ປະທານປະເທດໂອ້ລົມການນໍາແຂວງສະຫວັນນະເຂດ ແລະ ເນັ້ນໃຫ້ມີການພັດທະນາດີຂຶ້ນ

- bounyang - ປະທານປະເທດໂອ້ລົມການນໍາແຂວງສະຫວັນນະເຂດ ແລະ ເນັ້ນໃຫ້ມີການພັດທະນາດີຂຶ້ນ
- Untitled design - ປະທານປະເທດໂອ້ລົມການນໍາແຂວງສະຫວັນນະເຂດ ແລະ ເນັ້ນໃຫ້ມີການພັດທະນາດີຂຶ້ນ

ໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ແຂວງສະຫວັນນະເຂດ, ທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ໄດ້ໃຫ້ກຽດພົບປະໂອ້ລົມຕໍ່ຄະນະພັກ-ອຳນາດການປົກຄອງແຂວງໃນຕອນບ່າຍວັນທີ 24 ພຶດສະພານີ້, ໂດຍໄດ້ເນັ້ນໃຫ້ແຂວງເອົາໃຈໃສ່ສືບຕໍ່ເຮັດວຽກງານການເມືອງ-ແນວຄິດໃຫ້ມີຄວາມໜັກແໜ້ນເຂັ້ມແຂງຂຶ້ນຕື່ມ, ເພື່ອຕີຖອຍ ແລະ ແກ້ໄຂບັນຫາປະກົດການຫຍໍ້ທໍ້ຕ່າງໆ ເພື່ອໃຫ້ສັງຄົມມີຄວາມສະຫງົບປອດໄພ ແລະ ຈະເປັນພື້ນຖານອັນໜັກແໜ້ນໃຫ້ແກ່ການພັດທະນາເສດຖະກິດ-ສັງຄົມ, ພ້ອມນັ້ນກໍໃຫ້ເອົາໃຈໃສ່ເຊື່ອມຊຶມ, ກຳແໜ້ນແນວທາງນະໂຍບາຍຂອງພັກ-ລັດວາງອອກ ເພື່ອນຳໄປຈັດຕັ້ງຜັນຂະຫຍາຍໃຫ້ມີຜົນສຳເລັດ, ເອົາໃຈໃສ່ຍົກສູງລະດັບຄວາມຮູ້ຄວາມສາມາດຂອງປະຊາຊົນໃນການພັດທະນາຊີວິດການເປັນຢູ່ຂອງຕົນໃຫ້ດີຂຶ້ນ, ປັບປ່ຽນທັດສະນະຄະຕິເຂົາເຈົ້າ ແລະ ເປັນເຈົ້າການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງແຂວງໃຫ້ເຕີບໃຫຍ່ເຂັ້ມແຂງ, ຕ້ອງນໍາເອົາຄວາມຮູ້, ນໍາເອົາຄວາມກ້າວໜ້າຂອງວິທະຍາສາດອັນໃໝ່ມາສູ່ເຂົາເຈົ້າ, ເພີ່ມຄວາມສາມາດໃຫ້ປະຊາຊົນທີ່ຈະກາຍເປັນກໍາລັງແຮງສໍາຄັນໃນການຂະຫຍາຍກໍາລັງການຜະລິດຂອງປະເທດ ແລະ ສ້າງປະເທດຊາດໃຫ້ຮັ່ງມີເຂັ້ມແຂງຂຶ້ນໄປເລື້ອຍໆ.

ຕໍ່ກັບວຽກງານການພັດທະນາເສດຖະກິດ ຕ້ອງແກ້ໄຂໃຫ້ໄດ້ບັນຫາສັງຄົມ ເປັນຕົ້ນ: ດ້ານການສຶກສາ, ສາທາລະນະສຸກ, ການແກ້ໄຂຄວາມທຸກຍາກ ແລະ ອື່ນໆ ທີ່ນອນໃນບູລະສິດສຳຄັນກວ່າໝູ່, ເປັນຄວາມຮຽກຮ້ອງຕ້ອງການອັນຈຳເປັນຮີບດ່ວນຂອງທ້ອງຖິ່ນນັ້ນໆ, ໂດຍໃຫ້ແຂວງເບິ່ງຄືນທ່າແຮງ ແລະ ເງື່ອນໄຂຕ່າງໆ ເພື່ອວາງແຜນພັດທະນາ ແລະ ຈັດສັນງົບປະມານເຂົ້າໃສ່ຕາມຄວາມສາມາດຕົວຈິງຂອງຕົນ, ຊິ່ງເມື່ອລົງທຶນໄປແລ້ວຕ້ອງເຮັດໃຫ້ສັງຄົມດີຂຶ້ນກວ່າເກົ່າ.

​ປະທານປະເທດ ຢ້ຳຕື່ມ​ວ່າ: ພາຍຫລັງທີ່​ໄດ້ປະກາດສ້າງເປັນນະຄອນໄກສອນ ພົມວິຫານ ຢ່າງເປັນທາງການໃນວັນທີ 25 ພຶດສະພານີ້, ຄະນະ​ພັກ-​ຄະນະ​ນຳແຂວງ ຕ້ອງສືບຕໍ່ພັດທະນາແຂວງ ກໍຄືນະຄອນໄກສອນ ພົມວິຫານ ໃຫ້ມີສິ່ງໃໝ່ເກີດຂຶ້ນ, ອັນເປັນທີ່ບົ່ງບອກເຖິງຄວາມຮຸ່ງເຮືອງຈະເລີນສີວິໄລ, ເພື່ອສາມາດດຶງດູດນັກທ່ອງທ່ຽວເຂົ້າມາທ່ຽວຊົມໃຫ້ຫລາຍຂຶ້ນ, ໂດຍອີງໃສ່ທ່າແຮງຄວາມສາມາດຕ່າງໆທີ່ມີຢູ່. ພ້ອມກັນນີ້ ຕ້ອງໄດ້ສູ້ຊົນແກ້ໄຂສິ່ງທີ່ບໍ່ດີ ແລະ ສິ່ງຫຍໍ້ທໍ້ຕ່າງໆນຳອີກ, ​ແຕ່ໃນນີ້ແມ່ນໃຫ້ເລີ່ມຈາກການພັດທະນາຄົນໃຫ້ໄດ້ກ່ອນໃຫ້ສົມກັບຊື່ວ່າສະຫວັນເມືອງຄົນ.

- Wave100S AD to Website 2020 0 - ປະທານປະເທດໂອ້ລົມການນໍາແຂວງສະຫວັນນະເຂດ ແລະ ເນັ້ນໃຫ້ມີການພັດທະນາດີຂຶ້ນ
- WhatsApp Image 2020 05 27 at 5 - ປະທານປະເທດໂອ້ລົມການນໍາແຂວງສະຫວັນນະເຂດ ແລະ ເນັ້ນໃຫ້ມີການພັດທະນາດີຂຶ້ນ
- WhatsApp Image 2020 05 27 at 5 - ປະທານປະເທດໂອ້ລົມການນໍາແຂວງສະຫວັນນະເຂດ ແລະ ເນັ້ນໃຫ້ມີການພັດທະນາດີຂຶ້ນ
error: Alert: ເນື້ອຫາຂ່າວມີລິຂະສິດ !!