ສິ່ງທີ່ຕ້ອງຮູ້ກ່ອນຈະຜ່າຕັດເສີມດັງ

- Untitled design - ສິ່ງທີ່ຕ້ອງຮູ້ກ່ອນຈະຜ່າຕັດເສີມດັງ

- 032504 300x142 - ສິ່ງທີ່ຕ້ອງຮູ້ກ່ອນຈະຜ່າຕັດເສີມດັງ     ເກີດເປັນແມ່ຍິງຄົງບໍ່ຢາກຢຸດງາມ ແມ່ຍິງຫລາຍໆຄົນຢາກມີດັງງາມໂດຍການໄປເສີມດັງ ເຊິ່ງການຜ່າຕັດເສີມດັງໂດຍຊິລິໂຄນເປັນວິທີທີ່ແຜ່ຫລາຍ ແລະ ນິຍົມເຮັດກັນ ເນື່ອງຈາກມີຂໍ້ດີຫລາຍປະການ. ການຜ່າຕັດສາມາດເຮັດໄດ້ໂດຍການສັກຢາຫມຶນສະເພາະບ່ອນ ເລືອກເຫລົາຊິລິໂຄນໃຫ້ໄດ້ຮູບຕາມທີ່ຕ້ອງການ ເຊິ່ງຂຶ້ນກັບໃບໜ້າ ແລະ ຊີ້ນດັງເກົ່າຂອງແຕ່ລະຄົນ. ຊິລິໂຄນທີ່ໃຊ້ເປັນ Elastomer ທີ່ເປັນຂອງແຂງ ບໍ່ເຮັດປະຕິກິລິຍາກັບຮ່າງກາຍ ມີຄວາມສ່ຽງຕໍ່າເລື່ອງການຕິດເຊື້ອ ແລະ ເລື່ອນຕຳແໜ່ງ, ຊິລິໂຄນມີຄວາມແຂງ – ອ່ອນໃຫ້້ເລືອກໄດ້ຫລາຍລະດັບ ເມື່ອຜ່າຕັດໃສ່ແທ່ງຊິລິໂຄນໄວ້ໃນຕຳແໜ່ງທີ່ເໝາະສົມ ແທ່ງຊິລິໂຄນຈະຖືກຈັບຕິດກັບກະດູກ ແລະ ເຍື່ອຫຸ້ມກະດູກດັງ ແລະ ມີຄວາມຄົງທົນ. ຂະໜາດ ແລະ ຮູບຮ່າງຂອງແທ່ງຊິລິໂຄນທີ່ໃຊ້ຄວນເລືອກໂດຍຄຳນຶງເຖິງຄວາມໜາບາງຂອງຜິວໜັງບໍລິເວນດັງ ເຊິ່ງມີຜົນກັບຄວາມຫົດຢືດຫລັງຈາກການໃສ່ຊິລິໂຄນແລ້ວ ຫາກມີ ຄວາມເຄັ່ງຫລາຍຈົນເກີນໄປອາດຈະມີບັນຫາເຫັນເປັນແທ່ງຈະແຈ້ງ (ລັກສະນະເຫັນຜິວໃສໆຄືເຫັນແທ່ງດ້ານໃນ) ຫລື ຊອດອອກມານອກຜິວໜັງໄດ້.

ການຕັດສິນໃຈເລືອກວິທີການຜ່າຕັດເສີມດັງມີເຕັກນິກແບ່ງໄດ້ເປັນການສັກ (filler/ fat) ກັບການໃສ່ແທ່ງ (ຊິລິໂຄນ ຫລື ກະດູກອ່ອນ) ມີຂໍ້ດີຂໍ້ເສຍແຕກຕ່າງກັນແດ່.​ ການສັກສາມາດເຮັດໄດ້ງ່າຍ ຫາກໃຊ້ເນື້ອເຍື່ອໄຂມັນຂອງຕົນເອງທີ່ດູດຈາກພາກສ່ວນອື່ນຈະມີຄວາມເປັນທຳມະຊາດ, ແຕ່ຈະພົບວ່າມີຂະໜາດນ້ອຍລົງໄດ້ 40 – 60% ໃນໄລຍະຍາວ. ການໃສ່ຊິລິໂຄນ ຫລື ແທ່ງກະດູກອ່ອນ ຈະໄດ້ຮູບຮ່າງທົນກ່ວາ ແລະ ປັບລາຍລະອຽດໄດ້ຫລາຍກ່ວາ ເພາະສາມາດເຫລົາໃຫ້ເຂົ້າຮູບທີ່ຕ້ອງການໄດ້.

ຫລັກການໃນການເລືອກຜ່າຕັດເສີມດັງໃຫ້ໄດ້ຜົນດີແມ່ນຄວນຄຳນຶງເຖິງຮູບຮ່າງຂອງໃບໜ້າ, ຄວາມກົມກືນຂອງໃບໜ້າພາກສ່ວນເທິງ, ພາກສ່ວນກາງ ແລະ ພາກສ່ວນລຸ່ມ, ຄວາມກ້ວາງຂອງຖານ ແລະ ປີກດັງ ທັງໝົດນີ້ມີຜົນກັບລັກສະນະທີ່ຈະອອກມາກົງກັບຄວາມຕ້ອງການ ຈຶ່ງແນະນຳໃຫ້ມີການວາງແຜນ, ໂອ້ລົມກັນກັບທ່ານໝໍກ່ອນການຜ່າຕັດກ່ຽວກັບຄວາມເປັນໄປໄດ້ ແລະ ຄວາມຄາດຫວັງຂອງການຜ່າຕັດເສີມດັງ. ໃນກໍລະນີທີ່ຜ່າຕັດເສີມດັງມາແລ້ວບໍ່ເປັນທີ່ພໍໃຈ ຕ້ອງການຜ່າຕັດແກ້ໄຂ ກໍຈະຕ້ອງຜ່າຕັດເອົາແທ່ງຊິລິໂຄນອອກ, ຕັດຜິວໜັງທາງໃນ ແລະ ລໍຖ້າໃຫ້ບາດແຜເຊົາເປັນໄລຍະເວລາໜຶ່ງກ່ອນ ເມື່ອຜິວໜັງທາງໃນມີຄວາມອີ່ມໂຕແລ້ວ ການຜ່າຕັດຊ້ຳສາມາດເຮັດໄດ້ງ່າຍ ແລະ ປອດໄພ ລວມທັງສາມາດປະເມີນຄວາມເຄັ່ງ – ຢ່ອນ ແລະ ມີຊີ້ນດັງເກົ່າທີ່ຖືກຕ້ອງ.

ການກຽມໂຕກ່ອນການຜ່າຕັດເສີມດັງ ຄວນເລືອກໄລຍະທີ່ພັກຜ່ອນ ເນື່ອງຈາກຈະມີອາການໃຄ່ບວມໃນໄລຍະທຳອິດປະມານ 1 ອາທິດ ອາການບວມຈະຫລຸດລົງເລື້ອຍໆຈົນເປັນປົກກະຕິໃນໄລຍະ ປະມານ 3 – 4 ອາທິດ.

- Wave100S AD to Website 2020 0 - ສິ່ງທີ່ຕ້ອງຮູ້ກ່ອນຈະຜ່າຕັດເສີມດັງ

– ການເບິ່ງແຍງຮັກສາຫລັງຜ່າຕັດ ຄວນຫລີກເວັ້ນການຖືກບຽດດັນຈາກພາຍນອກ ແນະນຳງົດໃສ່ແວ່ນຕາດົນ 3 – 4 ອາທິດຫລັງຜ່າຕັດ.

ຂໍ້ຄວນຄຳນຶງເຖິງດັງເປັນສິ່ງໜຶ່ງທີ່ສາມາດປ່ຽນແປງແລ້ວເຫັນຜົນກັບໃບໜ້າ ແລະ ບຸກຄະລິກໄດ້ຫລາຍ ແນະນຳພິຈາລະນາຜົນດີ – ຜົນເສຍ ແລະ ປຶກສາຄົນອ້ອມຂ້າງກ່ອນຈະຕັດສິນໃຈເຮັດ ເພາະວ່າຈະມີຜົນກັບໃບໜ້າໄປໃນໄລຍະຍາວ.

- WhatsApp Image 2020 05 27 at 5 - ສິ່ງທີ່ຕ້ອງຮູ້ກ່ອນຈະຜ່າຕັດເສີມດັງ
- WhatsApp Image 2020 05 27 at 5 - ສິ່ງທີ່ຕ້ອງຮູ້ກ່ອນຈະຜ່າຕັດເສີມດັງ
error: Alert: ເນື້ອຫາຂ່າວມີລິຂະສິດ !!