ເຈົ້າໜ້າທີ່ ສປປ ເກົາຫລີ ຢ້ຽມຢາມອາເມລິກາ

- 43752e38c94c5d90175c863271801c62 - ເຈົ້າໜ້າທີ່ ສປປ ເກົາຫລີ ຢ້ຽມຢາມອາເມລິກາ
- Untitled design - ເຈົ້າໜ້າທີ່ ສປປ ເກົາຫລີ ຢ້ຽມຢາມອາເມລິກາ

ສຳນັກ​ຂ່າວ​ຢອນ​ຮັບ​ຂອງ ສ ​ເກົາຫລີ ລາຍ​ງານ​ວ່າ: ທ່ານ ກິມ ຢອງ​ຊໍ ​ເຈົ້າໜ້າ​ທີ່​ອາວຸ​ໂສ​ຂອງ ສປປ ​ເກົາຫລີ ທີ່​ຮັບຜິດຊອບ​ກິດຈະການ​ສອງ​ເກົາຫລີ​ມີ​ກຳນົດ​ເດີນທາງ​ຢ້ຽມຢາມ​ອາ​ເມ​ລິ​ກາ​ໃນ​ວັນ​ທີ 30 ພຶດສະພາ​ນີ້ ພາຍຫລັງ​ຫາລື​ກັບ​ເຈົ້າໜ້າ​ທີ່​ຈີນ ​ເຊິ່ງສະ​ແດງ​ວ່າ​ຄຳ​ສັ່ງ​ຂວ້ຳບາດ​ເຈົ້າໜ້າ​ທີ່​ລະດັບ​ສູງ ສປປ ​ເກົາຫລີ ​ໄດ້​ຢຸດ​ລົງ​ແລ້ວ.

ຢອນ​ຮັບ​ລາຍ​ງານ​ອ້າງ​ແຫ​ລ່ງຂ່າວ​ບໍ່​ເປີດ​ເຜີຍ​ລະບຸ​ວ່າ: ​ໃນ​ມາດ​ຕະການ​ຂວ້ຳບາດ​ລະບຸ​ຫ້າມ​ເຈົ້າໜ້າ​ທີ່ ສປປ ​ເກົາຫລີ ​ເດີນທາງ​ເຂົ້າປະ​ເທດ ລວມທັງ​ທ່ານ ກິມ ຢອງ​ຊໍ ນຳ​ອີກ, ​ແຕ່​ຈາກ​ຂ່າວ​ທີ່​ທ່ານ​ສາມາດ​ເດີນທາງ​ມາ​ອາ​ເມ​ລິ​ກາ​ໄດ້​ຕາມ​ປົກກະຕິ ສະ​ແດງ​ໃຫ້​ເຫັນ​ວ່າ​ຄຳ​ສັ່ງ​ຫ້າມ​ເດີນທາງ​ໄດ້​ຮັບ​ການ​ຍົກ​ເວັ້ນ​ແລ້ວ, ຜ່ານ​ມາ​ອາ​ເມ​ລິ​ກາ ​ແລະ ສ ​ເກົາຫລີ ຂຶ້ນບັນຊີ​ດຳ​ທ່ານ ກິມ ຢອງ​ຊໍ ​ວ່າ​ເປັນ​ຜູ້​ສະໜັບສະໜູນ​ໂຄງການ​ນິວ​ເຄຼຍ ​ແລະ ລູກ​ສອນ​ໄຟ ສປປ ​ເກົາຫລີ ​ໃນ​ປີ 2010 ​ແລະ ປີ 2015 ຕາມ​ລຳດັບ. ຢອນ​ຮັບ​ລາຍ​ງານ​ອີກ​ວ່າ: ທ່ານ ຊາ​ເວ ຄັງ​ອິລ ​ເຈົ້າໜ້າ​ທີ່​ກະຊວງ​ຕ່າງປະ​ເທດ ສປປ ​ເກົາຫລີ ດ້ານ​ກິດຈະການ​ອາ​ເມ​ລິ​ກາ​ເໜືອ​ຢູ່​ສະໜາມ​ບິນ​ສາກົນ​ປັກ​ກິ່ງ, ​ແຕ່​ບໍ່​ໄດ້​ຢືນຢັນ​ວ່າ​ທ່ານ​ຢູ່​ຮ່ວມ​ໃນ​ຄະນະ​ເດີນທາງ​ຂອງ​ທ່ານ ກິມ ຢອງ​ຊໍ ຫລື ບໍ່.

- Wave100S AD to Website 2020 0 - ເຈົ້າໜ້າທີ່ ສປປ ເກົາຫລີ ຢ້ຽມຢາມອາເມລິກາ
- WhatsApp Image 2020 05 27 at 5 - ເຈົ້າໜ້າທີ່ ສປປ ເກົາຫລີ ຢ້ຽມຢາມອາເມລິກາ
- WhatsApp Image 2020 05 27 at 5 - ເຈົ້າໜ້າທີ່ ສປປ ເກົາຫລີ ຢ້ຽມຢາມອາເມລິກາ
error: Alert: ເນື້ອຫາຂ່າວມີລິຂະສິດ !!