ເຮັດວຽກໜັກແຕ່ສຸຂະພາບກໍແຂງແຮງໄດ້

- 033005 2018 - ເຮັດວຽກໜັກແຕ່ສຸຂະພາບກໍແຂງແຮງໄດ້
- AGL banner - ເຮັດວຽກໜັກແຕ່ສຸຂະພາບກໍແຂງແຮງໄດ້

ກິດຈະກຳຫລວງຫລາຍ ທັງຮຽນທັງເຮັດວຽກ ບາງເທື່ອກໍໜັກຈົນຮ່າງກາຍກໍຄົງບໍ່ໄຫວ, ແຕ່ເຄັດລັບຕໍ່ໄປນີ້ຊ່ວຍທ່ານໄດ້.

  1. ກິນອາຫານລົດຊາດກາງໆ ຫລື ຈືດເປັນເຂົ້າເຊົ້າ : ເພາະລຳໄສ້ຫາກໍຕື່ນຈາກການພັກຜ່ອນ ຖ້າຖືກປຸກດ້ວຍອາຫານເຜັດໆ ລະວັງຈະເຈັບທ້ອງຈົນບໍ່ສາມາດເຮັດວຽກໄດ້.
  2. ຫລັງຈາກກິນເຂົ້າສວາຍຢ່າລືມກິນໝາກນັດ ຫລື ໝາກມ່ວງສົ້ມໆ : ເພື່ອໃຫ້ຮ່າງກາຍສົດຊື່ນ ເພາະລົດຊາດສົ້ມມີສັບພະຄຸນຊ່ວຍກະຕຸ້ນໃຫ້ຮ່າງກາຍຕື່ນໂຕ.
  3. ກ່າວຄຳອຳລາກາເຟຈອກມັກໃນຕອນບ່າຍ : ເພາະຈະສົ່ງຜົນໃຫ້ນອນບໍ່ຫລັບໃນຕອນກາງຄືນ.
  4. ຕ້ອງບໍ່ຂາດຜັກ ແລະ ໝາກໄມ້ : ເພາະວິຕາມິນ, ເກືອແຮ່, ໄຍອາຫານທີ່ມີຢູ່ໃນຜັກ ແລະ ໝາກໄມ້ແມ່ນອຸປະກອນເພີ່ມຄວາມສົດຊື່ນທີ່ຮ່າງກາຍຂອງທ່ານຕ້ອງການທັງໝົດ ທັງຍັງຊ່ວຍຮ່າງກາຍສ້າງຮໍໂມນລະງັບຄວາມເຄັ່ງຄຽດໄດ້ນຳອີກ.
  5. ແມ່ຍິງເຮັດວຽກຫລາຍບາງຄົນບໍ່ມີເວລາອອກກຳລັງກາຍຈົນໄຂມັນ ແລະ ຄໍເລສເຕີໂຣນອັດແໜ້ນ : ຄວນກິນປາທີ່ມີໂອເມກ້າ 3 ເປັນປະຈຳ ເພາະຈະຊ່ວຍສະຫລາຍໄຂມັນໃນເສັ້ນເລືອດ ທັງຍັງຊ່ວຍຫລຸດອາການປວດປະຈຳເດືອນທີ່ເຮັດໃຫ້ເຮົາໝຸດໝັດທໍລະມານທຸກໆເດືອນໄດ້ນຳອີກ.
  6. ເວລາເປັນປະຈຳເດືອນ : ຮ່າງກາຍຈະເສຍທາດການຊຽມ ແລະ ທາດເຫລັກໄປຫລາຍ ຈຶ່ງຕ້ອງເອີ້ນຄວາມສົດຊື່ນຄືນມານຳ ການກິນອາຫານທີ່ມີວິຕາມິນເຊ ແລະ ທາດເຫລັກທົດແທນ ເຊັ່ນ : ຜັກຕຳນິນ, ຜັກກາດນາ, ນົມ, ປາ ຈະຊ່ວຍທ່ານໄດ້.
  7. ເຂົ້າສວາຍເປັນຄາບທີ່ຄົນຮຽນຫລາຍຈະຕ້ອງຫລີກເວັ້ນອາຫານເຄັມໆເຜັດໆ : ເພາະໄຂມັນ ແລະ ເກືອຈະຖືກສະສົມໄວ້ ເຮັດໃຫ້ສະໝອງອິດເມື່ອຍ ສັບສົນມຶນງົງ, ຄິດຄຳນວນຫຍັງບໍ່ຄ່ອຍດີ.
- Wave100S AD to Website 2020 0 - ເຮັດວຽກໜັກແຕ່ສຸຂະພາບກໍແຂງແຮງໄດ້
- lattana banner - ເຮັດວຽກໜັກແຕ່ສຸຂະພາບກໍແຂງແຮງໄດ້
- lattana banner 1 - ເຮັດວຽກໜັກແຕ່ສຸຂະພາບກໍແຂງແຮງໄດ້
-    AD conten website - ເຮັດວຽກໜັກແຕ່ສຸຂະພາບກໍແຂງແຮງໄດ້
error: Alert: ເນື້ອຫາຂ່າວມີລິຂະສິດ !!