ປະທານ​ປະ​ເທດ​ຢ້ຽມຢາມບ້ານ​ທຸກ​ຍາກ​ຢູ່​ເມືອງ​ຈຳ​ພອນ

- president - ປະທານ​ປະ​ເທດ​ຢ້ຽມຢາມບ້ານ​ທຸກ​ຍາກ​ຢູ່​ເມືອງ​ຈຳ​ພອນ
- AGL banner - ປະທານ​ປະ​ເທດ​ຢ້ຽມຢາມບ້ານ​ທຸກ​ຍາກ​ຢູ່​ເມືອງ​ຈຳ​ພອນ

​ໃນ​ວັນ​ທີ 27 ພຶດສະພາຜ່ານ​ມາ​ນີ້, ທ່ານ ບຸນ​ຍັງ ວໍລະ​ຈິດ ປະທານ​ປະ​ເທດ​ແຫ່ງ ສປປ ລາວ ​ໄດ້​ລົງ​ຢ້ຽມຢາມ ​ແລະ ພົບ​ປະ​ປະຊາຊົນ​ຜູ້​ທຸກ​ຍາກ​ຈຳນວນ 27 ຄອບຄົວ ຢູ່​ບ້ານ​ຄຳ​ປ່າ​ແໜ ​ແລະ ບ້ານ​ປ່າ​ກ້ວຍ ​ເມືອງ​ຈຳ​ພອນ ​ແຂວງ​ສະຫວັນ​ນະ​ເຂດ ​ໂດຍ​​​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ​ຂອງ​ການ​ນຳ​ເມືອງ ​ແລະ ປະຊາຊົນ​ບ້ານ​ດັ່ງກ່າວ ​ເຊິ່ງ​ເປັນ​ບ້ານ​ທຸກ​ຍາກ​ທີ່​ໄດ້​ຮັບ​ການ​ຊ່ວຍ​ເຫລືອ​ຂອງ​ນັກທຸລະກິດ​ບໍລິສັດ​ອຸດົມ​ຊັບ​ແຮ່​ຊາຍ, ອຸດົມ​ຊັບ​ກໍ່ສ້າງ ​ແລະ ​ໂຮງງານ​ຜະລິດ​ນ້ຳກ້ອນ ​ແລະ ນ້ຳດື່ມ​ປາ​ໂລມາ​ຄຳ ​ເພື່ອ​ສ້າງ​ອາຊີບ ​ແລະ ປົວ​ແປງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ບ້ານ​ດັ່ງກ່າວ​ມາ​ແຕ່​ປີ 2015 ​ເຊິ່ງ​ໄດ້​ໃຊ້​ຊັບ​ງົບປະມານ​ຂອງ​ບໍລິສັດ 6 ຕື້ກວ່າ​ກີບ ຊ່ວຍ​ປະຊາຊົນ​ຜູ້​ທຸກ​ຍາກ ​ແລະ ຂໍທານ​ເຫລົ່ານັ້ນຫັນ​ມາ​ເຮັດ​ອາຊີ​ບທີ່​ໝັ້ນຄົງ. ປັດຈຸບັນ​ນີ້ ທັງ 27 ຄອບຄົວ​ໄດ້​ປະຖິ້ມອາຊີບ​ຂໍທານ​ມາ​ປູກຝັງ-ລ້ຽງສັດ​ສົ່ງ​ຂາຍ​ຕະຫລາດ. ພ້ອມ​ນັ້ນ ບໍລິສັດ​ດັ່ງກ່າວ​ຍັງ​ໄດ້​ຊ່ວຍ​ບຸກ​ເບີກ​ເນື້ອທີ່​ການ​ຜະລິດ, ສ້າງ​ເຮືອນ, ສ້າງ​ໂຮງຮຽນ ​ແລະ ອື່ນໆ​ໃຫ້​ເຂົາ​ເຈົ້າມີ​ເງື່ອນ​ໄຂ​ພັດທະນາ​ຕົນ​ເອງ.

​ໃນ​ໂອກາດ​ນີ້, ທ່ານ​ປະທານ​ປະ​ເທດ ​ໄດ້​ໃຫ້​ກຽດ​ໂອ້​ລົມ​ໃຫ້​ທິດ​ຊີ້​ນຳ​ອຳນາດ​ການ​ປົກຄອງ​ເມືອງ ສືບ​ຕໍ່​ສົມທົບ​ກັບ​ບໍລິສັດ​ທີ່​ໃກ້​ຄຽງ​ເຂົ້າຊ່ວຍ​ເຫລືອ​ຕື່ມ​ອີກ ​ເພາະວ່າ​ໃນ​ປັດຈຸບັນ​ຢູ່​ເຂດ​ດັ່ງກ່າວ​ກຳລັງ​ເກີດ​ໜໍ່​ແໜງ​ໃຫ້​ປະຊາຊົນ​ຮູ້​ການ​ປູກຝັງ, ລ້ຽງສັດ ​ເພື່ອ​ຮັບປະກັນ​ໃຫ້​ເຂົາ​ເຈົ້າກຸ້ມ​ກິນ ​ແລະ ມີ​ຊີວິດ​ການ​ເປັນ​ຢູ່ດີ​ຂຶ້ນ.

- Wave100S AD to Website 2020 0 - ປະທານ​ປະ​ເທດ​ຢ້ຽມຢາມບ້ານ​ທຸກ​ຍາກ​ຢູ່​ເມືອງ​ຈຳ​ພອນ
- lattana banner - ປະທານ​ປະ​ເທດ​ຢ້ຽມຢາມບ້ານ​ທຸກ​ຍາກ​ຢູ່​ເມືອງ​ຈຳ​ພອນ
- lattana banner 1 - ປະທານ​ປະ​ເທດ​ຢ້ຽມຢາມບ້ານ​ທຸກ​ຍາກ​ຢູ່​ເມືອງ​ຈຳ​ພອນ
-    AD conten website - ປະທານ​ປະ​ເທດ​ຢ້ຽມຢາມບ້ານ​ທຸກ​ຍາກ​ຢູ່​ເມືອງ​ຈຳ​ພອນ
error: Alert: ເນື້ອຫາຂ່າວມີລິຂະສິດ !!