ກອງກຳລັງອັບການິດສະຖານ ສັງຫານພົນລະເຮືອນ 9 ຄົນ

- 1527583564921 960x0 - ກອງກຳລັງອັບການິດສະຖານ ສັງຫານພົນລະເຮືອນ 9 ຄົນ
- AGL banner - ກອງກຳລັງອັບການິດສະຖານ ສັງຫານພົນລະເຮືອນ 9 ຄົນ

​ເຈົ້າໜ້າ​ທີ່ອັບ​ກາ​ນິດ​ສະຖານ​ລາຍ​ງານ​ໃນ​ວັນ​ທີ 29 ພຶດສະພາ​ວ່າ: ກອງ​ກຳລັງ​ຊຸດ​ພິ​ເສດ​ອັບ​ກາ​ນິດ​ສະຖານ​ສັງຫານ​ພົນລະ​ເຮືອນ 9 ຄົນ ​ເຊິ່ງຄາດ​ວ່າ​ເປັນ​ປະຕິບັດ​ການ​ໂຈມ​ຕີ​ຜິດພາດ​ໃນ​ແຂວງ​ນັກ​ກາ​ຮາ​ທາງ​ພາກ​ຕາ​ເວັນ​ອອກ.

​ໂຄສົກ​ກອງ​ກຳລັງ​ອັບ​ກາ​ນິດ​ສະຖານ​ລາຍ​ງານ​ວ່າ: ຜູ້​ເສຍ​ຊີວິດ​ເປັນ​ພີ່ນ້ອງ​ຂອງ​ທ່ານ ຟາ​ເຊ​ລ ຮາ​ດີ້ ມຸສລິ​ຢາ ປະທານ​ສະພາ​ທ້ອງ​ຖິ່ນ ​ແລະ ທີ​ມສອບ​ສວນ​ຈາກ​ນະຄອນຫລວງ​ກາ​ບູນ​ໄດ້​ຮັບ​ມອບ​ໝາຍ​ໃຫ້​ກວດ​ສອບ​ສາ​ເຫດ​ໂຈມ​ຕີ​ພົນລະ​ເຮືອນ​ເສຍ​ຊີວິດ​ຢູ່​ແຂວງ​ນັນກາ​ຮາ​ແລ້ວ. ຜູ້ອຳນວຍການ​ສາທາລະນະ​ສຸກ​ທ້ອງ​ຖິ່ນ​ຢືນຢັນ​ວ່າ​ມີ​ຜູ້​ເສຍ​ຊີວິດ ​ແລະ ບາດ​ເຈັບ​ຖືກ​ນຳ​ສົ່ງ​ໂຮງໝໍ​ທ້ອງ​ຖິ່ນ​ໃນ​ເມືອງ​ຈາ​ລາ​ລາ​ບັດ, ຂະນະ​ທີ່​ຍັງ​ບໍ່​ມີ​ລາຍ​ລະອຽດ​ຈາກ​ເຫດ​ໂຈມ​ຕີ​ດັ່ງກ່າວ​ໃນ​ເຂດ​ຊາ​ປາ​ຮາ​ໃນ​ຄໍ່າ​ວັນ​ທີ 28 ພຶດສະພາ​ຢ່າງ​ແນ່​ນອນ ​ແລະ ຍັງ​ບໍ່​ມີ​ຖະ​ແຫລ​ງການ​ຈາກ​ກະຊວງ​ປ້ອງ​ກັນ​ຄວາມ​ສະຫງົບ​ອັບ​ກາ​ນິດ​ສະຖານ. ສະຫະ​ປະຊາ​ຊາດ​ລາຍ​ງານ​ວ່າ: ຕົວ​ເລກ​ພົນລະ​ເຮືອນ​ເສຍ​ຊີວິດ ​ແລະ ບາດ​ເຈັບ​ຍັງ​ມີ​ຈຳນວນ​ສູງ​ຈາກ​ຄວາມ​ຂັ​ດ​ແຍ່ງ​ໃນ​ອັບ​ກາ​ນິດ​ສະຖານ ​ເຊິ່ງມີ​ຜູ້​ເສຍ​ຊີວິດ ​ແລະ ບາດ​ເຈັບ​ຫລາຍ​ກວ່າ 10.000 ຄົນ​ໃນ​ປີ 2017.

- Wave100S AD to Website 2020 0 - ກອງກຳລັງອັບການິດສະຖານ ສັງຫານພົນລະເຮືອນ 9 ຄົນ
-    AD conten website - ກອງກຳລັງອັບການິດສະຖານ ສັງຫານພົນລະເຮືອນ 9 ຄົນ
- lattana banner - ກອງກຳລັງອັບການິດສະຖານ ສັງຫານພົນລະເຮືອນ 9 ຄົນ
- lattana banner 1 - ກອງກຳລັງອັບການິດສະຖານ ສັງຫານພົນລະເຮືອນ 9 ຄົນ
error: Alert: ເນື້ອຫາຂ່າວມີລິຂະສິດ !!