ມຊ ຊະນະ ທີມມະຫາວິທະຍາໄລຈາກຫວຽດນາມ 4-0

- 33527149 781626762047899 1968873563230306304 n - ມຊ ຊະນະ ທີມມະຫາວິທະຍາໄລຈາກຫວຽດນາມ 4-0
- Untitled design - ມຊ ຊະນະ ທີມມະຫາວິທະຍາໄລຈາກຫວຽດນາມ 4-0

ໃນວັນທີ 23 ພຶດສະພາຜ່ານມາ, ທີມນັກກິລາມະຫາວິທະຍາໄລແຫ່ງຊາດລາວ ລົງສະໜາມຄັ້ງທີ 3 ສາມາດເອົາຊະນະທີມ ມະຫາວິທະຍາໄລໂທລະຄົມ ແລະ ຂໍ້ມູນຂ່າວສານ ສສ ຫວຽດນາມ 4-0 ຂອງການແຂ່ງຂັນບານເຕະລາຍການ ສັບປະດາແລກປ່ຽນວັດທະນະທຳ ແລະ ກິລາຂອງນັກສຶກສາວິທະຍາໄລຕອນໃຕ້ ແລະ ອາຊີຕາເວັນອອກສຽງໃຕ້ ຄັ້ງທີ 4 (4th South and Southeast Asia College Student Culture and Sports Week) ທີ່ຈັດຂຶ້ນຢູ່ມະຫາວິທະຍາໄລເຕັກໂນໂລຊີຄຸນໝິງ ສປ ຈີນ.

ພາຍຫລັງໄດ້ຍິນສຽງໝາກຫວີດສັນຍານເລີ່ມການແຂ່ງຂັນຈາກກໍາມະການດັງຂຶ້ນ ມຊ ກໍເປີດເກມບຸກເຂົ້າໃສ່ທັນທີ ແລະ ສາມາດຍິງປະຕູຂຶ້ນນໍາ 1-0 ໃນນາທີ 4 ຈາກລູກຍິງຂອງທ້າວ ໄຊ​ຍະ​ເພັດ ສົມ​ແພງ​ບຸ​ຜາ ຈົບເກມໃນເຄິ່ງເວລາທຳອິດ ມຊ ຂຶ້ນນຳ 1-0. ພໍເຂົ້າສູ່ເຄິ່ງເວລາທີ 2 ມາຮອດນາທີ 65 ທ້າວ ສີສະຫວາດ ດາລາວົງ ຍິງໃຫ້ ມຊ ຂຶ້ນນຳ 2-0 ຈາກນັ້ນ ມຊ ອາ​ໄສການຕໍ່ບານທີ່ແນ່ນອນ ຈົນມາຮອດນາທີ 78 ທ້າວ ໄຊ​ຍະ​ເພັດ ສົມ​ແພງ​ບຸ​ຜາ ຍິງປະຕູທີ 2 ເປັນ 3-0 ເວລາທີ່ເຫລືອໃນນາທີ 88 ທ້າວ ບຸນຄຳ ສີດາວົງ ສາມາດຍິງປະຕູຂຶ້ນນໍາໃຫ້ແກ່ທີມເປັນ 4-0 ຈົບເກມ ມຊ ຖະຫລົ່ມທີມມະຫາວິທະຍາໄລໂທລະຄົມ ແລະ ຂໍ້ມູນຂ່າວສານ ສສ ຫວຽດນາມ 4-0 ຜ່ານເຂົ້າໄປຫຼິ້ນໃນຮອບຮອງຊະນະເລີດຢ່າງແນ່ນອນແລ້ວ ຈາກການລົງແຂ່ງຂັນ 3 ນັດ ຊະນະລວດ ມີ 9 ຄະແນນ.

- Wave100S AD to Website 2020 0 - ມຊ ຊະນະ ທີມມະຫາວິທະຍາໄລຈາກຫວຽດນາມ 4-0

ສ່ວນຜົນການແຂ່ງຂັນຂອງ ທີມມະຫາວິທະຍາໄລສຸພານຸວົງ (ມສ) ອີກໜຶ່ງຕົວແທນມະຫາວິທະຍາໄລຈາກລາວ ທີ່ລົງສະໜາມ ສາມາດຖະຫລົ່ມ ທີມຈາກມະຫາວິທະຍາໄລເສດຖະກິດ ແລະ ທຸລະກິດຈາກຫວຽດນາມ 12-0 ຜ່ານເຂົ້າໄປຫລິ້ນໃນຮອບຮອງຊະນະເລີດເຊັ່ນດຽວກັນ.

- WhatsApp Image 2020 05 27 at 5 - ມຊ ຊະນະ ທີມມະຫາວິທະຍາໄລຈາກຫວຽດນາມ 4-0
- WhatsApp Image 2020 05 27 at 5 - ມຊ ຊະນະ ທີມມະຫາວິທະຍາໄລຈາກຫວຽດນາມ 4-0
error: Alert: ເນື້ອຫາຂ່າວມີລິຂະສິດ !!