ລິເວີພູລ ຂະຫຍາຍສັນຍາ ສະແຕນດາດຊາຣ໌ເຕີອີກ 4 ປີ

- news201805250220552 - ລິເວີພູລ ຂະຫຍາຍສັນຍາ ສະແຕນດາດຊາຣ໌ເຕີອີກ 4 ປີ
- Untitled design - ລິເວີພູລ ຂະຫຍາຍສັນຍາ ສະແຕນດາດຊາຣ໌ເຕີອີກ 4 ປີ

ລິ​ເວີ​ພູລ ຕົກລົງ​ຂະຫຍາຍ​ໃໝ່​ກັບ ສະ​ແຕນ​ດາດ ຊາຣ໌​ເຕີ ທະນາຄານ​ດັງຂອງ​ອາ​ເມ​ລິ​ກາ ອອກ​ໄປ​ຈົນ​ເຖິງ​ລະດູ​ການ 2022-23 ພ້ອມ​ກັບ​ລາຍ​ໄດ້​ຈຳນວນ 160 ລ້ານ​ປອນ ​ເຊິ່ງ​ເຮັດ​ໃຫ້ ລິ​ເວີ​ພູລ ຈະ​ມີ​ເງິນ​ທຶນ​ພ້ອມ​ທີ່​ຈະ​ດຶງ​ນັກ​ເຕະ​ຊັ້ນນຳ​ມາ​ສືບ​ຕໍ່​ຄວາມ​ສຳ​ເລັດ​ຕໍ່​ໄປ.

ລິ​ເວີ​ພູລ ຍອດ​ທີ​ມຂວັນ​ໃຈ​ມະຫາຊົນ​ແຫ່ງ ພຣີ​ເມຍ​ລີກ ອັງກິດ ຕົກລົງ​ຕໍ່​ສັນຍາ​ກັບ ທະນາຄານ​ສະ​ແຕນ​ດາດ ຊາຣ໌​ເຕີ ​ໃຫ້​ເປັນ​ຜູ້​ສະໜັບສະໜູນ​ອອກ​ໄປ​ອີກ 4 ປີ ສົ່ງ​ຜົນ​ໃຫ້ ລິ​ເວີ​ພູລ ​ໄດ້​ຮັບ​ເງິນ​ຈຳນວນ 160 ລ້ານ​ປອນ ​ເພື່​ອ​ໃຊ້​ໃນ​ການ​ສ້າງ​ທີ​ມ.

ສຳລັບ​ສັນຍາ​ສະບັບ​ໃໝ່​ນີ້ ​ເຮັດ​ໃຫ້ ທະນາຄານ​ສັນຊາດ​ອາ​ເມ​ລິ​ກາ ຈະ​ເປັນ​ຜູ້​ສະໜັບສະໜູນ​ຫລັກ​ຂອງ​ຊຸດ​ແຂ່ງ “​ເດິ ​ເຣັດສ໌” ​ໄປ​ຈົນ​ເຖິງ​ລະດູ​ການ 2022-23 ​ໂດຍ​ທີ​ມຂອງ​ຜູ້​ຈັດການ​ທີ​ມ ​ເຈີ​ເກັນ ຄລ໊ອບ ຈະ​ຮັບ​ຊັບ​ຈຳນວນ 40 ລ້ານ​ປອນ​ຕໍ່​ປີ ທຽບ​ເທົ່າ​ສັນຍາ​ລະຫວ່າງ ​ເຊ​ລຊີ ກັບ​ບໍລິສັດ ​ໂຢ​ໂກ​ຮາ​ມາ ​ໄທຣ໌ ​ແລະ ອາ​ເຊ​ນອລ ກັບ​ສັນຍາ​ສະບັບ​ໃໝ່​ກັບ ​ເອມິ​ເຣດ ສາຍ​ການບິນ​ຊື່​ດັງ​ຂອງ​​ເອມິ​ເຣດ.

- Wave100S AD to Website 2020 0 - ລິເວີພູລ ຂະຫຍາຍສັນຍາ ສະແຕນດາດຊາຣ໌ເຕີອີກ 4 ປີ

ສະ​ແຕນ​ດາດ ຊາຣ໌​ເຕີ ​ເຂົ້າມາ​ເປັນ​ຜູ້​ສະໜັບສະໜູນ​ໃຫ້ ລິ​ເວີ​ພູລ ​ແຕ່​ປີ 2010 ພ້ອມ​ສັນຍາ 20 ລ້ານ​ປອນຕໍ່​ປີ ​ໂດຍ​ສັນຍາ​ປັດຈຸບັນ​ເຊິ່ງຈະ​ໝົດ​ລົງ​ໃນ​ລະດູ​ການ​ໜ້າ ມີ​ມູນ​ຄ່າ 30 ລ້ານ​ປອນ ​ແລະ ການ​ຂະຫຍາຍ​ສັນຍາ​ໃໝ່​ຖື​ເປັນ​ສິ່ງ​ສຳຄັນ​ຫລາຍ​ໃນ​ການ​ນຳ​ເງິນ​ທຶນ​ເພື່ອ​ສ້າງ​ທີ​ມ.

​ເຖິງ​ຢ່າງ​ໃດ​ກໍ​ຕາມ ລາຍ​ໄດ້​ຈາກ​ຜູ້​ສະໜັບສະໜູນ​ຂອງ ລິ​ເວີ​ພູລ ຍັງ​ຫ່າງ​ໄກ​ກັບ​ສັນຍາ​ລະຫວ່າງ ​ແມນ​ເຊ​ສ​ເຕີ ຢູ​ໄນ​ເຕັດ ກັບ ​ເຊັບ​ໂຣ​ເລັດ ບໍລິສັດ​ຜູ້​ຜະລິດ​ລົດ​ຍັກ​ໃຫຍ່​ຈາກ​ປະ​ເທດ​ສະຫະລັດ​ອາ​ເມ​ລິ​ກາ ທີ່​ຮັບ​ຊັບ​ຈຳນວນ 53 ລ້ານ​ປອນ​ຕໍ່​ປີ.

- WhatsApp Image 2020 05 27 at 5 - ລິເວີພູລ ຂະຫຍາຍສັນຍາ ສະແຕນດາດຊາຣ໌ເຕີອີກ 4 ປີ
- WhatsApp Image 2020 05 27 at 5 - ລິເວີພູລ ຂະຫຍາຍສັນຍາ ສະແຕນດາດຊາຣ໌ເຕີອີກ 4 ປີ
error: Alert: ເນື້ອຫາຂ່າວມີລິຂະສິດ !!