຕອບ ສະໜອງພະລັງງານໄຟຟ້າ ຢ່າງພຽງພໍ ແລະ ທັນການ ໃຫ້ ແກ່ການພັດທະນາເສດຖະ ກິດ-ສັງຄົມ ຂອງ ສປປ ລາວ, ເປັນບໍລິສັດທີ່ຈະປະກອບ ສ່ວນຢ່າງແຂງແຮງ ສ້າງໃຫ້ ສປປ ລາວ ກາຍເປັນໝໍ້ໄຟ ຂອງອາຊຽນ ແລະ ປະກອບ ສ່ວນຢ່າງເຕັມກຳລັງເຮັດໃຫ້ ຂົງເຂດອາຊຽນມີຄວາມໝັ້ນ ຄົງທາງດ້ານພະລັງງານຢ່າງຍືນຍົງ. ເປັນບໍລິສັດແນວໜ້າ ໃນການໃຫ້ການບໍລິການ O&M ໂຮງງານໄຟຟ້າພາຍ ໃນ ແລະ ຂົງເຂດອາຊຽນ, ເປັນບໍລິສັດແນວໜ້າໃນການສ້າງມູນຄ່າເພີ່ມ ໃຫ້ແກ່ຜູ້ຖື ຮຸ້ນຈາກການລົງທຶນ ແລະ ໃນໄຕມາດ 1 ປີນີ້, ບໍລິສັດສາ ມາດມອບພັນທະໃຫ້ພາກ ລັດກວ່າ 3 ພັນລ້ານກີບ, ໃນ ນັ້ນມີ: ຄ່າພາກທາງຫລວງ 1.554 ລ້ານກີບ, ຄ່າອາ ກອນ ເງິນເດືອນ/ ເງິນບຳ ເນັດ 1.104 ລ້ານກີບ, ຄ່າອາ ກອນມູນຄ່າເພີ່ມ 758 ລ້ານ ກີບ ແລະ ຄ່າອາກອນເບ້ຍປະ ຊຸມ 63 ລ້ານກີບ, ນອກນັ້ນຍັງ ມີກຳໄລສຸດທິ ຈາກການລົງ ທຶນໃນວິສາຫະກິດຂາຫຸ້ນ ແລະ ບໍລິສັດຫຸ້ນສ່ວນ ເປັນ ເງິນທັງໝົດ 157.134 ລ້ານ ກີບ, ແລະ ຄາດວ່າການຜະ ລິດໃນງວດຕໍ່ໄປກໍຍັງຈະຢູ່ໃນທ່ວງທ່າຂະຫາຍຕົວສູງ./.

 

- WhatsApp Image 2020 05 27 at 5 - ພຽງ 3 ເດືອນບໍລິສັດຜະລິດໄຟຟ້າລາວມະຫາຊົນມີຜົນກຳໄລກວ່າ 33 ພັນລ້ານກີບ
- WhatsApp Image 2020 05 27 at 5 - ພຽງ 3 ເດືອນບໍລິສັດຜະລິດໄຟຟ້າລາວມະຫາຊົນມີຜົນກຳໄລກວ່າ 33 ພັນລ້ານກີບ
error: Alert: ເນື້ອຫາຂ່າວມີລິຂະສິດ !!