ອິນໂດເນເຊຍອະນຸມັດກົດໝາຍຕ້ານ ກໍ່ການຮ້າຍໃໝ່ຫລັງໃຊ້ເດັກຮ່ວມກໍ່ລະເບີດ

- 1527231319231 960x0 - ອິນໂດເນເຊຍອະນຸມັດກົດໝາຍຕ້ານ ກໍ່ການຮ້າຍໃໝ່ຫລັງໃຊ້ເດັກຮ່ວມກໍ່ລະເບີດ
- AGL banner - ອິນໂດເນເຊຍອະນຸມັດກົດໝາຍຕ້ານ ກໍ່ການຮ້າຍໃໝ່ຫລັງໃຊ້ເດັກຮ່ວມກໍ່ລະເບີດ

ລັດຖະສະພາ​ອິນ​ໂດ​ເນ​ເຊຍ​ມີ​ມະຕິ​ເປັນ​ເອກະ​ພາບອະນຸມັດ​ກົດໝາຍ​ປາບ​ປາມ​ການ​ກໍ່​ການ​ຮ້າຍ​ທີ່​ເຂັ້ມງວດ​ຂຶ້ນ​ໃນ​ວັນ​ທີ 25 ພຶດສະພາ​ນີ້ ​ໂດຍ​ຂະຫຍາຍ​ເວລາ​ຄວບ​ຄຸມ​ຕົວ ​ແລະ ​ໃຫ້​ໜ່ວຍ​ງານ​ຂອງ​ກອງທັບ​ເຂົ້າຮ່ວມ​ພາລະກິດ​ຕໍ່ຕ້ານ​ການ​ກໍ່​ການ​ຮ້າຍ ພາຍຫລັງ​ເຫດ​ລະ​ເບີດ​ໂຈມ​ຕີ​ຫລ້າ​ສຸດ​ມີ​ເດັກ​ລວມຢູ່​ໃນ​ຜູ້​ກໍ່​ເຫດ​ນຳ.

ກຸ່ມ​ສິດທິ​ວິຈານ​ກົດໝາຍ​ດັ່ງກ່າວ​ວ່າ​ບໍ່​ມີ​ຄວາມ​ຈະ​ແຈ້ງ ​ແລະ ​ເລັ່ງດຳ​ເນີນ​ນຳ​ຕົວ​ເຂົ້າສູ່​ຂະ​ບວນການ​ທາງ​ກົດໝາຍ​ໄວ​ເກີນ​ໄປ. ກ່ອນ​ໜ້າ​ນີ້ ປະທານາທິບໍດີ ​ໂຈ​ໂກ ວິ​ໂດ​ໂດ ຂອງ​ອິນ​ໂດ​ເນ​ເຊຍ ຂູ່​ວ່າ​ຈະ​ປະກາດ​ໃຊ້​ຄຳ​ສ່ັງ​ພິ​ເສດ ຖ້າ​ລັດຖະສະພາ​ບໍ່​ຍອມ​ຜ່ານ​ຮ່າງ​ກົດໝາຍ​ດັ່ງກ່າວ​ໂດຍ​ໄວ ພາຍຫລັງ​ທີ່​ມີ​ຂໍ້​ສະ​ເໜີ​ໃຫ້​​ແກ້​ໄຂ​ກົດໝາຍ​ເທື່ອ​ທຳ​ອິດ​ຫລັງ​ຈາກ​ເຫດ​​ເດືອນ​ມັງກອນ 2016 ​ໃນ​ເຫດ​ລະ​ເບີດ​ຂ້າ​ຕົວ​ຕາຍ ​ແລະ ການ​ໂຈມ​ຕີ​ດ້ວຍ​ອາວຸດ​ປືນ​ ທີ່​ນະຄອນຫລວງ​ຈາ​ກາ​ຕາ, ຫລ້າ​ສຸດ​ຕຳຫລວດ​ສັງຫານ​ຜູ້​ຕ້ອງ​ສົງ​ໄສ​ສະມາຊິກ​ກຸ່ມ​ອິສລາມ​ຕິດ​ອາວຸດ 14 ຄົນ ​ແລະ ຈັບ​ກຸມ​ໄດ້ 60 ຄົນ ນັບ​ແຕ່​ເຫດ​ລະ​ເບີດ​ຂ້າ​ຕົວ​ຕາຍ​​ໃນ​ວັນ​ທີ 13-14 ພຶດສະພາ ທີ່​ເມືອງ​ສຸຣາບາ​ຢາ ​ເມືອງ​ໃຫຍ່​ອັນ​ດັບ​ສອງ​ຂອງ​ອິນ​ໂດ​ເນ​ເຊຍ ​ເຊິ່ງຜູ້​ກໍ່​ເຫດ​ເປັນ​ຄົນ​ໃນ​ຄອບຄົວ​ດຽວ​ກັນ 2 ຄອບຄົວ​ທີ່​ມີ​ເດັກ​ລວມຢູ່​ນຳ ​ໂດຍ​ຄົນ​ທີ່​ມີ​ອາຍຸ​ນ້ອຍ​ທີ່​ສຸດ​ຄື 7 ປີ​ທີ່​ຮ່ວມ​ກໍ່​ເຫດ ​ເຮັດ​ໃຫ້​ມີ​ຜູ້​ເສຍ​ຊີວິດ 26 ຄົນ. ປັດຈຸບັນ ໜ່ວຍ​ຕຳຫລວດ​ຊຸດ​ພິ​ເສດ​ມີໜ້າ​ທີ່​ໃນພາລະກິດ​ປາບ​ປາມ​ການ​ກໍ່​ການ​ຮ້າຍ, ​ແຕ່​ກົດໝາຍ​ສະບັບ​ໃໝ່​ຈະ​ລວມ​ເຖິງ​ກຳລັງ​ພົນ​ຈາກ​ກອງທັບ ​ເພື່ອ​ເພີ່​ມຂີດ​ຄວາມ​ສາມາດ​ໃນ​ປະຕິບັດ​ການ​ຂອງ​ຕຳຫລວດ ​ເພື່ອ​ປາບ​ປາມ​ເຄືອ​ຂ່າຍ​ຫົວ​ຮຸນ​ແຮງ​ໃນ​ອິນ​ໂດ​ເນ​ເຊຍ.

- Wave100S AD to Website 2020 0 - ອິນໂດເນເຊຍອະນຸມັດກົດໝາຍຕ້ານ ກໍ່ການຮ້າຍໃໝ່ຫລັງໃຊ້ເດັກຮ່ວມກໍ່ລະເບີດ
- lattana banner 1 - ອິນໂດເນເຊຍອະນຸມັດກົດໝາຍຕ້ານ ກໍ່ການຮ້າຍໃໝ່ຫລັງໃຊ້ເດັກຮ່ວມກໍ່ລະເບີດ
- lattana banner - ອິນໂດເນເຊຍອະນຸມັດກົດໝາຍຕ້ານ ກໍ່ການຮ້າຍໃໝ່ຫລັງໃຊ້ເດັກຮ່ວມກໍ່ລະເບີດ
-    AD conten website - ອິນໂດເນເຊຍອະນຸມັດກົດໝາຍຕ້ານ ກໍ່ການຮ້າຍໃໝ່ຫລັງໃຊ້ເດັກຮ່ວມກໍ່ລະເບີດ
error: Alert: ເນື້ອຫາຂ່າວມີລິຂະສິດ !!