ຜົນງານດີຕໍ່ເນື່ອງ ລົດແກ້ວ ອິນທະກຸມມານ

- 33889414 784591628418079 5943817228188123136 n - ຜົນງານດີຕໍ່ເນື່ອງ ລົດແກ້ວ ອິນທະກຸມມານ
- Untitled design - ຜົນງານດີຕໍ່ເນື່ອງ ລົດແກ້ວ ອິນທະກຸມມານ

ນາງ ລົດແກ້ວ ອິນທະກຸມມານ ນັກກິລາທີມຊາດລາວ ມີຜົນງານດີຢ່າງຕໍ່ເນື່ອງ ເຊິ່ງຫລ້າສຸດສາມາດຍາດໄດ້ອັນດັບທີ 1 ໃນລາຍການແລ່ນສະມາທິ ວັນວິສາຄະບູຊາ ທີ່ແຂວງຂອນແກ່ນ ປະເທດໄທ ປະເພດຍິງທົ່ວໄປ (Inter) 10.5 ກິໂລແມັດ ເຊິ່ງຂຶ້ນໃນວັນທີ 29 ພຶດສະພາຜ່ານມານີ້.

ການແຂ່ງຂັນຄັ້ງນີ້ເປັນຄັ້ງທຳອິດ ມີນັກກິລາເຂົ້າຮ່ວມ 3 ໝື່ນກວ່າຄົນ ແລະ ນາງ ລົດແກ້ວ ອິນທະກຸມມານ ສາມາດຍາດຂັນຊະນະເລີດມາຄອງ ດ້ວຍເວລາ 40 ນາທີ 30 ວິນາທີ ເອົາຊະນະອັນດັບ 2 ນັກກິລາເຈົ້າພາບເກືອບ 2 ນາທີ.

ນາງ ລົດແກ້ວ ອິນທະກຸມມານ ຍາດໄດ້ຂັນຊະນະເລີດເປັນລາຍການທີ 2 ຕິດຕໍ່ກັນ ຕໍ່ຈາກລາຍການ ອຸດອນທານີ ຮາຟມາຣາທອນ 2018 ໃນວັນທີ 27 ພຶດສະພາຜ່ານມາ. ສໍາລັບລາຍການຕໍ່ໄປ ລົດແກ້ວ ອິນທະກຸມມານ ໄດ້ສະໝັກໄວ້ 2 ລາຍການຄື: ທີ່ພະນົມເປັນ ປະເທດກຳປູເຈຍ ແລະ ແຂວງບຶງການ ປະເທດໄທ ໃນວັນທີ 17 ມິຖຸນາ 2018. ນອກຈາກນີ້ ຍັງຈະເຂົ້າຮ່ວມລາຍການ ອຸບົນຣາຊທານີ ໃນວັນທີ 27 ກໍລະກົດ 2018.

- Wave100S AD to Website 2020 0 - ຜົນງານດີຕໍ່ເນື່ອງ ລົດແກ້ວ ອິນທະກຸມມານ
- WhatsApp Image 2020 05 27 at 5 - ຜົນງານດີຕໍ່ເນື່ອງ ລົດແກ້ວ ອິນທະກຸມມານ
- WhatsApp Image 2020 05 27 at 5 - ຜົນງານດີຕໍ່ເນື່ອງ ລົດແກ້ວ ອິນທະກຸມມານ
error: Alert: ເນື້ອຫາຂ່າວມີລິຂະສິດ !!