ການດິ້ນຂອງລູກມີຄວາມສຳຄັນ

- 012805 2018 - ການດິ້ນຂອງລູກມີຄວາມສຳຄັນ
- AGL banner - ການດິ້ນຂອງລູກມີຄວາມສຳຄັນ

ຫລັງຈາກທີ່ແມ່ເລີ່ມຮູ້ສຶກວ່າລູກດີ້ນເທື່ອທຳອິດເມື່ອຖືພາໄດ້ປະມານ 16 – 20 ອາທິດຂອງການຖືພາ ແມ່ຈະຕື່ນເຕັ້ນ ແລະ ສົງໄສວ່າເປັນຫຍັງບາງເທື່ອລູກດີ້ນຫລາຍເທື່ອ ແລະ ຕອບສະໜອງການໂອ້ລົມຂອງແມ່ໂດຍການດີ້ນ, ແຕ່ບາງເທື່ອຈະພະຍາ ຍາມໂອ້ລົມ, ລູບທ້ອງຫລິ້ນກັບລູກແນວໃດລູກກໍບໍ່ຍອມຕອບສະໜອງ.

    – ເຊື່ອຫລືບໍ່ວ່າລູກດີ້ນ 575 ເທື່ອໃນ 12 ຊົ່ວໂມງ : ເຊິ່ງມີການສຶກສາການດີ້ນຂອງລູກໂດຍເຝົ້າສັງເກດ ແລະ ໃຊ້ເຄື່ອງມືວັດແທກ ນັບແຕ່ເວລາ 8:00 ໂມງ ຈົນຄົບ 12 ຊົ່ວໂມງ (Daily fetal movement record) ພົບວ່າ : ເມື່ອຖືພາໄດ້ 20 ອາທິດ ລູກຈະດີ້ນປະມານ 200 ເທື່ອໃນ 12 ຊົ່ວໂມງ ແລະ ຈະດີ້ນຫລາຍຂຶ້ນເລື້ອຍໆຈົນຖືພາໄດ້ 32 ອາທິດ ລູກຈະດີ້ນຫລາຍເຖິງ 575 ເທື່ອໃນ 12 ຊົ່ວໂມງ.

ຫລັງຈາກນັ້ນ, ລູກຈະດີ້ນໜ້ອຍລົງເລື້ອຍໆ ແລະ ເມື່ອຖືພາໄດ້ 40 ອາທິດ ລູກຈະດີ້ນປະມານ 282 ເທື່ອໃນ 12 ຊົ່ວໂມງ ເພາະກ່ອນໜ້ານີ້ຂະໜາດໂຕຂອງລູກຍັງນ້ອຍ ຈຶ່ງມີພື້ນທີ່ວ່າງໃນທ້ອງຂອງແມ່ເຫລືອຢູ່ຫລາຍ ລູກຈຶ່ງເຄື່ອນໄຫວແຂນຂາໄດ້ເຕັມທີ່, ແຕ່ເມື່ອໃກ້ຈະເກີດ ລູກກໍໃຫຍ່ຈົນເຄື່ອນໄຫວບໍ່ຄ່ອຍສະດວກ ແມ່ຈຶ່ງຮູ້ສຶກວ່າລູກດີ້ນແຮງໜ້ອຍລົງ.

- Wave100S AD to Website 2020 0 - ການດິ້ນຂອງລູກມີຄວາມສຳຄັນ

     – ລູກຕື່ນຕອນແມ່ຫລັບ : ລູກມີໄລຍະຫລັບ ແລະ ຕື່ນບໍ່ກົງກັບແມ່ ກໍເປັນອີກສາເຫດທີ່ເຮັດໃຫ້ແມ່ສົງໄສໄດ້ວ່າເປັນຫຍັງບາງເວລາລູກດີ້ນໜ້ອຍ ເພາະເວລາລູກດີ້ນເປັນເວລາທີ່ລູກຕື່ນ ໂດຍການຫລັບຂອງລູກຈະຫລັບເປັນໄລຍະ ເຊິ່ງໄລຍະເວລານອນຫລັບຂອງລູກ 1 ຮອບ ດົນ 20 – 75 ນາທີ. ນອກຈາກນີ້, ຍັງພົບວ່າລູກໃນທ້ອງມີການດີ້ນໃນໄລຍະເວລາຂອງມື້ບໍ່ເທົ່າກັນ ໂດຍພົບວ່າລູກຈະດີ້ນຫລາຍລະຫ່ວາງເວລາ 21:00 ໂມງ ຫາ 1:00 ໂມງເຊົ້າ ບາງເທື່ອລູກຈະດີ້ນແຮງຈົນເຮັດໃຫ້ແມ່ທີ່ຫາກໍຫລັບຕື່ນຂຶ້ນ ເປັນສາເຫດໃຫ້ແມ່ຫລາຍໆຄົນນອນບໍ່ຫລັບ ເພາະເດັກນ້ອຍແຕ່ລະຄົນດີ້ນບໍ່ຄືກັນ. ຖ້າແມ່ສັງເກດດີໆຈະເຫັນວ່າລູກມີທ່າດີ້ນປະຈຳໂຕຢູ່ນຳ ບາງຄົນມັກໂກ່ງໂຕໄປທາງຊ້າຍ, ບາງຄົນໄປທາງຂວາ. ອົງປະກອບທີ່ມີຜົນຕໍ່ການດີ້ນຂອງລູກໃນທ້ອງ ໄດ້ແກ່ : ປະລິມານນຳ້ຄາວປາ, ລະດັບກລູໂກສໃນເລືອດຂອງແມ່, ອາຫານທີ່ແມ່ໄດ້ຮັບ, ສິ່ງພາຍນອກທີ່ມາກະຕຸ້ນ, ແສງ, ສຽງແລະອື່ນໆ. ເຖິງວ່າໄລຍະໃກ້ຈະເກີດ ລູກຈະດີ້ນໜ້ອຍລົງ, ແຕ່ຖ້າດີ້ນໜ້ອຍຫລາຍ ອາດສະແດງເຖິງອາການຂາດອົກຊີ ແຊນຊຳ້ເຮື້ອ ເຊິ່ງເປັນອັນຕະລາຍຫລາຍ.

     – ບັນທຶກການດີ້ນຂອງລູກ : ເມື່ອຖືພາໄດ້ 28 ອາທິດ ແມ່ສາມາດເຝົ້າສັງເກດການດີ້ນຂອງລູກໄດ້ ໂດຍລອງນັບແຕ່ເຊົ້າຈົນຄໍ່າ ຫລື ໃຊ້ເວລາປະມານ 10 – 12 ຊົ່ວໂມງ ນັບເບິ່ງວ່າລູກດີ້ນຫລາຍກ່ວາ 10 ເທື່ອຫລືບໍ່ ຖ້າດີ້ນຫລາຍກ່ວາ 10 ເທື່ອກໍສະແດງວ່າລູກດີ້ນເປັນປົກກະຕິ. ໂຮງໝໍບາງແຫ່ງຈະແນະນຳໃຫ້ແມ່ຈົດບັນທຶກການດີ້ນຂອງລູກໂດຍໃຫ້ບັນທຶກຈຳນວນເທື່ອທີ່ລູກດີ້ນ ຫລັງກິນເຂົ້າເຊົ້າ – ສວາຍ – ແລງ ດົນ 1 ຊົ່ວໂມງ ໂດຍຫລັງກິນເຂົ້າແຕ່ລະຄາບ ຖ້າລູກດີ້ນໜ້ອຍກ່ວາ 4 ເທື່ອ ໃນ 1 ຊົ່ວໂມງ ໃຫ້ບັນທຶກຕໍ່ຈົນຄົບ 6 ຊົ່ວໂມງ ຖ້າຜົນລວມຈຳນວນເທື່ອທີ່ລູກດີ້ນທັງ 3 ເວລາໜ້ອຍກ່ວາ 12 ເທື່ອ ຫລື ລູກດີ້ນໜ້ອຍກ່ວາ 4 ເທື່ອໃນ 6 ຊົ່ວໂມງ ສະແດງວ່າລູກດີ້ນໜ້ອຍກ່ວາປົກກະຕິ ຕ້ອງຟ້າວໄປໂຮງໝໍ.

-    AD conten website - ການດິ້ນຂອງລູກມີຄວາມສຳຄັນ
- lattana banner - ການດິ້ນຂອງລູກມີຄວາມສຳຄັນ
- lattana banner 1 - ການດິ້ນຂອງລູກມີຄວາມສຳຄັນ
error: Alert: ເນື້ອຫາຂ່າວມີລິຂະສິດ !!