ລາຄາມາດຕະຖານອາຫານຈານດ່ຽວ!

- 33965598 630558520628905 3018978919480033280 n - ລາຄາມາດຕະຖານອາຫານຈານດ່ຽວ!
- Untitled design - ລາຄາມາດຕະຖານອາຫານຈານດ່ຽວ!

ໃຜກໍວ່າອາຫານບ້ານເຮົາແພງຫຼາຍຖ້າທຽບໃສ່ລາຍຮັບຂອງຄົນສ່ວນໃຫຍ່ໃນປະເທດແຕ່ມາຮອດມື້ນີ້ປະຊາຊົນລາວກໍຕົບມືໃຫ້ລັດຖະບານທີ່ຫາກໍເພີ່ມຄ່າແຮງງານຂັ້ນຕໍ່າ ຊໍ້າຍັງປັບເລື່ອງລາຄາ ອາຫານຈານດ່ຽວລົງອີກ ຈັ່ງແມ່ນຖືກໃຈ!

ພໍການປະກາດເລື່ອງການຂຶ້ນຄ່າແຮງງານຂັ້ນຕໍ່າໃນວັນທີ 20 ເມສາ  ທີ່ຜ່ານມາ, ຫຼາຍຄົນກໍເປັນຫ່ວງ ເລື່ອງຄ່າຄອງຊີບໂດຍສະເພາະຄ່າອາ ຫານປະຈຳວັນ, ເພາະສະນັ້ນ ມາຮອດວັນທີ 25 ພຶດສະພາ 2018 ເຊິ່ງນັບເປັນເວລາເດືອນປາຍພໍດີ ກໍມີແຈ້ງການຈາກ ຫ້ອງການ ກະຊວງອຸດສາຫຫະກຳ ແລະການຄ້າ “ວ່າດ້ວຍການທົດລອງການ ຈັດຕັ້ງປະຕິບັດລາຄາຊີ້ນຳ ອາຫານຈານດ່ຽວ ປະເພດ ເຝີ, ເຂົ້າປຽກ, ເຂົ້າຜັດ ແລະເຂົ້າລາດໜ້າ” ປໍລໍອອກມາ ເຊິ່ງເຮັດໃຫ້ຫຼາຍຄົນຍິ້ມໄດ້ວ່າ ຊິບໍ່ມີແມ່ຄ້າ ເວົ້າເອົາລາຄາແພງໆໄດ້ອີກ ເພາະມີມາດຕະຖານລາຄາ 15,000 ກີບ ຕາມແຈ້ງການນີ້.

ຢ່າງໃດກໍຕາມ, ເມື່ອແຈ້ງການນີ້ອອກມາປະກົດຕໍ່ສາຍຕາປວງຊົນ, ຫຼາຍຄົນ ກໍຍິນດີນຳ ແຕ່ບາງຜ່ອງກໍວ່າ ຄວນມີການກວດກາ ມີຂໍ້ມູນຈະແຈ້ງກ່ຽວກັບ ສະພາບຄວາມເປັນຈິງຂອງຜູ້ປະກອບການ ຮ້ານອາຫານ ວ່າໃນປັດຈຸບັນ ລາຄາອາຫານທີ່ກຳນົດມານັ້ນມີຄວາມເໝາະສົມຫຼາຍໜ້ອຍຊໍ່າໃດ? ແລະບາງຜ່ອງກໍວ່າ ນີ້ເປັນຄວາມພະຍາຍາມ ທີ່ອາດມີປະສິດທິຜົນໜ້ອຍ ເພາະການຄວບຄຸມລາຄາ ອາຫານທີ່ດີ ຕ້ອງເບິ່ງທີ່ການສະໜອງ ວັດຖຸດິບຕາງຫາກ ແລະທັດສະນະອື່ນໆ.

ເຈົ້າຂອງຮ້ານເຝີແຊບ ບ້ານໜອງດ້ວງໃຕ້ ບ່ອນທີ່ຜູ້ຂຽນມັກໄປກິນ ເວົ້າດ້ວຍຄວາມສົງໄສວ່າ “ເປັນຫຍັງທາງລັດຖະບານບໍ່ລົງມາສໍ້ຖາມ ໂອ້ລົມນຳປະຊາຊົນແດ່ ຂ້ອຍຂາຍເຝີມາໄດ້ເກີນ 10 ປີແລ້ວ ເຫັນວ່າ ລາຄາຊີ້ນງົວ, ພືດຜັກ, ເຄື່ອງປຸງແຕ່ງອາຫານກໍເພີ່ມຂຶ້ນຊັກໃຊ້ ບວກກັບຄ່າແຮງ ງານກໍເພີ່ມຂຶ້ນຄືກັນ” ເຊິ່ງເພິ່ນຜູ້ນີ້ ຍັງເວົ້າຕໍ່ອີກວ່າ “ໃນປັດຈຸບັນຂາຍເຝີຖ້ວຍ ລະ 20,000 ພັນກີບ ກໍຍັງພໍຖູໄຖ ໄປໄດ້ ແຕ່ຖ້າຫຼຸດລາຄາລົງອີກ ຢ້ານບໍ່ເຫັນ ຮອດກຳໄລຄັກໆ” ວ່າຊັນ !.

- Wave100S AD to Website 2020 0 - ລາຄາມາດຕະຖານອາຫານຈານດ່ຽວ!

ຜູ້ຂຽນກໍອຸກໃຈແທນລັດຖະບານຄືກັນວ່າຈະເອົາໃຈໃຜດີ, ເມື່ອຖືກໃຈຝ່າຍຜູ້ບໍລິ ໂພກ ຜູ້ຂາຍພັດຈົ່ມວ່າ ແຕ່ຢູ່ໃນແຈ້ງການນີ້ ເພິ່ນກໍໄດ້ບອກວ່າ ກ່ອນຈະມີການ ປ່ຽນແປງລາຄາແຕ່ລະຄັ້ງ, ຜູ້ດຳເນີນທຸລະກິດຕ້ອງແຈ້ງເຫດຜົນ ບົນພື້ນຖານລາ ຄາວັດຖຸດິບໃນໂຄງປະກອບລາຄາທີ່ນຳມາປຸງແຕ່ງ ໃຫ້ພະແນນອຸດສາຫະກຳ ແລະການຄ້າ ນະຄອນຫຼວງວຽງຈັນເພື່ອພິຈາລະນາ ເພາະສະນັ້ນ ອາດເປັນ ການດີທີ່ພວກເຮົາຄວນມີຂໍ້ມູນທີ່ເປັນພື້ນຖານ ໃນການວິເຄາະວິໄຈຄັກແນ່ ກ່ອນຈະກຳນົດລາຄາ ເພາະລາຄາອາຫານ ກໍຄືກັນກັບສິນຄ້າປະເພດອື່ນ ທີ່ກ່ຽວຂ້ອງກັບຫຼາຍປັດໄຈ ແລະເງື່ອນໄຂ. ບາງທ່ານ ອາດຍອມຫຼຸດລາຄາ ເປັນ 15,000 ກີບຕາມແຈ້ງການຂອງລັດຖະບານ ແຕ່ເລື່ອງປະລິມານ ແລະຄຸນນະ ພາບນັ້ນກໍອາດຫຼຸດລົງເປັນເງົາຕາມຕົວ.

ແຕ່ຢ່າງໃດກໍດີ ເນື່ອງຈາກວ່ານີ້ເປັນການທົດລອງ ຢູ່ໃນຂອບເຂດນະຄອນ ຫຼວງວຽງຈັນ ເຊິ່ງເຊື່ອໝັ້ນວ່າ ແມ່ນ ການເລີ່ມຕົ້ນທີ່ດີຫຼາຍ ແລະຈາກການ ລິເລີ່ມນີ້ ຈະນຳມາເຊິ່ງບົດຮຽນ ແລະການຄວບຄຸມລາຄາອາຫານ ຈານດ່ຽວ ແລະອາຫານປະເພດອື່ນໆໄດ້ຢ່າງສົມເຫດສົມຜົນໃນຕໍ່ໜ້າ! ຂໍຊົມເຊີຍ

- WhatsApp Image 2020 05 27 at 5 - ລາຄາມາດຕະຖານອາຫານຈານດ່ຽວ!
- WhatsApp Image 2020 05 27 at 5 - ລາຄາມາດຕະຖານອາຫານຈານດ່ຽວ!
error: Alert: ເນື້ອຫາຂ່າວມີລິຂະສິດ !!