ຮູ້ເທົ່າທັນພະຍາດຕິດຕໍ່ທາງເພດຊິຟີລິສ

- 022805 2018 - ຮູ້ເທົ່າທັນພະຍາດຕິດຕໍ່ທາງເພດຊິຟີລິສ
- Untitled design - ຮູ້ເທົ່າທັນພະຍາດຕິດຕໍ່ທາງເພດຊິຟີລິສ

ຊິຟິລິສ ເປັນພະຍາດຕິດຕໍ່ທາງເພດສຳພັນທີ່ມີອັນຕະລາຍບໍ່ໜ້ອຍກ່ວາພະຍາດເອດ ເນື່ອງຈາກມີອາການຊຳ້ເຮື້ອ, ມີໄລຍະ ຕິດຕໍ່ດົນກ່ວາ 2 ປີ ສາມາດເຮັດໃຫ້ເກີດພະຍາດແກ່ລະບົບຕ່າງໆຂອງຮ່າງກາຍໄດ້ຫລາຍລະບົບ ອາດມີອາການສະແດງທີ່ຈະແຈ້ງ ຫລື ອາດຢູ່ໃນໄລຍະສະຫງົບໄດ້ເປັນໄລຍະເວລາດົນ. ນອກຈາກຕິດຕໍ່ທາງເພດສຳພັນແລ້ວຍັງສາມາດຕິດຕໍ່ຈາກແມ່ໄປຫາລູກໄດ້.

ການຕິດພະຍາດນີ້ມີດ້ວຍກັນຫລາຍທາງ ຄື : ທາງເພດສຳພັນ, ຕິດຕໍ່ຜ່ານການສຳຜັດບາດແຜທີ່ມີເຊື້ອ ໂດຍຜ່ານທາງຜີວໜັງ ແລະຕິດຕໍ່ແມ່ສູ່ລູກ.

     ພະຍາດຊິຟິລິສ ມີ 4 ໄລຍະ :

     – ໄລຍະທີ 1 : ເປັນບາດແຜ ເຊິ່ງບາດແຜຊິຟິລິສເກີດຢູ່ອະໄວຍະວະເພດຊາຍຫລາຍກ່ວາເພດຍິງ, ເກີດຫລັງຮ່ວມເພດ 10 – 90  ມື້ ຖ້າບາດແຜເກີດພາຍໃນ 2 ມື້ຫລັງຮ່ວມເພດ ມັກຈະບໍ່ໄດ້ເກີດຈາກຊິຟິລິສ. ຕອນທຳອິດຈະເປັນຕຸ່ມ ແລ້ວຜິວໜັງຊັ້ນເທິງແຕກອອກເປັນບາດແຜ ເຊິ່ງບາດແຜຈະມີລັກສະນະຂອບແຂງຄ້າຍຄື ຢາງລຶບ, ພື້ນບາດແຜເປັນສີແດງ  ແຕ່ບາດແຜນີ້ບໍ່ເຈັບ. ບາດແຜທ່ີີເກີດຢູ່ບໍລິເວນອື່ນ ເຊັ່ນ : ຂາ, ທະວານ, ຮີມສົບ ສຸດແຕ່ວ່າເຊື້ອມັນເຂົ້າໄປບ່ອນໃດແດ່ ໄລຍະນີ້ຖ້າກວດເລືອດອາດຍັງບໍ່ພົບວ່າເປັນບວກກໍມີ.

     – ໄລຍະທີ 2 : ຂໍ້ມີດອກ ເຊິ່ງໄລຍະນີ້ເກີດຫລັງຈາກໄລຍະທຳອິດປະມານ 6 ອາທິດ ມີອາການປວດຂໍ້ ແລະ ມີຕຸ່ມຜື່ນຂຶ້ນຕາມໂຕ ຕຸ່ມຜື່ນນີ້ບໍ່ຄັນ, ໄລຍະນີ້ຖ້າກວດເລືອດຈະພົບວ່າເປັນບວກຈະແຈ້ງຕຸ່ມຜື່ນຈະຫາຍໄປເອງໂດຍບໍ່ຕ້ອງປິ່ນປົວ ແລະ ເຂົ້າສູ່ໄລຍະທີ 3.

- Wave100S AD to Website 2020 0 - ຮູ້ເທົ່າທັນພະຍາດຕິດຕໍ່ທາງເພດຊິຟີລິສ

     – ໄລຍະທີ 3 : ແຝງໂຕ ເຊິ່ງໄລຍະນີ້ບໍ່ມີອາການຫຍັງ, ແຕ່ເຊື້ອຊິຟິລິສ ແຝງຢູ່ພາຍໃນອາດຢູ່ເປັນປີໆ ຫລື ເປັນສິບປີກ່ວາຈະ ອອກມາເປັນໄລຍະທີ 4.

     – ໄລຍະທີ 4 : ທຳລາຍ ເຊິ່ງໄລຍະນີ້ມີການທຳລາຍລີ້ນຫົວໃຈ ເຮັດໃຫ້ລີ້ນຫົວໃຈຮົ່ວ, ຫລອດເລືອດໃຫຍ່ໃຄ່ໂພງ, ທຳລາຍສະໝອງ ອາດເຮັດໃຫ້ເປັນອຳມະພາດ ຫລື ມີສະໝອງເສື່ອມ ຖ້າເຖິງໄລຍະນີ້ຈະບໍ່ສາມາດແກ້ໄຂໃຫ້ກັບຄືນເປັນປົກກະຕິໄດ້.

     – ການປ້ອງກັນ : ຫາກທ່ານໃດບໍ່ນອກໃຈຄູ່ຄອງຂອງຕົນໄປມີຫຍັງກັບຄົນອື່ນເລື້ອຍໆ ກໍອາດຈະວາງໃຈໄດ້ຫລາຍກ່ວາ 50% ວ່າຈະບໍ່ເປັນພະຍາດນີ້ ຫລື ຖ້າທ່ານອົດບໍ່ໄດ້ແທ້ໆ ຖົງຢາງອະນາໄມຊ່ວຍໄດ້, ແຕ່ທາງທ່ີດີຮັກດຽວໃຈດຽວ ມີຄົນດຽວດີທີ່ສຸດ.

- WhatsApp Image 2020 05 27 at 5 - ຮູ້ເທົ່າທັນພະຍາດຕິດຕໍ່ທາງເພດຊິຟີລິສ
- WhatsApp Image 2020 05 27 at 5 - ຮູ້ເທົ່າທັນພະຍາດຕິດຕໍ່ທາງເພດຊິຟີລິສ
error: Alert: ເນື້ອຫາຂ່າວມີລິຂະສິດ !!