ຈະມີການສະຫຼອງວັນງົດຢາສູບໂລກ 31 ພຶດສະພາ ພາຍໃຕ້ຫົວຂໍ້ “ຢາສູບເປັນສາເຫດພາໃຫ້ເກີດພະຍາດຫົວໃຈ-ເສັ້ນເລືອດ”

- Stop smoking - ຈະມີການສະຫຼອງວັນງົດຢາສູບໂລກ 31 ພຶດສະພາ ພາຍໃຕ້ຫົວຂໍ້ “ຢາສູບເປັນສາເຫດພາໃຫ້ເກີດພະຍາດຫົວໃຈ-ເສັ້ນເລືອດ”
- Untitled design - ຈະມີການສະຫຼອງວັນງົດຢາສູບໂລກ 31 ພຶດສະພາ ພາຍໃຕ້ຫົວຂໍ້ “ຢາສູບເປັນສາເຫດພາໃຫ້ເກີດພະຍາດຫົວໃຈ-ເສັ້ນເລືອດ”

ໃນວັນທີ 29 ພດສະພາ ນີ້, ລັດຖະມົນຕີ ກະຊວງສາທາລະນະສຸກ ໄດ້ຖະແຫຼງຕໍ່ສື່ມວນຊົນວ່າ: ເນື່ອງໃນໂອກາດວັນງົດຢາສູບໂລກ 31 ພຶດສະພາ ກະຊວງສາທາລະນະສຸກ ຈະໄດ້ຮ່ວມກັບ ອົງການອະນາໄມໂລກ, ສະຫະພັນຄວບຄຸມຢາສູບອາຊຽນ ແລະ ປະຊາຊົນລາວໃນຂອບເຂດທົ່ວປະເທດ ສະຫຼອງວັນດັ່ງກ່າວຂຶ້ນ ພາຍໃຕ້ຫົວຂໍ້ “ຢາສູບເປັນສາເຫດພາໃຫ້ເກີດພະຍາດຫົວໃຈ-ເສັ້ນ ເລືອດ” ຊຶ່ງແມ່ນພະຍາດທີ່ເຮັດໃຫ້ຄົນເສຍຊີວິດຫຼາຍທີ່ສຸດໃນແຕ່ລະປີ.

ທ່ານ ລັດຖະມົນຕີ ໃຫ້ຮູ້ວ່າ: ພະຍາດທີ່ເຮັດໃຫ້ຄົນເສຍຊີວີດຫຼາຍທີ່ສຸດ ແມ່ນພະຍາດຫົວໃຈເສັ້ນເລືອດ ເພາະສາເຫດເກີດຈາກການສູບຢາກວມເອົາ 12% ແລະ ແຕ່ລະປີມີຜູ້ເສຍຊີວິດທັງໝົດຍ້ອນການສູບຢາສູງເຖິງ 7 ລ້ານຄົນ. ສໍາລັບ ລາວເຮົາ ອີງຕາມການສໍາຫຼວດແຫ່ງຊາດກ່ຽວກັບຢາສູບໃນກຸ່ມອາຍຸ 15 ປີຂຶ້ນໄປ ພົບວ່າຄົນລາວສູບຢາເພີ່ມຂຶ້ນຈາກ 26% ໃນປີ 2012 ມາເປັນ 28% ໃນປີ 2015 ແລະ ການສຳຫຼວດດັ່ງກ່າວ ສະແດງໃຫ້ເຫັນວ່າ: ຄົນລາວເສຍຊີວິດ 13 ຄົນຕໍ່ມື້, ນອກນັ້ນ, ການສຳຫຼວດກ່ຽວກັບການສູບຢາຂອງໄວໜຸ່ມລາວກຸ່ມອາຍຸ 13-15 ປີ, ໃນປີ 2016 ພົບວ່າໄວໜຸ່ມລາວສູບຢາສູບທີ່ຜະລິດຈາກໂຮງງານ ຊາຍ 10,7% ແລະ ຍິງ 2,1% ແລະ ຍັງພົບວ່າໄວໜຸ່ມກຸ່ມນີ້ໄດ້ສູບຢາໄຟຟ້າ ຫຼື E-cigarettes ກວມເອົາອັດຕາປະມານ 5% ໃນກຸ່ມຊາຍ ແລະ ຍິງ 3,7%.

ຜົນການສໍາຫຼວດຄ່າໃຊ້ຈ່າຍໃນການເຂົ້າປິ່ນປົວຂອງຄົນເຈັບຈາກ 3 ພະຍາດຄື: ພະຍາດຫົວໃຈເສັ້ນເລືອດ, ມະເຮັງປອດ ແລະ ເສັ້ນເລືອດໃນສະໝອງຕີບ-ຕັນ-ແຕກ ພົບວ່າ: ມີມູນຄ່າສູງເຖິງ 28 ຕື້ກີບ, ເທົ່າກັບ 0,28% ຂອງ GDP ຫຼືປະມານ 22% ຂອງງົບປະມານກະຊວງສາທາລະນະສຸກ, ໃນນີ້ 77% ຄອບຄົວຂອງຄົນເຈັບຈ່າຍເອງ, ລັດຖະບານຈ່າຍພຽງ 21% ແລະ 2% ເປັນການປະກອບສ່ວນຂອງປະກັນສຸຂະພາບ. ດັ່ງນັ້ນ, ລັດຖະບານຕ້ອງມີມາດຕະການອັນເຂັ້ມງວດຮັດກຸມຂຶ້ນ ເພື່ອຄວບຄຸມຢາສູບ, ໂດຍສະເພາະການປຸກລະດົມໂຄສະນາ ແລະ ໃຫ້ຄວາມຮູ້ກ່ຽວກັບຜົນຮ້າຍທີ່ເກີດຈາກຢາສູບໃຫ້ແກ່ປະຊາຊົນຢ່າງກວ້າງຂວາງ ແລະ ທົ່ວເຖິງ ໂດຍຜ່ານຫຼາຍຊ່ອງທາງເປັນຕົ້ນ: ໂທລະພາບ, ວິທະຍຸ, ໜັງສືພິມ,ວາລະສານ ແລະ ສື່ອອນລາຍຕ່າງໆ ເພື່ອໃຫ້ປະຊາຊົນເຂົ້າເຖິງຂໍ້ມູນ ແລະ ເຂົ້າໃຈຢ່າງຖືກຕ້ອງຕໍ່ກັບຜົນຮ້າຍຂອງຢາສູບ.

- Wave100S AD to Website 2020 0 - ຈະມີການສະຫຼອງວັນງົດຢາສູບໂລກ 31 ພຶດສະພາ ພາຍໃຕ້ຫົວຂໍ້ “ຢາສູບເປັນສາເຫດພາໃຫ້ເກີດພະຍາດຫົວໃຈ-ເສັ້ນເລືອດ”
- WhatsApp Image 2020 05 27 at 5 - ຈະມີການສະຫຼອງວັນງົດຢາສູບໂລກ 31 ພຶດສະພາ ພາຍໃຕ້ຫົວຂໍ້ “ຢາສູບເປັນສາເຫດພາໃຫ້ເກີດພະຍາດຫົວໃຈ-ເສັ້ນເລືອດ”
- WhatsApp Image 2020 05 27 at 5 - ຈະມີການສະຫຼອງວັນງົດຢາສູບໂລກ 31 ພຶດສະພາ ພາຍໃຕ້ຫົວຂໍ້ “ຢາສູບເປັນສາເຫດພາໃຫ້ເກີດພະຍາດຫົວໃຈ-ເສັ້ນເລືອດ”
error: Alert: ເນື້ອຫາຂ່າວມີລິຂະສິດ !!