ຝຶກອົບຮົມການປະຖົມພະຍາບານຂັ້ນຕົ້ນໃຫ້ແກ່ຜູ້​ປະກອບການສະຖານທີ່ທ່ອງທ່ຽວວັງ​ວຽງ

- training - ຝຶກອົບຮົມການປະຖົມພະຍາບານຂັ້ນຕົ້ນໃຫ້ແກ່ຜູ້​ປະກອບການສະຖານທີ່ທ່ອງທ່ຽວວັງ​ວຽງ
- Untitled design - ຝຶກອົບຮົມການປະຖົມພະຍາບານຂັ້ນຕົ້ນໃຫ້ແກ່ຜູ້​ປະກອບການສະຖານທີ່ທ່ອງທ່ຽວວັງ​ວຽງ

ເມື່ອ​ບໍ່ດົນ​ມານີ້, ເມືອງວັງວຽງ ແຂວງວຽງຈັນ. ໄດ້ຈັດຝຶກອົບຮົມການປະຖົມພະຍາບານຂັ້ນຕົ້ນໃຫ້ແກ່ຜູ້ປະກອບການສະຖານທີ່ທ່ອງທ່ຽວ ແລະ ກິດຈະກຳການທ່ອງທ່ຽວຢູ່ເມືອງວັງວຽງ. ໂດຍການເຂົ້າຮ່ວມຂອງ ຫົວຫນ້າພະແນກ ຖະແຫຼງຂ່າວ,ວັດທະນະທຳແລະທ່ອງທ່ຽວ ແຂວງວຽງຈັນ ​ແລະ ທ່ານ ຫົວໜ້າກົມ​ພັດທະນາ​ການທ່ອງທ໋ຽວ ພ້ອມ​ດ້ວຍ​ຜູ້​ປະ​ກອບ​ການ​ສະຖານ​ທີ່​ທ່ອງ​ທ່ຽວຕ່າງໆ​ໃນ​ເມືອງ ວັງ​ວຽງ ​ເຂົ້າ​ຮ່ວມ​ຢ່າງ​ພ້ອມພຽງ.

ທ່ານ ຫົວຫນ້າກົມພັດທະນາການທ່ອງທ່ຽວ ໄດ້ກ່າວເປີດຊຸດ​ອົບຮົມ ວ່າ: ປັດຈຸບັນນີ້ອຸດສະຫະກຳການທ່ອງທ່ຽວ ໄດ້ກາຍເປັນຂະແໜງເສດຖະກິດທີ່ມີການຂະຫຍາຍຕົວໄວ ແລະ ຢູ່ໃນອັນດັບທີສອງຂອງໂລກ ​ແລະ ລັດຖະບານ​ເຮົາ​ກໍໄດ້ກຳໜົດມາເປັນຂະແໜງການເສົາຄໍ້າຂອງເສດຖະກິດແຫ່ງຊາດ. ວຽກງານທ່ອງທ່ຽວໄດ້ມີການຂະຫຍາຍຕົວຢ່າງວ່ອງໄວຖ້າທຽບໃສ່ຂະແໜງ ການອື່ນໆຄື: ໃນປີ 2011 ມີນັກທ່ອງທ່ຽວເຂົ້າມາທ່ຽວລາວ ​ເຮົາ​ຫລາຍ​ກ່ວາ 2,72 ລ້ານຄົນ ​ແລະ ມາຮອດປີ 2015 ​ເພີ່ມ​ເປັນ 4,68 ລ້ານ​ກ່ວາຄົນ, ມີອັດຕາເພີ່ມຂຶ້ນສະເລ່ຍ 14,52%. ອີງໃສ່ການຂະຫຍາຍຕົວຂອງການທ່ອງທ່ຽວດັ່ງກ່າວ ​ແລະ ເພື່ອເປັນການກຽມຄວາມພ້ອມ ແລະ ຮັບມືກັບບັນຫາຕ່າງໆທີ່ອາດຈະເກີດຂຶ້ນກັບການທ່ອງທ່ຽວ ໂດຍສະເພາະແມ່ນຄວາມປອດໄພ ຂອງນັກທ່ອງທ່ຽວທີ່ມາທ່ອງທ່ຽວ ຢູ່ບັນດາແຫຼ່ງທ່ອງທ່ຽວສຳຄັນຕ່າງໆດັ່ງຢູ່ພາຍໃນເມືອງວັງວຽງ ນີ້, ໄດ້ຮັບການເອົາໃຈໃສ່ ໂດຍສະເພາະຜູ້ປະກອບການທຸລະກິດທ່ອງທ່ຽວຕ້ອງໄດ້ຮັບຮູ້ວິທີການຮັບມື, ການປະຖົມພະຍາບານຂັ້ນຕົ້ນ, ເພື່ອແນ່ໃສ່ປັບປຸງຕົວເມືອງວັງວຽງໃຫ້ກາຍເປັນຈຸດໝາຍປາຍທາງຂອງການທ່ອງທ່ຽວທີ່ມີຄຸນນະພາບ.

- Wave100S AD to Website 2020 0 - ຝຶກອົບຮົມການປະຖົມພະຍາບານຂັ້ນຕົ້ນໃຫ້ແກ່ຜູ້​ປະກອບການສະຖານທີ່ທ່ອງທ່ຽວວັງ​ວຽງ

​ໃນ​ໂອກາດ​ນີ້, ຫົວຫນ້າພະແນກ ຖະແຫຼງຂ່າວ,ວັດທະນະທຳແລະທ່ອງທ່ຽວ ແຂວງວຽງຈັນ ​ໃຫ້​ຮູ້​ວ່າ: ປະຈຸບັນ, ​ເມືອງ ວັງ​ວຽງ ໄດ້ສຳຫຼວດແຫຼ່ງທ່ອງທ່ຽວແລ້ວ 43 ແຫ່ງ, ສຳເລັດການພັດທະນາ ແລະ ເປີດບໍລິການແລ້ວ 21 ແຫ່ງ, ​ໃນ​ນັ້ນ​ມີນ້ຳຕົກ ຕາດ 2 ແຫ່ງ, ​ແລະ ມີສະຖານທີ່ພັກເຊົາ 135 ແຫ່ງ, ຮ້ານອາຫານ-ບັນເທີງ 130 ແຫ່ງ ລວມເຖິງບັນດາກິດຈະການບໍລິການທ່ອງທ່ຽວອື່ນໆອີກ​ອັນ​ໄດ້ເຮັດໃຫ້ມີນັກທ່ອງທ່ຽວ ເຂົ້າມາເມືອງວັງວຽງ ໃນປີ 2017 ຫລາຍກວ່າ 189 ພັນຄົນ. ໃນນັ້ນ, ເປັນນັກທ່ອງທ່ຽວຕ່າງປະເທດກວ່າ 149ພັນຄົນ, ສ້າງລາຍຮັບ​ໃຫ້​ທ້ອງ​ຖິ່ນ​ໄດ້ກວ່າ 94 ຕື້ກີບ.

- WhatsApp Image 2020 05 27 at 5 - ຝຶກອົບຮົມການປະຖົມພະຍາບານຂັ້ນຕົ້ນໃຫ້ແກ່ຜູ້​ປະກອບການສະຖານທີ່ທ່ອງທ່ຽວວັງ​ວຽງ
- WhatsApp Image 2020 05 27 at 5 - ຝຶກອົບຮົມການປະຖົມພະຍາບານຂັ້ນຕົ້ນໃຫ້ແກ່ຜູ້​ປະກອບການສະຖານທີ່ທ່ອງທ່ຽວວັງ​ວຽງ
error: Alert: ເນື້ອຫາຂ່າວມີລິຂະສິດ !!