ສຕລ ສໍາເລັດການຝຶກອົບຮົມຄູຝຶກລະດັບເອ

- 33384983 781626972047878 926617899664146432 n - ສຕລ ສໍາເລັດການຝຶກອົບຮົມຄູຝຶກລະດັບເອ
- Untitled design - ສຕລ ສໍາເລັດການຝຶກອົບຮົມຄູຝຶກລະດັບເອ

ວັນທີ 23 ພຶດສະພາ 2018 ຢູ່ທີ່ຫ້ອງປະຊຸມສະຫະພັນບານເຕະແຫ່ງຊາດລາວ (ສຕລ) ບ້ານຫ້ວຍຫົງ ເມືອງຈັນທະບູລີ ນະຄອນຫລວງວຽງຈັນ ໄດ້ມີພິທີປິດການຝຶກອົບຮົມຄູຝຶກບານເຕະລະດັບ A ຂອງສະຫະພັນບານເຕະອາຊີ ເຊິ່ງເປັນການຈັດຄັ້ງທຳອິດ ແລະ ຄັ້ງປະຫວັດສາດທີ່ໄດ້ຈັດຫລັກສູດດັ່ງກ່າວນີ້ ໂດຍການໃຫ້ກຽດເຂົ້າຮ່ວມ​ປິດ​ຂອງທ່ານ ວີເພັດ ສີຫາຈັກ ປະທານ ສຕລ, ທ່ານ ນາງ ກັນຍາ ແກ້ວມະນີ ເລຂາທິການ ສຕລ, ທ່ານ ໄມວອງ (MIKE WONG MUN HENG) ວິທະຍາກອນຈາກ ເອເອັຟຊີ ​ເປັນ​ຄົນສິງກະໂປ ທັງເປັນຫົວໜ້າພະແນກເຕັກນິກ-ວິທະຍາ ສຕລ ພ້ອມດ້ວຍສໍາມະນາກອນເຂົ້າຮ່ວມ.

ທ່ານ ສົມສະນຸກ ລຽນສະຫວັນ ຮອງເລຂາທິການ ສຕລ ກ່າວວ່າ: ການຝຶກອົບຮົມຄູຝຶກບານເຕະລະດັບ A ຂອງສະຫະພັນບານເຕະອາຊີ AFC ‘A’ Coaching Certificate Course ໄດ້ດຳເນີນມາແຕ່ວັນທີ 30 ເມສາ ຫາ 23 ພຶດສະພາ 2018 ໂດຍໃຊ້ເວລາ 23 ມື້ ເຊິ່ງມີສຳມະນາກອນເຂົ້າຮ່ວມທັງໝົດ 22 ຄົນ ຍິງ 2 ຄົນ ທີ່ມາຈາກສະໂມສອນຕ່າງໆໃນນະຄອນຫລວງວຽງຈັນ ແລະ ຕ່າງແຂວງ, ປະເທດໄທ 3 ຄົນ ແລະ ປະເທດມາເລເຊຍ 1 ຄົນ ຕະຫລອດການຝຶກອົບຮົມດັ່ງກ່າວຈະມີການສອບເສັງ 5 ຄັ້ງ (ຕົວຈິງ 3 ຄັ້ງ ແລະ ທິດສະດີ 2 ຄັ້ງ).
ປັດຈຸບັນຄູຝຶກບານເຕະລະດັບ A ຂອງສະຫະພັນບານເຕະອາຊີຢູ່ລາວມີພຽງ 1 ທ່ານເທົ່ານັ້ນຄື: ທ່ານ ວາລະກອນ ພົມພັກດີ. ສໍາລັບສະໂມສອນໃດ ຫລື ພາກສ່ວນໃດຕ້ອງການຮຽນຄູຝຶກສາມາດຕິດຕໍ່ພົວພັນໄດ້ທີ່ ພະແນກເຕັກນິກ ສະຫະພັນບານເຕະແຫ່ງຊາດລາວ ໃນວັນເວລາລັດຖະການ.

- Wave100S AD to Website 2020 0 - ສຕລ ສໍາເລັດການຝຶກອົບຮົມຄູຝຶກລະດັບເອ
- WhatsApp Image 2020 05 27 at 5 - ສຕລ ສໍາເລັດການຝຶກອົບຮົມຄູຝຶກລະດັບເອ
- WhatsApp Image 2020 05 27 at 5 - ສຕລ ສໍາເລັດການຝຶກອົບຮົມຄູຝຶກລະດັບເອ
error: Alert: ເນື້ອຫາຂ່າວມີລິຂະສິດ !!