ຟີ​ລິບ​ປີນປະດັບຫລຽນໄຊໃຫ້ທູດລາວ

- LaoembassyPhilippines1 - ຟີ​ລິບ​ປີນປະດັບຫລຽນໄຊໃຫ້ທູດລາວ
- Untitled design - ຟີ​ລິບ​ປີນປະດັບຫລຽນໄຊໃຫ້ທູດລາວ

ຕາມການລາຍງານຂ່າວຂອງສະຖານທູດລາວປະຈໍາຟີລິບປິນ ໃຫ້ຮູ້ວ່າ: ໃນ​ວັນ​ທີ 28 ພຶດສະພານີ້, ທີ່ທໍານຽບປະທານາທິບໍດີຟີ​ລິບ​ປີນ ທ່ານ ​ໂພ​ໄຊ ​ໄຂ​ຄໍາ​ພິທູນ ​ເອກ​ອັກຄະ​ລັດຖະທູດວິສາມັນ​ຜູ້​ມີ​ອໍານາດ​ເຕັມ​ແຫ່ງ ສປປ ​ລາວ ປະ​ຈໍາຟີ​ລິບ​ປີນ, ​ໄດ້​ເຂົ້າ​ຢ້ຽມ​ຂ່ຳນັບອໍາ​ລາທ່ານ Rodigo Roa Duterte ປະທານາທິບໍດີ​ແຫ່ງ ສ.ຟີ​ລິບ​ປີນ  ທ່ານ Rodigo Roa Duterte ​ໄດ້​ກ່າວ​ສະ​ແດງ​ຄວາມ​ຍິນ​ດີ ​ແລະ ​ໃຫ້ການຕ້ອນຮັບຢ່າງ​ອົບ​ອຸ່ນ​ຕໍ່ ທ່ານ ໂພ​ໄຊ ​ໄຂ​ຄໍາ​ພິທູນ ພ້ອມ​ທັງ​ຕີ​ລາ​ສູງ​ຕໍ່​ການ​ປະຕິບັດ​ໜ້າ​ທີ່​ການ​ທູດ ຢູ່ ສ.ຟີ​ລິບ​ປີນ ຕະຫລອດ​ໄລຍະ 03 ປີຜ່ານ​ມາ​ໃນ​ການ​ເອົາ​ໃຈ​ໃສ່​ເສີມ​ຂະຫຍາຍ​ສາຍ​ພົວພັນ ການ​ຮ່ວມ​ມື​ອັນ​ດີ ທັງ​ໃນ​ວົງ​ຄະນາ​ຍາດ​ອາ​ຊຽນ ກໍຄືສອງ​ຝ່າຍອັນ​ໄດ້​ເຊິ່ງ​ຜົນ​ສໍາ​ເລັດໃນ​ການ​ເປີດ​ກອງ​ປະຊຸມ​ຄັ້ງ​ປະຖົມມະ​ເລີກການ​ຮ່ວມ​ມື​ສອງ​ຝ່າຍ​ ໃນ​ປີ 2017 ທີ່​ຜ່ານ​ມາ, ​ທັງ​ເປັນ​ການ​ປະກອບສ່ວນ​ດ້ານ​ການ​ປະສານ​ງານ​ໃນ​ການ​ເປັນ​ເຈົ້າພາບ​ຈັດ​ກອງ​ປະຊຸມ​ສຸດ​ຍອດ​ອາ​ຊຽນຂອງ​ຟີ​ລິບ​ປີນ ​ໃນ​ປີ 2017 ​ໄດ້​ຮັບ​ໝາກຜົນຢ່າງ​ຈົບງາມ ແລະ ໃນໂອກາດນີ້ແມ່ນປະທານາທິບໍດີຟີລີບປິນໄດ້​ເຊື້ອ​ເຊີນທ່ານ ບຸນ​ຍັງ ວໍລະ​ຈິດ ປະທານ​ປະ​ເທດ​ແຫ່ງ ສປປ ລາວ ມາ​ຢ້ຽມຢາມ ສ.ຟີ​ລິບ​ປີນ ​ໃນ​ເວລາ​ອັນ​ເໜາະ​ສົມ.

ທັງ​ສອງ​ຝ່າຍ​ຍັງ​ໄດ້​ປຶກສາ​ຫາລື​ກັນກ່ຽວ​ກັບ​ການ​ເສີມ​ຂະຫຍາຍ​ສາຍ​ພົວພັນ ການ​ຮ່ວມ​ມືສອງ​ຝ່າຍລະຫວ່າງລາວ-​ຟີ​ລິບ​ປີນ, ​ໂດຍ​ສະ​ເພາະ​ທາງ​ດ້ານ​ເສດຖະກິດ ​ແລະ ປະຊາຊົນ​ສູ່​ປະຊາຊົນ​ໃຫ້ກ້ວາງ​ອອກ​ຕື່ມອີກ.

​ໃນ​ຕອນ​ທ້າຍ ທ່ານ Rodigo Roa Duterte ກໍ່​ໄດ້​ມອບ​ຫລຽນ​ຄໍາ ກຽດ​ຕິ​ຄຸນ​ສູງ​ສຸດ, ພ້ອມ​ສາຍ​ສະພາຍ ​ໃຫ້​ແກ່ ທ່ານ ​ໂພ​ໄຊ ​ໄຂ​ຄໍາ​ພິທູນ ​ເພື່ອ​ຍັ້ງ​ຢືນ​ເຖິງ​ຜົນງານ ​ແລະ ໝາກຜົນ​ແຫ່ງ​ການ​ອອກ​ເຫື່ອ​ເທ່​ແຮງ, ສະຕິ​ປັນຍາ ​ໃນ​ການ​ເສີມ​ຂະຫຍາຍ ການ​ພົວພັນ​ຮ່ວມ​ມື​ຂອງ​ທັງ​ສອງ​ປະ​ເທດ.

- Wave100S AD to Website 2020 0 - ຟີ​ລິບ​ປີນປະດັບຫລຽນໄຊໃຫ້ທູດລາວ
- WhatsApp Image 2020 05 27 at 5 - ຟີ​ລິບ​ປີນປະດັບຫລຽນໄຊໃຫ້ທູດລາວ
- WhatsApp Image 2020 05 27 at 5 - ຟີ​ລິບ​ປີນປະດັບຫລຽນໄຊໃຫ້ທູດລາວ
error: Alert: ເນື້ອຫາຂ່າວມີລິຂະສິດ !!