ປ່າໄມ້ ໜຶ່ງປັດໄຈພາໃຫ້ຊີວິດຍືນຍົງ

- n20161031103746 116167 - ປ່າໄມ້ ໜຶ່ງປັດໄຈພາໃຫ້ຊີວິດຍືນຍົງ
- Untitled design - ປ່າໄມ້ ໜຶ່ງປັດໄຈພາໃຫ້ຊີວິດຍືນຍົງ

ໂດຍ: ທິດກ່ຳ

ດັ່ງທີ່ຮູ້ກັນ ແລ້ວວ່າ: ວັນ ທີ 1 ມິຖຸນາທີ່ຈະມາເຖິງນີ້, ເປັນວັນປູກຕົ້ນໄມ້ແຫ່ງຊາດ. ປີນີ້ຕາມການຢືນຢັນຂອງ ລັດຖະມົນຕີກະຊວງກະສິກຳ ແລະ ປ່າໄມ້ທົ່ວປະເທດມີ ແຜນປູກຕົ້ນໄມ້ໃຫ້ໄດ້ 27 ພັນ ເຮັກຕາ, ແຕ່ກໍໜ້າເປັນຫວ່ງ ໃນເລື່ອງການປົກປັກຮັກສາຍ້ອນວ່າກວ່າມັນຈະເຕີບໃຫຍ່ຂຶ້ນມາເປັນປ່າເປັນດົງຂຽວ ອຸ່ມທຸ່ມ ມັນຕ້ອງອາໄສການ ເວລາເປັນ 20 ປີຂຶ້ນເມືອ, ແນວໃດກໍຕາມ, ຄາດກະໃສ່ ແຜນພັດທະນາ-ເສດຖະກິດ ສັງຄົມຂອງປະເທດແຕ່ນີ້ຫາ ປີ 2020 ຕ້ອງໃຫ້ມີຜືນ ປ່າ ປົກຫຸ້ມທົ່ວເມືອງລາວ 70% ຂອງພື້ນທີ່ທົ່ວປະເທດ.

 

ປ່າໄມ້ອາດຖືກດັບສູນ ຍ້ອນກຳມະສິດຂອງບຸກຄົນ

ບັນດາແຂວງພາກເໜືອຮ່ວມທາມທາມເນື້ອໃນຮ່າງກົດໝາຍວ່າດ້ວຍປ່າໄມ້ສະບັບປັບປຸງ

- Wave100S AD to Website 2020 0 - ປ່າໄມ້ ໜຶ່ງປັດໄຈພາໃຫ້ຊີວິດຍືນຍົງ

ເມື່ອຕັ້ງໂຈດກັນວ່າ: ປ່າ ໄມ້ໃຫ້ຜົນປະໂຫຍດຫຍັງແດ່ແກ່ຄົນເຮົາ? ທິດກ່ຳຈະຂໍນຳ ເອົາມາຕອບເພື່ອເປັນການ ແລກປ່ຽນຄຳຄິດຄຳເຫັນໃນຄໍລຳມື້ນີ້ ຄື: ປ່າໄມ້ໃຫ້ຄຸນ ປະ ໂຫຍດແກ່ຄົນເຮົາຢ່າງຫລວງຫລາຍພາຍມາກ ເປັນຕົ້ນ: ໃຫ້ ຄວາມຊຸ່ມຊື່ນ, ອາກາດສົດ ໄສ, ໄພທຳມະຊາດ ບໍ່ມາເຂັນ ຂ້າຮາວີໃຫ້ພວກເຮົາຈິບຫາຍວາຍວອດ. ນອກນັ້ນ, ປ່າໄມ້ ຍັງເປັນທີ່ມາຂອງຊີວະນາໆ ພັນ, ເປັນແຫລ່ງສະໜອງອາ ຫານການກິນ, ເຄື່ອງປ່າຂອງ ດົງ, ຢາປົວພະຍາດ, ສັດສາ ວາສິ່ງ, ນົກໜູ-ປູປີກ ແມ່ນມາ ໂຮມກັນຢູ່ປ່າທັງນັ້ນ, ແຕ່ອັນ ສຳຄັນກວ່າໝູ່ໝົດ ແມ່ນເຮັດ ໃຫ້ຊີວິດອິນຊີຂອງພວກເຮົາຢູ່ໄດ້ແບບຍືນຍົງ ແລະ ມີອາຍຸ ຍາວນານຍ້ອນມີອາກາດສົດ, ມີຄວາມສົດຊື່ນຮົ່ມເຢັນຈາກປ່າໄມ້ໄດ້ສ້າງເງື່ອນໄຂ ແລະ ປັດໄຈທາງດ້ານທຳມະຊາດ ແລະ ສິ່ງແວດລ້ອມອັນອຸດົມ ສົມບູນ.

ເມື່ອເປັນດັ່ງວ່ານີ້, ເປັນ ຫຍັງພວກເຮົາບໍ່ພາກັນປົກ ປັກຮັກສາ ແລະ ສ້າງມັນຂຶ້ນ ມາໃຫ້ຄົນເຮົາໄດ້ສຳພັດຢ່າງມີຄວາມສຸກ, ຄຳຕອບກໍຄື: ມັນກໍຂຶ້ນກັບປັດໄຈອື່ນໆອີກຫລາຍດ້ານ, ແຕ່ອັນຕົ້ນຕໍມັນມີ ສອງປັດໄຈພື້ນຖານຄື: ຍ້ອນ ການເພີ່ມຂຶ້ນຂອງພົນລະ ເມືອງ, ເສດຖະກິດ-ສັງຄົມ ມີ ການຂະຫຍາຍຕົວ, ປະເທດ ຊາດມີການສ້າງສາພັດທະນາ ໄປຕິກໆ. ອັນສອງມາແມ່ນ ຍ້ອນຄວາມໂລບມາກໂລພາຂອງພວກທີ່ເຫັນແກ່ໄດ້, ໂດຍ ສະເພາະແມ່ນພວກທີ່ຫາກິນນຳໄມ້ໃຫຍ່ນຳປ່າດົງພາກັນ ຕັດໄມ້ທຳລາຍປ່າ ຫລື     ຕັດໄມ້ ໃຫຍ່ໄປຂາຍ ຈຶ່ງເຮັດໃຫ້ປ່າ ດົງດິບກຸດຫ້ຽນເບົາບາງໄປ ນຳແຕ່ລະມື້.

ໂດຍຫລິງ ເຫັນໂທດຮ້າຍ ທີ່ໄດ້ເຂົ້າມາໃກ້ຕົວໃນທຸກຂະນະ, ມະຕິຄັ້ງທີ 10 ຂອງພັກ ຈຶ່ງໄດ້ກຳນົດຢ່າງຈະແຈ້ງວ່າ: ພວກເຮົາຕ້ອງສ້າງເສດຖະ ກິດໄປຕາມທິດພັດທະນາ ແບບຍືນຍົງ, ເຊິ່ງປະກອບ ດ້ວຍຫລາຍປັດໄຈທີ່ແຕກ ຕ່າງກັນ ເປັນຕົ້ນ: ພັດທະນາ ເສດຖະກິດຕະຫລາດຕາມທິດສັງຄົມນິຍົມປະກອບມີຫລາຍພາກສ່ວນເສດຖະກິດທີ່ມີ ຄວາມກົມກຽວກັບສິ່ງແວດ ລ້ອມ, ກະສິກຳສະອາດ, ແກ້ ໄຂຄວາມທຸກຍາກຂອງປະ ຊາຊົນ, ພັດທະນາອຸດສາຫະ ກຳໃຫ້ເປັນມິດກັບສິ່ງແວດ ລ້ອມ, ສ້າງເຂດແຄວ້ນຫັນ ຊົນນະບົດເປັນຕົວເມືອງ, ສົ່ງເສີມຂະແໜງທຸລະກິດ ບໍລິການ, ນຳໃຊ້ວິທະຍາສາດ ແລະ ເຕັກໂນໂລຊີ, ຄຸ້ມຄອງ ຊັບພະຍາກອນທຳມະຊາດ, ປົກປັກຮັກສາສິ່ງແວດລ້ອມ ໄປຕາມທິດສີຂຽວ, ຂະຫຍາຍ ພື້ນຖານໂຄງລ່າງເສດຖະກິດຢ່າງມີຈຸດສຸມ ແລະ ເຊື່ອມ ໂຍງ ຢ່າງເປັນລະບົບກັບພາກ ພື້ນ ແລະ ສາກົນ ແລະ ຍັງມີ ບັນຫາອື່ນໆ ທີ່ຕິດພັນກັບ ການພັດທະນາແບບຍືນຍົງ ອີກຫລາຍດ້ານ.

ເຖິງຢ່າງໃດກໍດີ, ກ່ອນ ອື່ນໝົດໜ້າວຽກທີ່ຈະຕ້ອງ ເຮັດໂດຍກົງເພື່ອຕ້ານ ແລະ ສະກັດກັ້ນໄພຂົ່ມຂູ່ຈາກທຳ ມະຊາດທີ່ຈະມາທຳລາຍ ພວກເຮົາໃນອະນາຄົດນັ້ນ ຕ້ອງປະຕິບັດຄຳສັ່ງເລກທີ 15/ນຍ ຢ່າງເຂັ້ມງວດ, ພາ ກັນປິດປ່າ ແລະ ປູກປ່າໃຫ້ໄດ້ ຕາມແຜນຂອງພັກ ແລະ ລັດ ຖະບານວາງອອກໃນແຕ່ ລະໄລຍະນັ້ນ ກໍຖືວ່າເປັນຜົນ ສຳເລັດຕາມແຕ່ລະບາດກ້າວຂອງການພັດທະນາເສດຖະ ກິດ-ສັງຄົມຂອງປະເທດ.

- n20161031103746 116167 - ປ່າໄມ້ ໜຶ່ງປັດໄຈພາໃຫ້ຊີວິດຍືນຍົງ
(ພາບປະກອບ)
- WhatsApp Image 2020 05 27 at 5 - ປ່າໄມ້ ໜຶ່ງປັດໄຈພາໃຫ້ຊີວິດຍືນຍົງ
- WhatsApp Image 2020 05 27 at 5 - ປ່າໄມ້ ໜຶ່ງປັດໄຈພາໃຫ້ຊີວິດຍືນຍົງ
error: Alert: ເນື້ອຫາຂ່າວມີລິຂະສິດ !!