ສະຫວັນນະ​ເຂດສັ່ງຫ້າມບໍລິສັດຊັນ​ເປເປີ ​ປ່ອຍ​ນ້ຳ​ເສຍ​ຊະຊາຍ

- sun paper - ສະຫວັນນະ​ເຂດສັ່ງຫ້າມບໍລິສັດຊັນ​ເປເປີ ​ປ່ອຍ​ນ້ຳ​ເສຍ​ຊະຊາຍ
- AGL banner - ສະຫວັນນະ​ເຂດສັ່ງຫ້າມບໍລິສັດຊັນ​ເປເປີ ​ປ່ອຍ​ນ້ຳ​ເສຍ​ຊະຊາຍ

​​ແຂວງສະຫວັນ​ນະ​ເຂດ, ​ໄດ້ສັ່ງ​ໃຫ້​ໂຮງງານຊັນ​​ເປ​ເປີ ຕັ້ງ​ຢູ່​​ເມືອງ​ເຊ​ໂປ​ນ ​ແຂວງ​ດັ່ງກ່າວ, ​ເລັ່ງປັບປຸງບັນຫາ​ສິ່ງ​ແວດ​ລ້ອມ​ໃຫ້​ດີ​ ​ແລະ ຊົດ​ໃຊ້​ແທນ​ຄ່າ​ເສຍ​ຫາຍ​ໃຫ້​​ແກ່ປະຊາຊົນ, ຫລັງຈາກ​ໂຮງງານ​ດັ່ງກ່າວ​ໄດ້​​ປ່ອຍ​ນ້ຳ​ເສຍ​ລົງ​ສູ່​ຫ້ວຍນ້ຳ​ເ​ຂດ​ໃກ້​ຄຽງ, ​ເຮັດ​ໃຫ້​ສັດລ້ຽງຂອງ​ປະຊາຊົນ​ປະ​ເພດ​ງົວ-ຄວາຍ ​ແລະ ປາ​ ຕາຍ​ເປັນ​ຈຳນວນ​ຫລາຍ.

​ ຫ້ອງການ​ສິ່ງ​ແວດ​ລ້ອມ​ເມືອງ​ດັ່ງກ່າວ​ ໃຫ້​ຮູ້​ວ່າ: ​ໂຮງງານດັ່ງກ່າວເປັນ​ໂຮງງານ​ຜະລິດ​ເຈ້ຍ, ​ໂດຍ​ແມ່ນ​ການ​ລົງທຶນ​ຂອງ​ນັກທຸລະກິດ​ຈີນ ມີ​ເນື້ອທີ່​ສຳ​ປະທານ​ຫລາຍກວ່າ 100 ​ເຮັກຕາ, ປັດຈຸບັນ​​ກຳລັງ​ເລັ່ງກໍ່ສ້າງ​ໃຫ້​ສຳ​ເລັດ ​ແລະ ກ່ອນໜ້ານີ້ຄື: ວັນ​ທີ 10 ພຶດສະພາ​​ໄດ້​ເກີດ​ມີ​ຝົນຕົກ​ ​ແລະ ​ເຮັດ​ໃຫ້​ນ້ຳຈາກ​ໂຮງງານ​ໄຫລ​ລົງ​ສູ່​ຫ້ວຍ​ນ້ຳ​ເປັນ​ບໍລິ​ເວນ​ກ້ວາງ ສົ່ງ​ຜົນ​ໃຫ້​ສັດລ້ຽງຂອງ​ປະຊາຊົນ​ຕາຍ​ເປັນ​ຈຳນວນ​ຫລາຍ. ຕໍ່ມາທາງພະ​ແນ​ກກ່ຽວຂ້ອງຮ່ວມກັບອຳນາດການປົກຄອງເມືອງເຊໂປນ ແລະ ພາກສ່ວນທີ່ກ່ຽວຂ້ອງໄດ້ລົງມາກວດກາບັນຫາການຄຸ້ມຄອງວຽກງານສິ່ງແວດລ້ອມພາຍໃນໂຮງງານ​ແຫ່ງ​ດັ່ງກ່າວ ແລະ ພົບ​ວ່າລະບົບລະບາຍນໍ້າພາຍໃນໂຮງງານຍັງປ່ອຍໄປຕາມທຳມະຊາດ ແລະ ລະບົບບໍາບັດນໍ້າເປື້ອນຂອງບໍລິສັດຍັງບໍ່ທັນ​ເຮັດສຳເລັດ, ຈຶ່ງເຮັດໃຫ້ສິ່ງເສດເຫລືອຈາກການກໍ່ສ້າງທີ່ຍັງປະໄວ້ຢ່າງບໍ່ເປັນລະບຽບ ກໍ່​ໃຫ້​ເກີດ​ມີນໍ້າເປື້ອນສີແດງ​ໄຫລ​ລົງ​ສູ່​ຫ້ວຍ​ນ້ຳ ແລະ ຜ່ານການວັດແທກພົບວ່າຄ່າອົກຊີເຈນທີ່ລະລາຍໃນນໍ້າ (DO) ວັດແທກໄດ້ 3,90 ເຊິ່ງຕໍ່າກວ່າເກນມາດຕະຖານແຫ່ງຊາດທີ່ກົດໝາຍກຳນົດ, ຕໍ່ບັນຫາດັ່ງກ່າວທາງແຂວງກໍໄດ້ສະເໜີໃຫ້ບໍລິສັດແກ້ໄຂບັນຫານໍ້າເປື້ອນທີ່ເກີດຂຶ້ນຢ່າງ​ຮີບ​ດ່ວນ ແລະ ຫ້າມປ່ອຍນໍ້າລົງສູ່ແຫລ່ງນໍ້າທຳມະຊາດຢ່າງ​ເດັດ​ຂາດ ​ແລະ ບໍລິສັດຕ້ອງໄດ້ຊອກວິທີແກ້ໄຂ ເພື່ອບໍ່ໃຫ້ສົ່ງ​ຜົນ​ກະທົບ​ຮ້າຍ​ແຮງ​ຕໍ່ສັງຄົມ ​ແລະ ສິ່ງ​ແວດ​ລ້ອມ. ນອກນັ້ນ, ບໍລິສັດຕ້ອງຮັບປະກັນການບຳບັດ ແລະ ການປ່ອຍນໍ້າເປື້ອນໃຫ້ໄດ້ຕາມມາດຕະຖານສິ່ງແວດລ້ອມກຳນົດໄວ້.

- Wave100S AD to Website 2020 0 - ສະຫວັນນະ​ເຂດສັ່ງຫ້າມບໍລິສັດຊັນ​ເປເປີ ​ປ່ອຍ​ນ້ຳ​ເສຍ​ຊະຊາຍ
- lattana banner 1 - ສະຫວັນນະ​ເຂດສັ່ງຫ້າມບໍລິສັດຊັນ​ເປເປີ ​ປ່ອຍ​ນ້ຳ​ເສຍ​ຊະຊາຍ
- lattana banner - ສະຫວັນນະ​ເຂດສັ່ງຫ້າມບໍລິສັດຊັນ​ເປເປີ ​ປ່ອຍ​ນ້ຳ​ເສຍ​ຊະຊາຍ
-    AD conten website - ສະຫວັນນະ​ເຂດສັ່ງຫ້າມບໍລິສັດຊັນ​ເປເປີ ​ປ່ອຍ​ນ້ຳ​ເສຍ​ຊະຊາຍ
error: Alert: ເນື້ອຫາຂ່າວມີລິຂະສິດ !!