ງານວາງສະແດງຕົ້ນໄມ້ ແລະ ເບ້ຍໄມ້ຈັດຂຶ້ນຢ່າງຟົດຟື້ນທີ່ເດີ່ນພະທາດຫຼວງ        

- Tree fair - ງານວາງສະແດງຕົ້ນໄມ້ ແລະ ເບ້ຍໄມ້ຈັດຂຶ້ນຢ່າງຟົດຟື້ນທີ່ເດີ່ນພະທາດຫຼວງ        
- Untitled design - ງານວາງສະແດງຕົ້ນໄມ້ ແລະ ເບ້ຍໄມ້ຈັດຂຶ້ນຢ່າງຟົດຟື້ນທີ່ເດີ່ນພະທາດຫຼວງ        

ງານວາງສະແດງຕົ້ນໄມ້ ແລະ ເບ້ຍໄມ້ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນວັນທີ 1 ມິຖຸນາ, ໄດ້ຈັດຂຶ້ນຢ່າງຟົດຟື້ນໃນວັນທີ 25 ພຶດສະພາ ນີ້, ທີ່ເດີ່ນພະທາດຫຼວງ, ໂດຍການເຂົ້າຮ່ວມຂອງທ່ານ  ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ລຽນ ທິແກ້ວ ລັດຖະມົນຕີ ກະຊວງກະສິກຳ ແລະ ປ່າໄມ້, ພ້ອມດ້ວຍພາກສ່ວນຕ່າງໆເຂົ້າຮ່ວມປະມານ 90 ໜ່ວຍງານ.

ທ່ານຮອງລັດຖະມົນຕີ ກະຊວງກະສິກໍາ ແລະ ປ່າໄມ້ກ່າວວ່າ: ເພື່ອສ້າງຂະບວນການຂ່ຳນັບຮັບຕ້ອນວັນປູກໄມ້ແຫ່ງຊາດ ຄອບຮອບ 38 ປີ ໂດຍຕິດພັນກັບການສະເຫຼີມສະຫຼອງວັນເດັກນ້ອຍສາກົນ 1 ມິຖຸນາ, ກະຊວງກະສິກຳ ແລະ ປ່າໄມ້ ສົມທົບກັບນະຄອນຫຼວງວຽງຈັນ ໄດ້ຈັດງານວາງສະແດງຕົ້ນໄມ້, ເບ້ຍໄມ້ ແລະ ໄມ້ປະດັບ ເພື່ອແນໃສ່ຊຸກຍູ້ທຸລະກິດການກ້າເບ້ຍໄມ້ໃຫ້ຂະຫຍາຍຕົວກວ້າງຂວາງ, ຮັບປະກັນການສະໜອງເບ້ຍໄມ້ ແລະ ຕົ້ນໄມ້ທຸກຊະນິດໃຫ້ແກ່ການປູກໄມ້, ປະກອບສ່ວນກະຕຸກຊຸກຍູ້ການຈັດຕັ້ງປະຕິບັດຍຸດທະສາດປ່າໄມ້ 2020 ຂອງລັດຖະບານຄື: ເພີ່ມຄວາມປົກຫຸ້ມປ່າໄມ້ໃຫ້ໄດ້ 70% ແລະປູກໄມ້ໃຫ້ໄດ້ 5 ແສນເຮັກຕາ, ພ້ອເປັນການປູກຈິດສຳນຶກທີ່ດີໃຫ້ແກ່ອະນຸຊົນ-ເຍົາວະຊົນຂອງຊາດກໍຄືລູກຫຼານຜູ້ເກີດໃໝ່ໃຫຍ່ລຸນໃຫ້ມີສະຕິຮັກ ແລະ ຫວງແຫນປ່າໄມ້ ແລະຊັບພະຍາກອນປ່າໄມ້, ທັງເປັນການປຸກລະດົມທົ່ວປວງຊົນເຂົ້າຮ່ວມໃນການຄຸ້ມຄອງປົກປັກຮັກສາ ແລະ ພັດທະນາປ່າໄມ້ ໃຫ້ມີຄວາມຢືນຍົງ ປະກອບສ່ວນພັດທະນາເສດຖະກິດຂອງຊາດ ເຕີບໃຫຍ່ຂະຫຍາຍຕົວ.

- Wave100S AD to Website 2020 0 - ງານວາງສະແດງຕົ້ນໄມ້ ແລະ ເບ້ຍໄມ້ຈັດຂຶ້ນຢ່າງຟົດຟື້ນທີ່ເດີ່ນພະທາດຫຼວງ        

ສຳລັບການຈັດງານວາງສະແດງຕົ້ນໄມ້ດັ່ງກ່າວ ແມ່ນຈະດໍາເນີນໄປຮອດວັນທີ 6 ມິຖຸນານີ້, ໃນນັ້ນໄດ້ມີ 100 ເຕັ້ນທີ່ໄດ້ນໍາເອົາເບ້ຍໄມ້ຊະນິດຕ່າງໆມາວາງສະແດງ ແລະ ຂາຍຕາມຄວາມຕ້ອງການຂອງລູກຄ້າ ມີຫຼາຍກວ່າ 30 ຊະນິດ, ທີ່ເປັນໄມ້ພື້ນເມືອງເຊັ່ນ: ໄມ້ຂະຍຸງ, ໄມ້ຄຳພີ, ໄມ້ດູ່ລາຍ, ໄມ້ດູ່, ໄມ້ແຂ່າ, ໄມ້ຍາງ, ໄມ້ແຄນເຮືອ, ໄມ້ແຄນຂະຍອມ, ສີໄຄຕົ້ນ, ຈຳປີປ່າ, ສະຝາງ, ໄມ້ຕິ້ວ, ໄມ້ສາມສາ, ໄມ້ສັກ, ໄມ້ວິກ, ໄມ້ກະຖິນເທພາ, ກະຖິນນະລົງ, ນອກຈາກນັ້ນຍັງມີປະເພດໄມ້ໃຫ້ໝາກ, ໄມ້ປະດັບ ແລະ ມີຜະລິດຕະພັນໄມ້, ຜະລິດຕະພັນກະສິກຳ, ຜັກປອດສານພິດອື່ນໆມາວາງຈໍາໜ່າຍໃນງານດັ່ງກ່າວອີກດ້ວຍ.

- WhatsApp Image 2020 05 27 at 5 - ງານວາງສະແດງຕົ້ນໄມ້ ແລະ ເບ້ຍໄມ້ຈັດຂຶ້ນຢ່າງຟົດຟື້ນທີ່ເດີ່ນພະທາດຫຼວງ        
- WhatsApp Image 2020 05 27 at 5 - ງານວາງສະແດງຕົ້ນໄມ້ ແລະ ເບ້ຍໄມ້ຈັດຂຶ້ນຢ່າງຟົດຟື້ນທີ່ເດີ່ນພະທາດຫຼວງ        
error: Alert: ເນື້ອຫາຂ່າວມີລິຂະສິດ !!