ໜູຂີ ທຳລາຍເຂົ້າໄຮ່ຂອງປະຊາຊົນເມືອງຫົງສາເສຍຫາຍ 170 ເຮັກຕາ

- Rat - ໜູຂີ ທຳລາຍເຂົ້າໄຮ່ຂອງປະຊາຊົນເມືອງຫົງສາເສຍຫາຍ 170 ເຮັກຕາ
- Untitled design - ໜູຂີ ທຳລາຍເຂົ້າໄຮ່ຂອງປະຊາຊົນເມືອງຫົງສາເສຍຫາຍ 170 ເຮັກຕາ

ຕາມການລາຍງານຂ່າວ​ຈາກ​ທ້ອງ​ຖິ່ນ ໃຫ້ຮູ້ວ່າ: ໃນລະຫວ່າງຕົ້ນເດືອນພຶດສະພາມາ​ນີ້ ໜູຂີໄດ້ລະບາດໜັກ​ເຂົ້າກິນເຂົ້າໄຮ່ຂອງປະຊາຊົນຈົນບ້ານ​ພູ​ແລ້ງ​ໃຕ້, ພູ​ແລ້ງ​ກາງ ​ແລະ ບ້ານ​ຫ້ວຍ​ຈ້ວງ ​ເມືອງ​ຫົງ​ສາ ​ແຂວງ​ໄຊ​ຍະ​ບູລີ ​ເສຍຫາຍ 170 ເຮັກຕາ ຂອງເນື້ອທີ່ທັງໝົດ 356 ກວ່າເຮັກຕາ.

ຕໍ່ກັບບັນຫາດັ່ງກ່າວນັ້ນ, ອໍານາດການປົກຄອງແຕ່ລະບ້ານກໍໄດ້ລະດົມປະຊາຊົນສະກັດກັ້ນດ້ວຍການໃສ່ກະແຕບ, ໃຊ້ໜ້າເກັກຍິງໃນຕອນກາງຄືນ, ​ໃສ່ກັບດັກ ແລະ ໃຫ້ປະຊາຊົນປູກເຂົ້າໄຮ່ຄືນຮອບສອງ ແລະ ຮອບສາມ, ແຕ່ໜູຂີກໍຍັງ​ທຳລາຍຄືເກົ່າ ຍ້ອນປະຊາກອນຂອງໜູມີຫຼາຍເກີນ​ໄປ. ດັ່ງນັ້ນ ອໍານາດການປົກຄອງຈຶ່ງໄດ້ລາຍງານ​ໃຫ້ເມືອງ ແລະ ແຂວງ ເພື່ອຊ່ວຍກັນແກ້ໄຂບັນຫາດັ່ງກ່າວໃຫ້ທ່ວງທັນ ​ແລະ ໃນວັນທີ 29 ພຶດສະພານີ້, ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ພ້ອມພາກສ່ວນທີ່ກ່ຽວຂ້ອງຂອງ​ແຂວງ ໄດ້ລົງກວດກາຕົວຈິງ, ພ້ອມທັງຮຽກຮ້ອງໃຫ້ປະຊາຊົນບ້ານດັ່ງກ່າວຈົ່ງເລັ່ງປູກພືດຊະນິດອື່ນ ​ເພື່ອ​ທົດ​ແທນ ພ້ອມ​ແນະນຳ​ໃຫ້ພາກສ່ວນກ່ຽວຂ້ອງຫາແນວພັນມາສະໜອງໃຫ້ທ່ວງທັນກັບລະດູການຜະລິດລະດູຝົນ ແລະ ໄດ້ຮຽກຮ້ອງໃຫ້ອໍານາດການປົກຄອງເມືອງຫົງສາແຕ່ງຕັ້ງພະນັກງານາວິຊາການລົງຕິດຕາມ, ຊຸກຍູ້, ນໍາພາປະຊາຊົນເຮັດຕົວຈິງ ​ແລະ ​ໃຫ້​ມີ​ປະສິດທິ​ຜົນ, ສືບ​ຕໍ່ປາບ​ສັດຕູ​ພືດ​ດັ່ງກ່າວ​ໃຫ້​ໝົດ​ໄປ.

- Wave100S AD to Website 2020 0 - ໜູຂີ ທຳລາຍເຂົ້າໄຮ່ຂອງປະຊາຊົນເມືອງຫົງສາເສຍຫາຍ 170 ເຮັກຕາ
- WhatsApp Image 2020 05 27 at 5 - ໜູຂີ ທຳລາຍເຂົ້າໄຮ່ຂອງປະຊາຊົນເມືອງຫົງສາເສຍຫາຍ 170 ເຮັກຕາ
- WhatsApp Image 2020 05 27 at 5 - ໜູຂີ ທຳລາຍເຂົ້າໄຮ່ຂອງປະຊາຊົນເມືອງຫົງສາເສຍຫາຍ 170 ເຮັກຕາ
error: Alert: ເນື້ອຫາຂ່າວມີລິຂະສິດ !!