ແລ່ນ 31 ຂາສາມັກຄີ ສະຫລອງວັນເດັກນ້ອຍສາກົນ

- 33900828 784591825084726 891843890225610752 n - ແລ່ນ 31 ຂາສາມັກຄີ ສະຫລອງວັນເດັກນ້ອຍສາກົນ
- AGL banner - ແລ່ນ 31 ຂາສາມັກຄີ ສະຫລອງວັນເດັກນ້ອຍສາກົນ

ໃນວັນທີ 29 ພຶດສະພາ 2018 ທີ່ສະໜາມກິລາເຈົ້າອານຸວົງ ພະແນກສຶກສາທິການ ແລະ ກິລາ ນະຄອນຫລວງວຽງຈັນ ຮ່ວມກັບບໍລິສັດ ນິວຈິບເຊັງ ຈໍາກັດ ຈັດການແຂ່ງຂັນແລ່ນ 31 ຂາສາມັກຄີ ຂອງນັກຮຽນເຍົາວະຊົນ ປະຈໍາສົກຮຽນ 2017-2018 ເພື່ອສະເຫລີມສະຫລອງວັນເດັກນ້ອຍສາກົນ ໂດຍມີທ່ານ ສະເໜີ ຈຸນລະມະນີ ຮອງປະທານບໍລິສັດ ນິວຈິບເຊັງ ຈໍາກັດ, ທ່ານ ສົມພອນ ສອນດາລາ ຮອງພະແນກສຶກສາທິການ ແລະ ກິລານະຄອນຫລວງວຽງຈັນ ພ້ອມພາກສ່ວນທີ່ກ່ຽວຂ້ອງ ແລະ ນັກຮຽນ ຈາກ 9 ຕົວເມືອງທົ່ວນະຄອນຫລວງວຽງຈັນ ເຂົ້າຮ່ວມຢ່າງພ້ອມພຽງ.

ທ່ານ ສະເໜີ ຈຸນລະມະນີ ຮອງປະທານບໍລິສັດ ນິວຈິບເຊັງ ຈໍາກັດ ກ່າວວ່າ: ທາງບໍລິສັດ ນິວຈິບເຊັງ ເຫັນເຖິງຄວາມສາມັກຄີ ແລະ ເປັນສິ່ງສໍາຄັນໃນການຊ່ວຍເຍົາວະຊົນລາວໃຫ້ຫ່າງໄກຈາກສິ່ງເສບຕິດ ຈຶ່ງຕັດສິນໃຈນໍາເອົາກິລາແລ່ນ 31 ຂາສາມັກຄີເຂົ້າມາໃນ ສປປ ລາວ ​ໃນປີ 2014 ເປັນຕົ້ນມາ ກ່ອນທີ່ຈະໄດ້ປຶກສາ ແລະ ຮ່ວມມືກັບພະແນກສຶກສາທິການ ແລະ ກິລານະຄອນຫລວງວຽງຈັນ ຈັດກິດຈະກໍານີ້ເປັນປະຈໍານັບແຕ່ປີ 2015 ເປັນຕົ້ນມາ ແລະ ກໍມີຫລາຍໆໂຮງຮຽນນັບແຕ່ຊັ້ນປະຖົມ ແລະ ມັດທະຍົມທົ່ວນະຄອນຫລວງວຽງຈັນ ເຂົ້າຮ່ວມປີລະບໍ່ຕໍ່າກວ່າ 10 ໂຮງຮຽນ ໂດຍສະເພາະປີ 2018 ມີນັກກິລາເຂົ້າຮ່ວມ 22 ທີມຈາກ 22 ໂຮງຮຽນທົ່ວນະຄອນຫລວງວຽງຈັນ ລວມທັງໝົດ 770 ຄົນ

ສໍາລັບການແຂ່ງຂັນແລ່ນ 31 ຂາສາມັກຄີຂອງນັກຮຽນລຸ້ນເຍົາວະຊົນ ປະຈໍາສົກຮຽນ 2017-2018 ມີ 22 ໂຮງຮຽນເຂົ້າຮ່ວມ ແລະ ການແຂ່ງຂັນຄັດເອົາທີມທີ່ຮັກສາເວລາໄດ້ດີທີ່ສຸດຈັດອັນດັບປາກົດວ່າ: ຊະນະເລີດຕົກເປັນຂອງໂຮງຮຽນສີນາກ, ຮອງຊະນະເລີດໂຮງຮຽນດອນສະຫວ່າງ ແລະ ອັນດັບ 3 ໂຮງຮຽນໜອງດ້ວງ.

- Wave100S AD to Website 2020 0 - ແລ່ນ 31 ຂາສາມັກຄີ ສະຫລອງວັນເດັກນ້ອຍສາກົນ
- lattana banner 1 - ແລ່ນ 31 ຂາສາມັກຄີ ສະຫລອງວັນເດັກນ້ອຍສາກົນ
-    AD conten website - ແລ່ນ 31 ຂາສາມັກຄີ ສະຫລອງວັນເດັກນ້ອຍສາກົນ
- lattana banner - ແລ່ນ 31 ຂາສາມັກຄີ ສະຫລອງວັນເດັກນ້ອຍສາກົນ
error: Alert: ເນື້ອຫາຂ່າວມີລິຂະສິດ !!