ສິງກະໂປແອລາຍຈະຮື້ຟື້ນຖ້ຽວບິນ ໄກທີ່ສຸດໃນໂລກອີກເທື່ອໜຶ່ງ

- 1527670227215 960x0 - ສິງກະໂປແອລາຍຈະຮື້ຟື້ນຖ້ຽວບິນ ໄກທີ່ສຸດໃນໂລກອີກເທື່ອໜຶ່ງ
- AGL banner - ສິງກະໂປແອລາຍຈະຮື້ຟື້ນຖ້ຽວບິນ ໄກທີ່ສຸດໃນໂລກອີກເທື່ອໜຶ່ງ

ສາຍ​ການບິນ​ສິງກະ​ໂປ​ແອ​ລາຍ​ຂອງ​ສິງກະ​ໂປ​ເປີດ​ເຜີຍ​ວ່າ: ຈະ​ຮື້ຟື້ນຖ້ຽວ​ບິນ​ການ​ຄ້າ​ທີ່​ເປັນ​ຖ້ຽວ​ບິນ​ໄກ​ທີ່​ສຸດ​ໃນ​ໂລກ​ອີກ​ເທື່ອ​ໜຶ່ງ​ໃນ​ເດືອນ​ຕຸລາ​ນີ້ ​ເປັນ​ຖ້ຽວ​ບິນຕົງສິງກະ​ໂປ-ນິວຢອກ ​ໄລຍະ​ເວລາ​ເດີນທາງ​ເກືອບ 19 ຊົ່ວ​ໂມງ.

ສິງກະ​ໂປ​ແອ​ລາຍ​ປະກາດ​ວ່າ: ຖ້ຽວ​ບິນ​ຈາກ​ສິງກະ​ໂປ​ໄປ​ສະໜາມ​ບິນ​ສາກົນ​ນິວຢອກ​ຈະ​ໃຫ້​ບໍລິການ​ທຸກ​ວັນ ​ໃຊ້​ເວລາ​ເດີນທາງ 18 ຊົ່ວ​ໂມງ 45 ນາທີ ​ໄລຍະ​ທາງ​ບິນ 16.700 ກິ​ໂລ​ແມັດ ຈະ​ເປັນ​ຖ້ຽວ​ບິນ​ໄກ​ທີ່​ສຸດ​ໃນ​ໂລກ ​ໄກ​ກວ່າ​ຖ້ຽວ​ບິນ​ຈາກ​ອອກ​ແລນ​ຂອງ​ນູ​ແວນ​ເຊ​ລັງ​ໄປ​ນະຄອນຫລວງ​ໂດ​ຮາ​ຂອງ​ກາ​ຕາທີ່​ສາຍ​ການບິນ​ກາ​ຕາ​ແອ​ລາຍ​ໃຫ້​ບໍລິການ​ຢູ່​ໃນ​ປັດຈຸບັນ ​ເຊິ່ງ​ໃຊ້​ເວລາ​ເດີນທາງ 17 ຊົ່ວ​ໂມງ 40 ນາທີ.

ຖ້ຽວ​ບິນ​ສິງກະ​ໂປ-ນິວຢອກ​ຈະ​ໃຊ້​ເຮືອບິນ​ແອ​ຣບັສ A350-900ULR ຮອງ​ຮັບ​ຜູ້​ໂດຍສານ​ໄດ້ 161 ຄົນ ​ແບ່ງ​ເປັນ 67 ຄົນ​ໃນ​ຊັ້ນທຸລະ​ກິດ ​ແລະ 94 ຄົນ​ໃນ​ຊັ້ນປະຢັດ​ພິ​ເສດ. ສິງກະ​ໂປ​ແອ​ລາຍ​ເຄີຍ​ມີ​ບໍລິການ​ຖ້ຽວ​ບິນ​ນີ້​ນັບ​ແຕ່​ປີ 2004 ​ແຕ່​ໄດ້​ຍົກ​ເລີກ​ໄປ​ໃນ​ປີ 2013 ​​ເພາະ​ລາຍ​ຮັບ​ຕໍ່າ​ກວ່າ​ການ​ຄາດ​ຄະ​ເນ. ຫລ້າ​ສຸດ​ຕັດສິນ​ໃຈຮື້ຟື້ນຖ້ຽວ​ບິນ​ນີ້ ​ເພາະ​ຄຳນວນ​ແລ້ວ​ວ່າ​ຖ້ຽວ​ບິນ​ໄກ​ສ້າງ​ລາຍ​ຮັບ​ໄດ້​ຫລາຍ​ກວ່າ​ຖ້ຽວ​ບິນ​ທີ່​ຕ້ອງ​ແວ່​ພັກ. ນອກຈາກ​ນີ້ ຍັງ​ກຽມ​ເປີດ​ຖ້ຽວ​ບິນ​ສິງກະ​ໂປ-ລອສ​ແອນ​ເຈ​ລິ​ສ ​ໂດຍ​ໃຊ້​ເຮືອບິນ​ແບບ​ດຽວ​ກັນ.

- Wave100S AD to Website 2020 0 - ສິງກະໂປແອລາຍຈະຮື້ຟື້ນຖ້ຽວບິນ ໄກທີ່ສຸດໃນໂລກອີກເທື່ອໜຶ່ງ
- lattana banner 1 - ສິງກະໂປແອລາຍຈະຮື້ຟື້ນຖ້ຽວບິນ ໄກທີ່ສຸດໃນໂລກອີກເທື່ອໜຶ່ງ
-    AD conten website - ສິງກະໂປແອລາຍຈະຮື້ຟື້ນຖ້ຽວບິນ ໄກທີ່ສຸດໃນໂລກອີກເທື່ອໜຶ່ງ
- lattana banner - ສິງກະໂປແອລາຍຈະຮື້ຟື້ນຖ້ຽວບິນ ໄກທີ່ສຸດໃນໂລກອີກເທື່ອໜຶ່ງ
error: Alert: ເນື້ອຫາຂ່າວມີລິຂະສິດ !!