ປີ້ງ​ໄກ່​ເຊ​ໂນ​ໄດ້​ຮັບ​ກາ​ໝາຍ ໜຶ່ງ​ເມືອງ​ໜຶ່ງ​ຜະລິດ​ຕະພັນ

- Chicken barbq - ປີ້ງ​ໄກ່​ເຊ​ໂນ​ໄດ້​ຮັບ​ກາ​ໝາຍ ໜຶ່ງ​ເມືອງ​ໜຶ່ງ​ຜະລິດ​ຕະພັນ
- Untitled design - ປີ້ງ​ໄກ່​ເຊ​ໂນ​ໄດ້​ຮັບ​ກາ​ໝາຍ ໜຶ່ງ​ເມືອງ​ໜຶ່ງ​ຜະລິດ​ຕະພັນ

ພິທີມອບ-ຮັບໃບອະນຸຍາດນຳໃຊ້ກາໝາຍ ໜຶ່ງເມືອງໜຶ່ງຜະລິດຕະພັນ (ODOP) ແຫ່ງຊາດ ໃຫ້ກຸ່ມຜະລິດປີ້ງໄກເຊໂນ ເມືອງອຸທຸມພອນ ແຂວງສະຫວັນນະເຂດ ໄດ້ຈັດຂຶ້ນຢ່າງເປັນທາງການ ໃນວັນທີ 29 ພຶດສະພານີ້ ທີ່ ເມືອງດັ່ງກ່າວ ໂດຍການເຂົ້າຮ່ວມຂອງທ່ານ ຈິນດາວັນ ບຸດລາສີ ຮອງເຈົ້າເມືອງອຸທຸມພອນ, ທ່ານຮອງຫົວໜ້າພະແນກອຸດສາຫະກຳ-ການຄ້າແຂວງ, ທ່ານຮອງຫົວໜ້າກົມສົ່ງເສີມການຄ້າ ກະຊວງອຸດສາຫະກຳ-ການຄ້າ ​ແລະ ຂະແໜງການທີ່ກ່ຽວຂ້ອງຕ່າງໆເຂົ້າຮ່ວມ​ເປັນ​ຈຳນວນ​ຫລາຍ.

ໃນພິທີ, ທ່ານ ຄໍາພົງ ສຸລິເຍດ ຫົວໜ້າຫ້ອງການອຸດສາຫະກຳ-ການຄ້າເມືອງ ໄດ້ລາຍງານການຈັດຕັ້ງປະຕິບັດວຽກງານຂອງຕົນໂດຍສັງເຂບວ່າ: ເພື່ອປະຕິບັດຕາມຂໍ້ຕົກລົງຂອງ​ກະຊວງ​ອຸດສາຫະກຳ-ການ​ຄ້າ ວ່າດ້ວຍສິນຄ້າໜຶ່ງເມືອງໜຶ່ງຜະລິດຕະພັນ (ໂອດັອບ) ​ແລະ ເຫັນໄດ້ເຖິງຄວາມໝາຍຄວາມສຳຄັນຂອງວຽກງານສົ່ງເສີມ ແລະ ພັດທະນາສິນຄ້າ ​ແລະ ຜະລິດຕະພັນທີ່ເປັນເອກະລັກ ແລະ ມີຊື່ສຽງໃຫ້ນັບມື້ນັບເຕີບໃຫຍ່ຂະຫຍາຍຕົວຂຶ້ນເລື້ອຍໆ. ທາງຫ້ອງການອຸດສາຫະກຳ-ການຄ້າເມືອງໄດ້ມີ ການສົ່ງເສີມໃຫ້ກຸ່ມຜະລິດປີ້ງໄກ່ລາດເຊໂນ ແລະ ກຸ່ມຜະລິດຕະພັນຕ່າງໆຂອງເມືອງ ເພື່ອສ້າງເປັນສິນຄ້າໂອດັອບຂຶ້ນ ​ເຊິ່ງຜ່ານການລົງເອົາຂໍ້ມູນຕົວຈິງຫຼາຍຫຼົບຫຼາຍຕ່າວເຫັນໄດ້ບັນຫາຕ່າງໆ ແລະ ​ໄດ້ແນະນຳແນວທາງປະຕິບັດເຮັດແນວໃດໃຫ້ໄດ້ກາໝາຍໂອດັອບແຫ່ງຊາດ ກໍຄືສິນຄ້າໜຶ່ງເມືອງໜຶ່ງຜະລິດຕະພັນ ​ແລະ ຜ່ານກອງປະຊຸມຂອງຄະນະກຳມະການຄັດເລືອກສິນຄ້າດັ່ງກ່າວ​ຈຶ່ງໄດ້ຕົກລົງເຫັນດີເປັນເອກະພາບສະເໜີເອົາຜະລິດຕະພັນປີ້ງໄກ່ລາດເຊໂນ ບ້ານໄຊອຸດົມ ເປັນສິນຄ້າໜຶ່ງເມືອງໜຶ່ງຜະລິດຕະພັນຂອງເມືອງອຸທຸມພອນ ​ແລະ ​ໄດ້ສະເໜີຂໍອະນຸຍາດນຳໃຊ້ກາໝາຍແຫ່ງຊາດ​ໄດ້​ຢ່າງ​ສົມບູນ. ກຸ່ມຜະລິດປີ້ງໄກ່ລາດເຊໂນ ໄດ້ສ້າງຕັ້ງຂຶ້ນໃນວັນທີ 26/09/2017 ປັດຈຸບັນມີປະທານ, ກຳມະການກຸ່ມຜະລິດ ແລະ ສະມາຊິກທັງໝົດ 35 ທ່ານ.

ຈາກນັ້ນຫົວໜ້າຂະແໜງສົ່ງເສີມການຄ້າ-ພັດທະນາວິສາຫະກິດຂະໜາດນ້ອຍ ພະແນກອຸດສາຫະກຳ-ການຄ້າແຂວງ ກໍໄດ້ຜ່ານໃບອະນຸຍາດໃຫ້ກຸ່ມຜະລິດປີ້ງໄກ່ລາດເຊໂນ ສາມາດນຳໃຊ້ກາໝາຍສິນຄ້າໂອດັອບແຫ່ງຊາດ ​ເຊິ່ງມອບໂດຍທ່ານ ຈັນສະໝອນ ສີສະອາດ ຮອງຫົວໜ້າກົມສົ່ງເສີມການຄ້າ ກະຊວງອຸດສາຫະກຳ-ການຄ້າ.

- Wave100S AD to Website 2020 0 - ປີ້ງ​ໄກ່​ເຊ​ໂນ​ໄດ້​ຮັບ​ກາ​ໝາຍ ໜຶ່ງ​ເມືອງ​ໜຶ່ງ​ຜະລິດ​ຕະພັນ
- WhatsApp Image 2020 05 27 at 5 - ປີ້ງ​ໄກ່​ເຊ​ໂນ​ໄດ້​ຮັບ​ກາ​ໝາຍ ໜຶ່ງ​ເມືອງ​ໜຶ່ງ​ຜະລິດ​ຕະພັນ
- WhatsApp Image 2020 05 27 at 5 - ປີ້ງ​ໄກ່​ເຊ​ໂນ​ໄດ້​ຮັບ​ກາ​ໝາຍ ໜຶ່ງ​ເມືອງ​ໜຶ່ງ​ຜະລິດ​ຕະພັນ
error: Alert: ເນື້ອຫາຂ່າວມີລິຂະສິດ !!