ກະຊວງການເງິນປັບປຸງດຳລັດວ່າດ້ວຍຄັງສະສົມແຫ່ງລັດ.

- finance 1 - ກະຊວງການເງິນປັບປຸງດຳລັດວ່າດ້ວຍຄັງສະສົມແຫ່ງລັດ.
- AGL banner - ກະຊວງການເງິນປັບປຸງດຳລັດວ່າດ້ວຍຄັງສະສົມແຫ່ງລັດ.

ກະຊວງການເງິນ, ພວມເລັ່ງປັບປຸງດໍາລັດວ່າດ້ວຍຄັງສະສົມແຫ່ງລັດໃຫ້ມີເນື້ອໃນຮັດກຸມກວ່າເກົ່າ, ພາຍຫລັງພົບວ່າການນໍາໃຊ້ດໍາລັດດັ່ງກ່າວໃນໄລຍະຜ່ານມາຍັງມີຂໍ້ຫຍຸ້ງຍາກ ແລະ ບໍ່ສອດຄ່ອງກັບຄວາມຮຽກຮ້ອງຕ້ອງການຕົວຈິງຂອງວຽກງານ ແລະ ເມື່ອບໍ່ດົນມານີ້, ກະຊວງການເງິນກໍໄດ້ຈັດກອງປະຊຸມເປີດກວ້າງເພື່ອລະດົມຄຳຄິດເຫັນໃສ່ຮ່າງຄຳແນະນຳການຈັດຕັ້ງປະຕິບັດດຳລັດດັ່ງກ່າວ, ໂດຍການເປັນປະທານຂອງທ່ານນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ ແລະ ພາກສ່ວນກ່ຽວຂ້ອງຕ່າງໆເຂົ້າຮ່ວມ.

ຫົວໜ້າກົມສະສົມແຫ່ງລັດ ໃຫ້ຮູ້ວ່າ: ດຳລັດວ່າດ້ວຍຄັງສະສົມແຫ່ງລັດສ້າງຂຶ້ນໃນປີ 2013 ເພື່ອເປັນເຄື່ອງມືໃນການຄຸ້ມຄອງ, ຕິດຕາມກວດກາ ແລະ ນຳໃຊ້ຄັງສະສົມແຫ່ງລັດໃຫ້ມີຄວາມຖືກຕ້ອງເປັນເອກະພາບ ແລະ ສອດຄ່ອງກັບກົດໝາຍ, ທັງຕອບສະໜອງຄວາມຮຽກຮ້ອງຕ້ອງການອັນຈຳເປັນຮີບດ່ວນໃນເວລາເກີດເຫດການ ຫລື ໄພພິບັດ, ເພື່ອແນໃສ່ຮັບປະກັນສະຖຽນລະພາບທາງດ້ານເສດຖະກິດ ແລະ ແກ້ໄຂຊີວິດການເປັນຢູ່ຂອງປະຊາຊົນບັນດາເຜົ່າດີຂຶ້ນ, ສ້າງເງື່ອນໄຂອຳນວຍໃຫ້ແກ່ການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດສາມາດບັນລຸຕາມຄາດໝາຍກຳນົດໄວ້ ແລະ ຜ່ານການຈັດຕັ້ງປະຕິບັດດຳລັດດັ່ງກ່າວໃນຜ່ານມາເຫັນວ່າຮັບປະກັນໄດ້ຜົນປະໂຫຍດລວມຂອງຊາດ ແລະ ເປັນບ່ອນອີງສຳຄັນໃຫ້ແກ່ການຄຸ້ມຄອງຄັງສະສົມແຫ່ງລັດ, ຄຽງຄູ່ກັນນັ້ນກໍເຫັນວ່າຍັງມີບາງມາດຕາຂອງດຳລັດນີ້ມີຫລາຍຂອດຫລາຍຂັ້ນໃນການຕົກລົງນຳໃຊ້ຄັງສະສົມແຫ່ງລັດ, ຊຶ່ງເຮັດໃຫ້ການຈັດຕັ້ງປະຕິບັດການຊ່ວຍເຫລືອຜູ້ປະສົບໄພພິບັດບໍ່ທັນສະພາບການໃນກໍລະນີເກີດເຫດການ ຫລື ໄພພິບັດ. ສະນັ້ນຈຶ່ງມີຄວາມຈຳເປັນຕ້ອງໄດ້ປັບປຸງເພື່ອໃຫ້ສອດຄ່ອງກັບກົດໝາຍ ແລະ ນິຕິກຳອື່ນໆ, ແນໃສ່ນຳໃຊ້ຄັງສະສົມແຫ່ງລັດໃຫ້ມີຄວາມເໝາະສົມ, ປະຢັດ ແລະ ມີປະສິດທິຜົນ, ທັງປັບປຸງແຫລ່ງລາຍຮັບຂອງຄັງສະສົມແຫ່ງລັດມີຄວາມເຕີບໃຫຍ່ເຂັ້ມແຂງຂຶ້ນ.

- Wave100S AD to Website 2020 0 - ກະຊວງການເງິນປັບປຸງດຳລັດວ່າດ້ວຍຄັງສະສົມແຫ່ງລັດ.
- lattana banner 1 - ກະຊວງການເງິນປັບປຸງດຳລັດວ່າດ້ວຍຄັງສະສົມແຫ່ງລັດ.
- lattana banner - ກະຊວງການເງິນປັບປຸງດຳລັດວ່າດ້ວຍຄັງສະສົມແຫ່ງລັດ.
-    AD conten website - ກະຊວງການເງິນປັບປຸງດຳລັດວ່າດ້ວຍຄັງສະສົມແຫ່ງລັດ.
error: Alert: ເນື້ອຫາຂ່າວມີລິຂະສິດ !!