ຄ່າທຳນຽມທາງປະຕິບັດໄດ້ແລ້ວ 50% ຂອງຕົວເລກຄາດໝາຍໃຫ້ບັນລຸ 60 ຕື້ກີບໃນປີ 2018

- tax 1 - ຄ່າທຳນຽມທາງປະຕິບັດໄດ້ແລ້ວ 50% ຂອງຕົວເລກຄາດໝາຍໃຫ້ບັນລຸ 60 ຕື້ກີບໃນປີ 2018
- AGL banner - ຄ່າທຳນຽມທາງປະຕິບັດໄດ້ແລ້ວ 50% ຂອງຕົວເລກຄາດໝາຍໃຫ້ບັນລຸ 60 ຕື້ກີບໃນປີ 2018

ການຈັດຕັ້ງປະຕິບັດເກັບຄ່າທຳນຽມທາງ 2018 ນີ້, ມາຮອດປັດຈຸບັນສາມາດປະຕິບັດໄດ້ແລ້ວ 30 ຕື້ກວ່າກີບເທົ່າກັບ 50% ຂອງຕົວເລກຄາດໝາຍ 60 ຕື້ກີບ,  ສ່ວນປີ 2017 ຜ່ານມາເກັບໄດ້ພຽງ 55 ຕື້ກວ່າກີບ.  

  ທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ກະຊວງການເງິນ ໃຫ້ສຳພາດວ່າ: ໂດຍລວມການຈັດຕັ້ງປະຕິບັດວຽກງານຂອງຂະແໜງສ່ວຍສາອາກອນໃນ 4 ເດືອນຜ່ານມາ (1-4/2018) ໄດ້ມີຜົນສໍາເລັດທີ່ພົ້ນເດ່ນຫລາຍດ້ານຄື: ການຈັດຕັ້ງປະຕິບັດການເກັບລາຍຮັບສ່ວຍສາອາກອນ, ຊຶ່ງມາຮອດປັດຈຸບັນບັນລຸໄດ້ແລ້ວ 30,65% ຂອງແຜນການປີ, ການປະຕິບັດຄ່າທຳນຽມທາງປະຈຳປີໄດ້ມີຂະບວນການດີຂຶ້ນ ແລະ ມີຄວາມໂປ່ງໃສ, ຫລາຍທ້ອງຖິ່ນໄດ້ເປີດຂະບວນການເສຍຄ່າທາງຢ່າງຕັ້ງໜ້າ, ຊຶ່ງມາຮອດປັດຈຸບັນສາມາດປະຕິບັດໄດ້ແລ້ວ 30 ຕື້ກວ່າກີບເທົ່າກັບ 50% ຂອງຄາດໝາຍ.

- Wave100S AD to Website 2020 0 - ຄ່າທຳນຽມທາງປະຕິບັດໄດ້ແລ້ວ 50% ຂອງຕົວເລກຄາດໝາຍໃຫ້ບັນລຸ 60 ຕື້ກີບໃນປີ 2018

ທ່ານຫົວໜ້າກົມດັ່ງກ່າວໃຫ້ຮູ້ຕືມວ່າ: ການເກັບຄ່າທໍານຽມທາງ ເປັນລາຍຮັບທີ່ສໍາຄັນໜຶ່ງຂອງງົບປະມານ ເພື່ອໃຫ້ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມ ແລະ ການພັດທະນາການ, ລັດຖະບານຈຶ່ງໄດ້ສະເໜີໃຫ້ມີການປັບປຸງອັດຕາຄ່າທໍານຽມການນໍາໃຊ້ຫົນທາງ ຕາມລັດຖະບັນຍັດຂອງປະທານປະເທດ ສະບັບເລກທີ 001/ປປທ ລົງວັນທີ 20 ກັນຍາ 2017 ຊຶ່ງລັດຖະບານໄດ້ຊີ້ນໍາໃຫ້ກະຊວງການເງິນປັບປຸງກົນໄກການເກັບລາຍຮັບໂດຍການຫັນເປັນທັນສະໄໝ ເພື່ອໃຫ້ມີຄວາມໂປ່ງໃສ ຮັບປະກັນບໍ່ໃຫ້ມີການຮົ່ວໄຫຼ ແລະ ທັງອໍານວຍຄວາມສະດວກໃຫ້ແກ່ຜູ້ເສຍຄ່າທໍານຽມທາງໄດ້ຢ່າງທັນການ, ອິງຕາມສະຖິຕິການມາຂຶ້ນທະບຽນຍານພາຫະນະທົ່ວປະເທດມີທັງໝົດ 1,8 ລ້ານຄັນ ແລະ ຖ້າຈໍານວນພາຫະນະດັ່ງກ່າວມາເສຍຄ່າທໍານຽມຄົບຖ້ວນຈະສ້າງລາຍຮັບໃຫ້ແກ່ຂະແໜງສ່ວຍສາອາກອນຢ່າງຕໍ່າ 60 ຕື້ກີບໃນປີ 2018 ນີ້.

-    AD conten website - ຄ່າທຳນຽມທາງປະຕິບັດໄດ້ແລ້ວ 50% ຂອງຕົວເລກຄາດໝາຍໃຫ້ບັນລຸ 60 ຕື້ກີບໃນປີ 2018
- lattana banner 1 - ຄ່າທຳນຽມທາງປະຕິບັດໄດ້ແລ້ວ 50% ຂອງຕົວເລກຄາດໝາຍໃຫ້ບັນລຸ 60 ຕື້ກີບໃນປີ 2018
- lattana banner - ຄ່າທຳນຽມທາງປະຕິບັດໄດ້ແລ້ວ 50% ຂອງຕົວເລກຄາດໝາຍໃຫ້ບັນລຸ 60 ຕື້ກີບໃນປີ 2018
error: Alert: ເນື້ອຫາຂ່າວມີລິຂະສິດ !!