ຍືດອາຍຸໃຫ້ໂທລະສັບໃຊ້ງານໄດ້ດົນຂຶ້ນ

- advert banner 728 90 728x90 - ຍືດອາຍຸໃຫ້ໂທລະສັບໃຊ້ງານໄດ້ດົນຂຶ້ນ
  1. ໜ້າຈໍ (Display) : ເລີ່ມຕົ້ນຈາກໜ້າຈໍກ່ອນ ເພາະຈັບມາສົນທະນາຍາມໃດກໍຕ້ອງສຳຜັດກັບໃບໜ້າທຸກເທື່ອ ເມື່ອລົມ ກັນແລ້ວກໍເປັນຄາບທັນທີ ທັງແປ້ງ, ເຫື່ອ, ຄວາມມັນ ຖ້າປ່ອຍໄວ້ດົນໆອາດໄດ້ສິວເປັນຂອງແຖມ ການເບິ່ງແຍງຮັກສາໂທລະ ສັບມືຖືທົ່ວໆໄປນັ້ນເຮັດໄດ້ບໍ່ຍາກ ພຽງແຕ່ໃຊ້ຜ້າສະອາດ ຫລື ເຈ້ຍອະນາໄມສຳລັບເດັກນ້ອຍ (ເຈ້ຍອະນາໄມທົ່ວໄປຈະເຮັດໃຫ້ໜ້າຈໍເປັນຮອຍໄດ້) ຫລື ໃຊ້ຜ້າເຊັດແວ່ນຕາເປັນອຸປະກອນໃນການເຮັດຄວາມສະອາດໜ້າຈໍມືຖືກໍໄດ້ ສ່ວນເຊັດຫລາຍເທື່ອປານໃດນັ້ນຂຶ້ນຢູ່ກັບຄວາມຖີ່ໃນການໃຊ້ງານ ນອກຈາກນີ້ຍັງມີຈໍແບບ Touch Screen ເຊິ່ງຈະໄວຕໍ່ຄວາມຮ້ອນ, ຄວາມຊຸ່ມ ແລະ ການກະທົບກະແທກເປັນພິເສດ. ດັ່ງນັ້ນ, ການເບິ່ງແຍງຮັກສາໂທລະສັບມືຖືຈຶ່ງຕ້ອງຖະໜອມວ່າຈໍມືຖືແບບອື່ນໜ້ອຍໜຶ່ງ ເຊິ່ງວິທີເບິ່ງແຍງຮັກສາໜ້າຈໍ Touch Screen ມີດັ່ງນີ້ :

– ຢ່າເຮັດຕົກ ຫລື ໃຫ້ຫຍັງມາກະແທກຈໍ ເພາະຈະແຕກໄດ້.

- new3 - ຍືດອາຍຸໃຫ້ໂທລະສັບໃຊ້ງານໄດ້ດົນຂຶ້ນ

– ຄວນຈະຕິດແຜ່ນກັດຮອຍ ເພາະຈະຊ່ວຍກັນຈໍຈາກຄວາມຊຸ່ມ, ຮອຍຂູດຂີດ ແລະ ການກະແທກໄດ້ສ່ວນໜຶ່ງ.

– ຢ່າໃຊ້ນຳ້ຢາທີ່ບໍ່ໄດ້ເຮັດມາເພື່ອໃຊ້ເຮັດຄວາມສະອາດຈໍແບບ Touch Screen, ຖ້າເປັນນຳ້ຢາເຊັດຄອມ ຫລື ອານກໍຮໍ ຈະຊຶມເຂົ້າໄປພາຍໃນຈໍເຮັດໃຫ້ຈໍເສື່ອມສະພາບໄດ້.

– ຄວນໃຊ້ຜ້າໄມໂຄຣໄຟເບີແບບທີ່ເຊັດແວ່ນຕາແຫ້ງໆຮຸກຖູເບົາໆ ຫາກຍັງບໍ່ອອກໃຫ້ໃຊ້ນຳ້ຢາເຊັດໜ້າຈໍ Touch Screen ຕື່ມໄດ້.

– ຢ່າວາງໂທລະສັບປະໄວ້ບ່ອນທີ່ມີຄວາມຮ້ອນສູງ ເຊັ່ນ : ໜ້າຄອນໂຊນລົດ ເພາະຈະເຮັດໃຫ້ຈໍເສື່ອມ.

- lattana 1 - ຍືດອາຍຸໃຫ້ໂທລະສັບໃຊ້ງານໄດ້ດົນຂຶ້ນ

– ຫາກຖືກນຳ້ໃຫ້ຟ້າວເຊັດອອກໃຫ້ໄວທີ່ສຸດ ຫ້າມເອົາໄດເປົ່າຜົມມາເປົ່າ ເພາະຈໍຈະຖືກຄວາມຮ້ອນຈົນບວມໄດ້.

– ຫລີກເວັ້ນການປ່ຽນອຸນຫະພູມຢ່າງໄວວາ ເຊັ່ນ : ຕາກແດດຮ້ອນໆມາເຂົ້າຫ້ອງແອເຢັນໆ ເພາະຖ້າຈໍປັບໂຕບໍ່ທັນຈະເຮັດໃຫ້ແຕກໄດ້ ແລະ ສິ່ງສຳຄັນບໍ່ວ່າຈະເປັນຈໍແບບໃດກໍຕາມພະຍາຍາມຢ່າເຮັດຕົກເລື້ອຍໆ ເພາະຈະເຮັດໃຫ້ໜ້າຈໍແຕກ ຫລື ລ້າວໄດ້ ປ້ອງກັນງ່າຍໆໂດຍເອົາໃສ່ຖົງສົ້ງ ຫລື ກະເປົ໋າ, ຫາຊອງມາໃສ່ກັນກະແທກ, ເອົາສາຍມາຄ້ອງຄໍ ຫລື ຂໍ້ມືເວລາຖື ກໍຊ່ວຍປ້ອງກັນໄດ້ດີ.

  1. ກ້ອງ (Camera) : ສຳລັບການເບິ່ງແຍງຮັກສາກ້ອງເທິງມືຖືກໍເຮັດໄດ້ບໍ່ຍາກ ຄືໃຊ້ສຳລີ ຫລື ຜ້າເຊັດແວ່ນຕາຈຸ່ມນຳ້ຢາເຮັດຄວາມສະອາດເລນ (ແບບດຽວກັບທີ່ໃຊ້ກັບກ້ອງທົ່ວໄປ) ເຊັດ ຫລື ຫາແຜ່ນຟີມສຳລັບປ້ອງກັນຮອຍເທິງໜ້າຈໍມາປິດເພື່ອປ້ອງກັນຂີ້ຝຸ່ນ ແລະ ຮອຍນິ້ວມື.
  2. ແບັດເຕີຣີ (Battery) : ການທີ່ຈະໃຊ້ໂທລະສັບມືຖືໄດ້ດົນກໍຕ້ອງຂຶ້ນຢູ່ກັບການສາກແບັດນຳ ເຊິ່ງການໃຊ້ງານທີ່ຖືກຕ້ອງກໍຈະຊ່ວຍຍືດອາຍຸການໃຊ້ງານໄປໄດ້ ເຊັ່ນ : ເມື່ອຊື້ມືຖືໃໝ່ກໍຄວນສາກແບັດໃນ 2 – 3 ເທື່ອທຳອິດໃຫ້ເຕັມທີ່ ເພື່ອໃຫ້ຂະບວນການທາງສານເຄມີຂອງສານປະກອບພາຍໃນເກີດປະຕິກິລິຍາໃຫ້ສົມບູນ ບໍ່ຄວນສາກແບັດເກີນ 24 ຊົ່ວໂມງ ໂດຍບໍ່ຖອດປັກສຽບອອກ ເພາະຈະເຮັດໃຫ້ແບັດເສື່ອມໄວ ຖ້າຍັງມີພະລັງງານເຫລືອຢູ່ຫລາຍກໍຢ່າຟ້າວສາກໃໝ່ ຄວນຈະໃຊ້ໃຫ້ໝົດ ກ່ອນຈຶ່ງເລີ່ມສາກ ເນື່ອງຈາກການສາກໜຶ່ງເທື່ອຈະຄິດເປັນໜຶ່ງຮອບ ເຊິ່ງຈະມີອາຍຸກຳນົດວ່າສາມາດສາກໄດ້ຈັກເທື່ອ. ຂະນະສາກຄວນປິດເຄື່ອງນຳ ເພາະຫາກມີສາຍເຂົ້າມາຈະເຮັດໃຫ້ການສາກຢຸດລົງຊົ່ວຂະນະ ແລະ ເລີ່ມສາກໃໝ່ເມື່ອວາງສາຍ.
  3. ໜ່ວຍໂທລະສັບ (Body): ບໍ່ວ່າຈະເປັນແບບ Bar Phone, Clam Shell ຫລື Slide ຈະມີເສົາ ຫລື ບໍ່ມີເສົາ ວິທີເບິ່ງແຍງຮັກສາຂັ້ນພື້ນຖານເລີຍກໍຄືເຮັດຕົກໃຫ້ໜ້ອຍທີ່ສຸດ ເຊິ່ງໂທລະສັບມືຖືແບບ Clam Shell ຫລື  Slide ຈະມີໂອກາດເພງ່າຍຫລາຍ ເພາະເຮັດໃຫ້ສາຍພານທີ່ເຊື່ອມຕໍ່ບານພັບ ຫລື ຂໍ້ຕໍ່ເສື່ອມ ຫລື ຫລຸດໄດ້, ບາງເທື່ອໜ່ວຍໂທລະສັບບໍ່ເປັນຫຍັງ ແຕ່ວົງຈອນພາຍໃນເປ່ເພ ເຊິ່ງຄ່າສ້ອມແປງບໍ່ໜ້ອຍແນ່ນອນການປ້ອງກັນກໍຄືກັບທີ່ໄດ້ກ່າວໄປ ໃນເລື່ອງໜ້າຈໍເວລາວ່າງກໍຫາຜ້າສະອາດມາເຊັດ ຫລື ຈະໃຊ້ນຳ້ຢາສຳລັບເຮັດຄວາມສະອາດມືຖືມາເຊັດຕື່ມ ນອກຈາກຈະຊ່ວຍໃຫ້ເປັນຕາໃຊ້ແລ້ວ ຍັງຊ່ວຍລຶບຮອຍດຳ, ຄາບເປື້ອນ ແລະ ຂີ້ຝຸ່ນຕ່າງໆທີ່ຕິດຢູ່ໄດ້ນຳ.
error: Content is protected !!