ຫລາຍເຕັກນິກຊ່ວຍທ່ານກຳຈັດສາລະພັດກິ່ນ

- 032405 2018 - ຫລາຍເຕັກນິກຊ່ວຍທ່ານກຳຈັດສາລະພັດກິ່ນ
- Untitled design - ຫລາຍເຕັກນິກຊ່ວຍທ່ານກຳຈັດສາລະພັດກິ່ນ

     – ກິ່ນເໝັນຕິດພາຊະນະປລາສະຕິກ : ໂດຍສະເພາະກ່ອງອະເນກປະສົງທັງຫລາຍທີ່ລ້າງແນວໃດກິ່ນເໝັນຄາວກໍບໍ່ອອກ ແລະ ບາງເທື່ອກໍມີີກິ່ນສະບູຝຸ່ນ ຫລື ນຳ້ຢາລ້າງຈານແທນ ວິທີແກ້ໄຂແມ່ນໃຊ້ແຊ່ໃນນຳ້ສົ້ມສາຍຊູໜ້ອຍໜຶ່ງ ແຊ່ປະໄວ້ 2 ມື້ ແລ້ວຈຶ່ງລ້າງອອກໂດຍນຳ້ທຳມະດາ ກິ່ນກໍຈະໝົດໄປ.

     – ກິ່ນເໝັນໃນຕູ້ເຢັນ : ຈະລ້າງຕູ້ເຢັນໃຫ້ສະອາດໃຫ້ໃຊ້ເບກກິ້ງໂຊດາ 1 ບ່ວງແກງ ໃສ່ລົງໃນນຳ້ປະມານ 1 ລິດ ແລ້ວລ້າງອອກ ກິ່ນເໝັນກໍຈະໝົດໄປ.

     – ກິ່ນຜັກທຽມເໝັນຕິດມື : ກິ່ນຜັກທຽມລ້າງບໍ່ອອກ ແກ້ໄຂບໍ່ຍາກ ໃຊ້ຢາຖູແຂ້ວຈັດການກັບມື ແລະ ເລັບຂອງທ່ານໂດຍຢາຖູ ແຂ້ວ ແລະ ແປງຖູແຂ້ວເກົ່າໆຄື ກັບເວລາຖູແຂ້ວ ເທົ່ານີ້ກິ່ນຜັກທຽມກໍຫາຍໄປ.

     – ກິ່ນເຄື່ອງໃນ : ເວລາປຸງແຕ່ງອາຫານທີ່ມີເຄື່ອງໃນເປັນສ່ວນປະກອບ ບັນຫາທີ່ພົບກໍແມ່ນເຄື່ອງໃນມັກມີກິ່ນສາບ ເຮັດໃຫ້ບໍ່ເປັນຕາກິນ, ວິທີຫລຸດກິ່ນສາບກໍຄື ໃຫ້ເອົາເຫລົ້າຂາວມາຄັ້ນໃສ່ກັບເຄື່ອງໃນຈົນໝົດກິ່ນ.

- Wave100S AD to Website 2020 0 - ຫລາຍເຕັກນິກຊ່ວຍທ່ານກຳຈັດສາລະພັດກິ່ນ

     – ກຳຈັດກິ່ນໝາກກະຖິນໂດຍໝາກເຂືອເຜາະ : ທ່ານສາມາດດັບກິ່ນໝາກກະຖິນດ້ວຍການກິນໝາກເຂືອເຜາະຕາມຫລັງຈະຊ່ວຍຫລຸດກິ່ນເໝັນໄດ້ເປັນຢ່າງດີ.

     – ກຳຈັດກິ່ນບູດຕິດພາຊະນະ : ຫາກພາຊະນະລ້າງແລ້ວ ແຕ່ຍັງມີກິ່ນບູດຕົກຄ້າງຈາກເສດອາຫານ ໃຫ້ໃຊ້ຫີນສົ້ມລະລາຍປະສົມເກືອໃນປະລິມານເທົ່າໆກັນ ໃສ່ລົງໄປໃນຊາມລ້າງ ແລ້ວຕື່ມນຳ້ຟົດໃຫ້ຖ້ວມພາຊະນະທີ່ຢາກກຳຈັດກິ່ນ ປະໄວ້ປະມານ 15 ນາທີ ຫລື ຈົນກ່ວານຳ້ຈະເຢັນລົງ ແລ້ວກໍລ້າງດ້ວຍນຳ້ສະອາດອີກເທື່ອໜຶ່ງຈາກນັ້ນໃຫ້ເອົາໄປຕາກແດດ ຫລື ເຊັດໃຫ້ແຫ້ງ ກິ່ນບູດເສດອາຫານທີ່ຕິດຄ້າງໃນພາຊະນະກໍຈະຫາຍໄປ.

 

- WhatsApp Image 2020 05 27 at 5 - ຫລາຍເຕັກນິກຊ່ວຍທ່ານກຳຈັດສາລະພັດກິ່ນ
- WhatsApp Image 2020 05 27 at 5 - ຫລາຍເຕັກນິກຊ່ວຍທ່ານກຳຈັດສາລະພັດກິ່ນ
error: Alert: ເນື້ອຫາຂ່າວມີລິຂະສິດ !!