ກາບໄຫ້ວວັດສີເມືອງ ແລະ ຊົມຫໍຫລັກເມືອງ

- Untitled design - ກາບໄຫ້ວວັດສີເມືອງ ແລະ ຊົມຫໍຫລັກເມືອງ

-                                300x199 - ກາບໄຫ້ວວັດສີເມືອງ ແລະ ຊົມຫໍຫລັກເມືອງ

ວັດ​ສີ​ເມືອງ​ເປັນ​ບ່ອນ​ຕັ້ງຂອງ​ເສົາ​ຫລັກ​ເມືອງ​ຢູ່​ເຂດ​ບ້ານ​ສີ​ເມືອງ, ​ເມືອງ​ຈັນທະ​ບູລີ ​ເຊິ່ງມີ​ປະ​ຫວັດ​ອັນ​ເກົ່າ​ແກ່​ທີ່​ເລົ່າ​ຂານ​ສືບ​ຕໍ່​ກັນ​ມາ​ວ່າ ​ໃນ​ສະ​ໄໝ​ກ່ອນ ຕອນ​ທີ່​ຊາວ​ເມືອງ​ພວມ​ເຮັດ​ພິທີ​ປັກ​ຫລັກ​ເມືອງ​ຢູ່​ນັ້ນ ມີ​ແມ່ຍິງ​ຄົນ​ໜຶ່ງ​ຊື່ວ່າ​ນາງ ສີ ​ເຊິ່ງກຳລັງ​ຖືພາ​ໄດ້​ສະຫລະ​ຊີບ​ໂດ​ດລົງ​ໄປ​ໃນ​ຂຸມ​ນັ້ນ, ນາງ​ໄດ້​ຖືກ​ຝັງ​​ໄປ​ພ້ອມ​ກັບ​ຫລັກ​ເມືອງ ​ແລະ ກາຍ​ເປັນ​ຜີ​ຫລັກ​ເມືອງ ຈິ່ງ​ເປັນ​ທີ່​ມາ​ຂອງ​ຊື່​ວັດ​ສີ​ເມືອງ​ແຫ່ງ​ນີ້. ຍ້ອນ​ວັດ​ສີ​ເມືອງ​ເປັນ​ສະຖານ​ທີ່​ສັກສິດ ຈິ່ງ​ໄດ້​ກາຍ​ເປັນ​ທີ່​ເພິ່ງທາງ​ໃຈ​ໃຫ້​ຊາວ​ລາວ ​ແລະ ​ເປັນ​ສະຖານ​ທີ່​ຊາວ​ຕ່າງ​ຊາດ​ໃຫ້ ຄວາມ​ສົນ​ໃຈ​​ເຂົ້າມາ​ສຶກສາ ​ແລະ

-                               1 300x200 - ກາບໄຫ້ວວັດສີເມືອງ ແລະ ຊົມຫໍຫລັກເມືອງ

ທ່ຽວ​ຊົມ​ເປັນ​ຈຳນວນ​ຫລວງຫລາຍ. ປັດຈຸບັນ, ປະຊາຊົນ​ທັງ​ພາຍ​ໃນ ​ແລະ ຕ່າງປະ​ເທດ​ໄດ້​ພາກັນ​ເຂົ້າມາ​ສັກກາລະ​ບູຊາ- ກາບ​ໄຫ້​ວວັດ​ສີ​ເມືອງ​ທຸກໆ​ມື້ ​ໂດຍ​ສະ​ເພາະ​ວັນ​ອັງຄານ ​ແລະ ວັນ​ສິນ ຄົນ​ສ່ວນ​ໃຫຍ່​ແມ່ນ​ມັກ​ມາ​ຂໍ​ພອນ, ​ເສຍ​ເຄາະ​ບູຊາ​​ໂຊກ, ມາ​ບະ-ມາ​ບົນ​ນຳ​ເຈົ້າ​ແມ່​ສີ​ເມືອງ​ໃນ​ສິ່ງ​ທີ່​ຕົນ​ປາດ​ຖະໜາ ​ແລະ ​ເມື່ອ​ສົມ​ຫວັງ​​ແລ້ວ​ກໍ​ມາ​​ແກ້ບະ​ຢູ່​ນີ້ ຕາມ​ຄວາມ​ເຊື່ອ​ຂອງ​ແຕ່ລະຄົນ. ທຸກໆ​ປີ​ໃນ​ມື້ຂຶ້ນ 15 ຄ່ຳ​ເດືອນ 12 ຂອງ​ລາວ​ເຊິ່ງກົງ​ກັບ​ມື້ບຸນ​ນະມັດສະການ​ພະທາດ​ຫລວງ ຈະ​ມີ​ພິທີ​ແຫ່​ຜາສາດ​ເຜິ້ງ ​ເຊິ່ງ​ເລີ່​ມຕົ້ນ​ແຫ່​ຈາກ​ວັດ​ສີ​ເມືອງ​ແຫ່ງ​ນີ້​ໄ​ປຫາ​ພະທາດ​ຫລວງ​ວຽງ​ຈັນ. ວັດ​ສີ​ເມ​ືອງ​ເປີດ​ໃຫ້​ຄົນ​ເຂົ້າທ່ຽວ​ຊົມ ​ແລະ ກາບ​ໄຫ້​ວບູຊາ​ທຸກ​ມື້ຕັ້ງ​ແຕ່​ຕອນ​ເຊົ້າມືດ​ຈົນ​ເຖິງ​ຄ່ຳ.

-                 300x200 - ກາບໄຫ້ວວັດສີເມືອງ ແລະ ຊົມຫໍຫລັກເມືອງ

ຫໍຫລັກເມືອງ ແມ່ນກົງກັນຂ້າມກັບວັດສີເມືອງ ເຊິ່ງເປັນບ່ອນປົກປັກຮັກສາຮ່ອງຮອຍມໍລະດົກທາງປະ ຫວັດສາດທີ່ຖືກຄົ້ນພົບຢູ່ສະຖານທີ່ແຫ່ງນີ້ໂດຍນັກບູຮານນະຄະດີໄດ້ທຳການຄົ້ນຄວ້າວິໄຈແລ້ວພົບວ່າວັດຖຸບູຮານນີ້ແມ່ນເປັນວັດຖຸທີ່ປະກອບເຂົ້າໃນພິທີການກໍ່ສ້າງເສົາຫລັກເມືອງວຽງຈັນໃນສະໄໝກ່ອນໂດຍໄດ້ ພົບຫິນຫລັກເມືອງຈຳນວນ 473 ຫລັກ ສ່ວນໃຫຍ່ຟອກດ້ວຍຄຳປິວ ແລະ ແກະສະຫລັກເປັນລວດລາຍງົດ ງາມ. ສິ່ງທີ່ສຳຄັນທີ່ສຸດແມ່ນເພິ່ນໄດ້ຄົ້ນພົບສີລາຈາລຶກ ໜຶ່ງແຜ່ນທີ່ໄດ້ລະບຸເລີກຍາມກົງກັບມື້ວັນຈັນ, ແຮມ 10 ຄ່ຳເດືອນ 3, ຈສ 901 ປີກຸນ ປີກັດໃຄ້ ເຊິ່ງກົງກັບວັນທີ 16 ກຸມພາ ຄສ 1540 ຣາຊະການ  ຂອງເຈົ້າໂພທິຊະລາດ ເຊິ່ງເປັນບິດາຂອງເຈົ້າໄຊຍະເສດຖາທິລາດ, ກຸ່ມຫິນຫລັກເມືອງດັ່ງກ່າວຖືກຈັດ ວາໄວ້ເປັນ 3 ກຸ່ມ ຫ່າງກັນປະມານ 1,5 ແມັດ ແລະ ຫໍຫລັກເມືອງທີ່ຫາກໍ່ສ້າງຂຶ້ນມາໃໝ່ນີ ແມ່ນກວມເອົາຫິນເສມາທັງ 3 ກຸ່ມ ແລະ ຕັ້ງຢູ່ບ່ອນເກົ່າແຕ່ເດີມເພື່ອເປັນການຮັກສາຄວາມໝາຍອັນສັກ  ສິດທີ່ບັນພະບຸລຸດໄດ້ກຳນົດໄວ້ ແລະ ປະຕິບັດຕາມຮີດເກົ່າຄອງເດີມທີ່ມີມາແຕ່ບູຮານ.

- Wave100S AD to Website 2020 0 - ກາບໄຫ້ວວັດສີເມືອງ ແລະ ຊົມຫໍຫລັກເມືອງ

 

-                                   300x300 - ກາບໄຫ້ວວັດສີເມືອງ ແລະ ຊົມຫໍຫລັກເມືອງ

- WhatsApp Image 2020 05 27 at 5 - ກາບໄຫ້ວວັດສີເມືອງ ແລະ ຊົມຫໍຫລັກເມືອງ
- WhatsApp Image 2020 05 27 at 5 - ກາບໄຫ້ວວັດສີເມືອງ ແລະ ຊົມຫໍຫລັກເມືອງ
error: Alert: ເນື້ອຫາຂ່າວມີລິຂະສິດ !!