ຮູ້ສຶກຜ່ອນຄາຍຂຶ້ນໄດ້ໂດຍການຟັງດົນຕີ

- 042405 2018 - ຮູ້ສຶກຜ່ອນຄາຍຂຶ້ນໄດ້ໂດຍການຟັງດົນຕີ
- AGL banner - ຮູ້ສຶກຜ່ອນຄາຍຂຶ້ນໄດ້ໂດຍການຟັງດົນຕີ

ຄວາມເຄັ່ງຄຽດນັ້ນເກີດຂຶ້ນໄດ້ກັບທຸກຄົນທຸກເພດໄວ ບາງເທື່ອກໍຮູ້ໂຕ, ແຕ່ບາງເທື່ອກໍເຄັ່ງຄຽດແລ້ວຍັງບໍ່ຮູ້ໂຕກໍມີ ທັງເຄັ່ງ ຄຽດເລື່ອງວຽກງານ,​ ເລື່ອງຮຽນ, ເລື່ອງສອບເສັງ, ເລື່ອງແຟນ, ເລື່ອງໝູ່ ສາລະພັດຈະເຄັ່ງຄຽດ ຫລື ແມ່ນແຕ່ອາການເຈັບປ່ວຍທາງກາຍ ກໍເຮັດໃຫ້ເກີດຄວາມເຄັ່ງຄຽດໄດ້. ຄວາມຮູ້ສຶກຜ່ອນຄາຍເປັນເຄື່ອງມືອັນຊົງພະລັງຢ່າງໜຶ່ງສຳລັບສຸຂະພາບທີ່ດີແລະ ອາຍຸທີ່ຍືນຍາວ ນອກຈາກນີ້ຍັງຊ່ວຍໃຫ້ເຮົາຮັບມືກັບສະຖານະການເຄັ່ງຄຽດຕ່າງໆໄດ້ຢ່າງມີປະສິດທິພາບຫລາຍຂຶ້ນ.

     – ຟັງດົນຕີເພື່ອຫລຸດຄວາມເຄັ່ງຄຽດ : ມີວຽກງານວິໄຈຄົ້ນພົບວ່າດົນຕີທີ່ມີຈັງຫວະຊ້າໆຈະເຮັດໃຫ້ການຫາຍໃຈຊ້າລົງ ຊ່ວຍ ຫລຸດຄວາມດັນເລືອດ ແລະ ເຄັ່ງຕຶງຂອງກ້າມຊີ້ນ ລວມເຖິງຊ່ວຍຫລຸດຄວາມເຄັ່ງຄຽດຂອງຮ່າງກາຍ. ສຳລັບການໃຊ້ດົນຕີຄລາສສິກເພື່ອຫລຸດຄວາມເຄັ່ງຄຽດ ກໍຄວນເລືອກຟັງດົນຕີທີ່ຫລິ້ນດ້ວຍ ເຄື່ອງດົນຕີຫລາຍຢ່າງ ເຊັ່ນ : ໄວໂອລີນ, ວີໂອລ່າ, ເຊນໂລ່ ເພາະມີຄວາມຖີ່ໃນໄລຍະທີ່ເໝາະສົມ ຄື : 5.000 – 8.000 ເຮີດຊ໌.

     – ຟັງດົນຕີຫລຸດຜ່ອນຄວາມກັງວົນ : ມີການທົດລອງພິສູດໃຫ້ເຫັນວ່າດົນຕີທີ່ມີຈັງຫວະຜ່ອນຄາຍຊ່ວຍຫລຸດລະດັບຄວາມກັງ ວົນຂອງຄົນປ່ວຍທີ່ຈະເຂົ້າຫ້ອງຜ່າຕັດໄດ້ຫລາຍກ່ວາການກິນມິຄາໂຊແລມ ເຊິ່ງເປັນຢານອນຫລັບຊະນິດໜຶ່ງນຳອີກ. ສ່ວນຄົນ ປ່ວຍຫລັງຜ່າຕັດທີ່ໄດ້ຟັງເພງທີ່ຕົນເອງມັກ ຈະມີຄວາມຮູ້ສຶກເຈັບປວດ ແລະ ສະພາບຮ່າງກາຍ ຫລັງຜ່າຕັດທີ່ແຕກຕ່າງຈາກກຸ່ມທີ່ບໍ່ໄດ້ຟັງເພງຢ່າງເຫັນໄດ້ຈະແຈ້ງ ໂດຍການເລືອກຟັງເພງຊ້າໆ ແລະ ເບົາໆ ຈະຊ່ວຍສ້າງຄວາມສະຫງົບໃນຈິດໃຈ ແລະ ເຮັດໃຫ້ອາລົມສະຫງົບໄດ້.

     – ຟັງດົນຕີຫລຸດອາການນອນບໍ່ຫລັບ : ຜົນການວິໄຈພົບວ່າການຟັງດົນຕີບັນເລງເບົາໆຊ້າໆ ຈະຊ່ວຍໃຫ້ຄົນທີ່ນອນບໍ່ຫລັບນັ້ນຫລັບໄດ້ສະບາຍຂຶ້ນ. ນອກຈາກນີ້ ຜົນການສຶກສາຍັງພົບອີກວ່າພຽງແຕ່ຟັງດົນຕີຈັງຫວະຜ່ອນຄາຍເປັນເວລາ 45 ນາທີກ່ອນນອນຈະເຮັດໃຫ້ຄໍ່າຄືນນັ້ນກາຍເປັນຄືນແຫ່ງການພັກຜ່ອນຢ່າງແທ້ຈິງ.

- Wave100S AD to Website 2020 0 - ຮູ້ສຶກຜ່ອນຄາຍຂຶ້ນໄດ້ໂດຍການຟັງດົນຕີ

ຫລື ຫາກຢາກໃຫ້ຫລັບເລິກຂຶ້ນ ອາດລອງຫາດົນຕີບັນເລງເບົາໆຊ້າໆທີ່ບໍ່ມີສຽງຮ້ອງມາຟັງກ່ອນນອນກໍຊ່ວຍໄດ້ ເພາະການ ຟັງດົນຕີປະເພດນີ້ສົ່ງຜົນໃຫ້ການເຕັ້ນຂອງຫົວໃຈຫລຸດລົງ ແລະ ເຮັດໃຫ້ນອນຫລັບເລິກຂຶ້ນ.

ນອກຈາກນີ້, ການຟັງດົນຕີຄລາສສິກເບົາໆກ່ອນນອນຍັງຊ່ວຍເພີ່ມຄຸນນະພາບຂອງການນອນຄືເຮັດໃຫ້ຫລັບເຕັມອີ່ມຂຶ້ນນຳອີກ ເລື່ອງນີ້ມີການສຶກສາກັບກຸ່ມນັກສຶກສາ 94 ຄົນທີ່ມີອາຍຸລະຫ່ວາງ 19 – 28 ປີ ເຊິ່ງມີບັນຫາເລື່ອງການນອນ ໂດຍແບ່ງ ນັກສຶກສາອອກເປັນ 3 ກຸ່ມ, ກຸ່ມທຳອິດໃຫ້ຟັງເພງດົນຕີຄລາສສິກ, ກຸ່ມທີ 2 ໃຫ້ຟັງໜັງສືສຽງ, ສ່ວນກຸ່ມທີ 3 ບໍ່ໄດ້ຟັງຫຍັງເລີຍ ເຊິ່ງຜົນປະກົດວ່າ : ກຸ່ມທີ່ຟັງດົນຕີກ່ອນນອນສາມາດນອນຫລັບໄດ້ດີຂຶ້ນກ່ວາ.

-    AD conten website - ຮູ້ສຶກຜ່ອນຄາຍຂຶ້ນໄດ້ໂດຍການຟັງດົນຕີ
- lattana banner 1 - ຮູ້ສຶກຜ່ອນຄາຍຂຶ້ນໄດ້ໂດຍການຟັງດົນຕີ
- lattana banner - ຮູ້ສຶກຜ່ອນຄາຍຂຶ້ນໄດ້ໂດຍການຟັງດົນຕີ
error: Alert: ເນື້ອຫາຂ່າວມີລິຂະສິດ !!