ຢູ່ຄົນດຽວໃຫ້ມີຄວາມສຸກ

- 013005 2018 - ຢູ່ຄົນດຽວໃຫ້ມີຄວາມສຸກ
- AGL banner - ຢູ່ຄົນດຽວໃຫ້ມີຄວາມສຸກ

     – ທ່ານໄດ້ຜ່ອນຄາຍ : ເພາະມັນໃຫ້ໂອກາດທ່ານວາງປັນຫາ ຕ່າງໆໄດ້ຊົ່ວຄາວ ແລະ ຮູ້ສຶກສະບາຍໆກັບໂຕເອງ.

     – ທ່ານຮຽນຮູ້ທີ່ຈະເປັນອິດສະຫລະ : ການເພິ່ງພາໂຕເອງແມ່ນເປົ້າໝາຍອັນຄວນຄ່າ ແລະ ເຂົ້າໃກ້ມັນໃຫ້ຫລາຍຂຶ້ນ ໂດຍ ການເພີ່ມເວລາຢູ່ກັບໂຕເອງຄົນດຽວ ຫລື ໂດຍການເປັນເອກະລາດທາງເວລາ.

– ຄວາມຄິດ ແລະ ການໃຊ້ຊີວິດ : ຈະພັດທະນາສຳນຶກທີ່ໝັ້ນຄົງຕໍ່ໂຕເອງ ແລະ ວິທີທີ່ທ່ານຈັດການກັບສິ່ງຕ່າງໆ ຈະບໍ່ມີຫຍັງທີ່ທ່ານບໍ່ສາມາດເຮັດໄດ້ອີກຕໍ່ໄປ.

     – ທ່ານຈະເບິ່ງສິ່ງຕ່າງໆຈະແຈ້ງຂຶ້ນ : ການເບິ່ງເວລາໃນແຕ່ລະມື້, ອາທິດ ແລະ ແຕ່ລະປີເປັນການຄຳນຶງວ່າຊີວິດຂອງທ່ານກຳລັງມຸ້ງໜ້າໄປທາງໃດ ແລະ ເມື່ອປາສະຈາກອິດທິພົນຈາກຄົນອື່ນ ທ່ານກໍຈະເປັນອິດສະຫລະທີ່ຈະປະເມີນໄດ້ວ່າແມ່ນຫຍັງສຳຄັນຕໍ່ທ່ານ ວຽກງານ, ໝູ່ເພື່ອນ ຫລື ຄົນຮັກ ແລະ ສາມາດວາງໂຕເທິງເສັ້ນທາງທີ່ເໝາະສົມ.

     – ທ່ານຈະເພີດເພີນກັບການຢູ່ກັບຄົນອື່ນຫລາຍຂຶ້ນ : ຖ້າທ່ານບໍ່ຄ່ອຍນິຍົມຢູ່ກັບໂຕເອງຫລາຍ ຢ່າງໜ້ອຍກໍລອງຄິດເບິ່ງວ່າຫລັງຈາກຢູ່ຄົນດຽວ ການຢູ່ກັບຄົນອື່ນຈະມີຄວາມໝາຍຫລາຍຂຶ້ນ ແລະ ໄລຍະເວລາທີ່ມ່ວນຊື່ນກັບໝູ່ກໍຈະຍິ່ງມີຄ່າຫລາຍຂຶ້ນ.

     – ທ່ານໄດ້ເຮັດສິ່ງທີ່ຕົນເອງຢາກເຮັດ : ບາງເທື່ອພາກສ່ວນທີ່ດີທີ່ສຸດຂອງການຢູ່ຄົນດຽວກໍຄື : ທ່ານຈະໄດ້ເລືອກຮູບເງົາທີ່ຢາກເບິ່ງ, ກິນອາຫານທີ່ຢາກກິນ, ເມື່ອຄົນອື່ນຢູ່ກັບທ່ານ ພວກເຂົາກໍຈະມີອິດທິພົນຕໍ່ລາຍລະອຽດຂອງຊີວິດທ່ານໃນບາງລະດັບ ນັບແຕ່ຮ້ານອາຫານທີ່ຈະກິນໄປຈົນເຖິງການຕັດຜົມຊົງໃໝ່. ເມື່ອບໍ່ຕ້ອງຕອບຄຳຖາມໃຜ ແລະ ບໍ່ຕ້ອງໃສ່ໃຈຄວາມຮູ້ສຶກຂອງໃຜ ເວລາຢູ່ຄົນດຽວກໍແມ່ນໂອກາດທີ່ຈະເຮັດທຸກຢ່າງທີ່ທ່ານມັກໄດ້ຕາມໃຈ.

- Wave100S AD to Website 2020 0 - ຢູ່ຄົນດຽວໃຫ້ມີຄວາມສຸກ

     – ອອກກຳລັງກາຍ : ການອອກກຳລັງກາງແຈ້ງທີ່ພາທ່ານໄປໃສຈັກແຫ່ງ ເຊັ່ນ : ແລ່ນ, ຍ່າງ, ຂີ່ລົດຖີບ, ຕີກ໊ອຟ ຫລື ຂີ່ມ້າ ຈະໃຫ້ຄວາມສົດຊື່ນເປັນພິເສດ ເພາະມັນໃຫ້ຄວາມຮູ້ສຶກເປັນອິດສະຫລະຢ່າງແທ້ຈິງ.

     – ໄປເລາະເບິ່ງສິ່ງຕ່າງໆໄດ້ : ໄປເບິ່ງເຄື່ອງຕົບແຕ່ງເຮືອນ ຫລື ແມ່ນແຕ່ເຄື່ອງນຸ່ງໃໝ່ໆ ຖ້າທ່ານສົນໃຈຫຍັງເປັນພິເສດກໍໃຊ້ເວລາໝົດມື້ຈົມຢູ່ກັບມັນໄດ້ຕາມສະບາຍ, ເຂົ້າຫາທຳມະຊາດ, ໄປສວນສາທາລະນະ, ຫາມຸມສະບາຍໆທີ່ຈະບໍ່ພົບຄົນຮູ້ຈັກຊື່ນຊົມ ໄປກັບສະພາບແວດລ້ອມ ແລະ ພະຍາຍາມບໍ່ຄິດເຖິງຫຍັງເລີຍ.

     – ຢູ່ເຮືອນ, ປິດໂທລະສັບ ແລະ ເຮັດຫຍັງກໍຕາມທີ່ຕ້ອງເຮັດແຕ່ບໍ່ມີເວລາໄດ້ເຮັດຈັກເທື່ອ :  ນັບແຕ່ກວາດເຮືອນ ໄປຈົນເຖິງລ້າງລົດ, ເຮັດຫຍັງໃຫ້ສຳເລັດຈັກຢ່າງ ສິ່ງທີ່ດີສຸດກໍຄື : ເມື່ອທ່ານເຮັດມັນສຳເລັດລົງ ທ່ານຈະໄດ້ຄວາມອີ່ມໃຈທີ່ສາມາດຈັດການຂີດຂ້າລາຍການທີ່ຕ້ອງເຮັດອອກໄປໄດ້ເທື່ອລະຢ່າງ ຫລື ສອງຢ່າງໃນທີ່ສຸດ.

     – ເຮັດວຽກສ້າງສັນ : ຢ່າກັງວົນວ່າຕ້ອງເກັ່ງໃນສິ່ງເຫລົ່ານັ້ນ ພຽງແຕ່ມ່ວນໄປກັບການໄດ້ແຕ້ມຮູບ, ຖ່າຍຮູບ ຫລື ຫລິ້ນດົນຕີທີ່ບໍ່ໄດ້ຫລິ້ນມາດົນກໍພໍແລ້ວ.

ບໍ່ວ່າທ່ານຈະເລີ່ມການຢູ່ຄົນດຽວໂດຍການຫລີກລີ້ໜີຄົນອື່ຕະຫລອດທ້າຍອາທິດ ພຽງແຕ່ບອກໂຕເອງວ່າຮອດຍາມຫາເວລາໃຫ້ໂຕເອງ ແລ້ວຢຸດຄິດວ່າໂລກຈະເປັນແນວໃດເມື່ອບໍ່ມີຄົນອື່ນ, ແຕ່ໃຫ້ຄິດໃໝ່ວ່າທ່ານອາດຄົ້ນພົບໂຕຕົນທີ່ແທ້ຈິງຂອງໂຕເອງໄດ້ໃນເວລານີ້.

-    AD conten website - ຢູ່ຄົນດຽວໃຫ້ມີຄວາມສຸກ
- lattana banner 1 - ຢູ່ຄົນດຽວໃຫ້ມີຄວາມສຸກ
- lattana banner - ຢູ່ຄົນດຽວໃຫ້ມີຄວາມສຸກ
error: Alert: ເນື້ອຫາຂ່າວມີລິຂະສິດ !!