ເກີດເຫດລະເບີດໃກ້ສະໜາມບິນໃນນະຄອນຫລວງດາມັດກັດຂອງຊີຣີ ຄາດຝີມືກອງທັບອິດສະລາແອນ

- Untitled design - ເກີດເຫດລະເບີດໃກ້ສະໜາມບິນໃນນະຄອນຫລວງດາມັດກັດຂອງຊີຣີ ຄາດຝີມືກອງທັບອິດສະລາແອນ

- 1493277110415 960x0 300x169 - ເກີດເຫດລະເບີດໃກ້ສະໜາມບິນໃນນະຄອນຫລວງດາມັດກັດຂອງຊີຣີ ຄາດຝີມືກອງທັບອິດສະລາແອນ      ​ເບຣຸດ 27 ​ເມສາ: ​ເກີດ​ເຫດ​ລະ​ເບີດ​ຮຸນ​ແຮງ​ຈົນ​ໄຟ​ລຸກລາມ​ໄປ​ທົ່ວ​ພື້ນ​ທີ່​ໃກ້​ສະໜາມ​ບິນ​ນາໆ​ຊາດ​ຢູ່​ນະຄອນຫລວງ​ດາ​ມັດ​ກັດ​ຂອງ​ຊີຣີ​ໃນ​ຕອນ​ເຊົ້າວັນ​ທີ 27 ​ເມສາ​ຕາມ​ເວລາ​ທ້ອງ​ຖິ່ນ, ​ແຕ່​ຍັງ​ບໍ່​ສາມາດ​ລະບຸ​ສາ​ເຫດ​ໄດ້.

ກຸ່ມ​ສັງ​ເກດ​ການ​ດ້ານ​ສິດທິ​ມະນຸດ​ຢູ່​ຊີຣີ​ເປີດ​ເຜີຍ​ວ່າ: ​ເຫດ​ລະ​ເບີດ​ເກີດ​ຂຶ້ນຢູ່​ບໍລິ​ເວນ​ພາຍ​ນອກ​ຂອງ​ສະໜາມ​ບິນ, ສ່ວນ​ສາ​ເຫດ​ຍັງ​ບໍ່ສາມາດ​ລະບຸ​ໄດ້​ວ່າ​ເກີດ​ຈາກ​ປະຕິບັດ​ການ​ໂຈມ​ຕີ​ທາງ​ອາກາດ ຫລື ພາກພື້ນດິນ. ຂະນະ​ທີ່​ນັກ​ຂ່າວ​ສະຖານີ​ໂທລະພາບ​ອັດ ມາ​ນາຂອງ​ກຸ່ມ​​ເຮັດ​ໂບລາ ກຸ່ມ​ຕິດ​ອາວຸດ​ນິກາຍ​ຊີ​ອະ​ຢູ່​ລີ​ບັງ​ລາຍ​ງານ​ວ່າ: ​ເຫດ​ລະ​ເບີດ​ເກີດ​ຂຶ້ນຢູ່​ສາງ​ເກັບ​ນ້ຳມັນ ​ແລະ ສາງ​ສິນຄ້າ​ໃກ້​ສະໜາມ​ບິນ​ໃນ​ຕອນ​ເຊົ້າວັນ​ທີ 27 ​ເມສາ​ນີ້ ​ແລະ ອາດ​ເປັນ​ຝີ​ມື​ຂອງ​ກອງທັບ​ອິດສະ​ລາ​ແອນ.

ກ່ອນ​ໜ້າ​ນີ້, ​ເຮືອບິນ​ຮົບ​ອິດສະ​ລາ​ແອນ​ຫລາຍ​ລຳ​ເຄີຍ​​ໂຈມ​ຕີ​ສະໜາມ​ບິນ​ດັ່ງກ່າວ ​ແລະ ຖານ​ທັບ​ທະຫານ​ອື່ນໆ​ອ້ອມ​ນະຄອນຫລວງ​ດາ​ມັດ​ກັດ ​ໂດຍ​ອ້າງ​ວ່າ: ​ເປັນ​ປະຕິບັດ​ການ​ມຸ່ງ​ເປົ້າທຳລາຍ​ສາງ​ອາວຸດ​ຂອງ​ກຸ່ມ​ເຮັດ​ໂບລາ ​ເຊິ່ງ​ເປັນ​ພັນທະ​ມິດ​ຂອງ​ລັດຖະບານ​ຊີຣີ. ສື່​ຂອງ​ທາງ​ການ​ຊີຣີລາຍ​ງານ​ວ່າ: ອິດສະ​ລາ​ແອນ​ປະຕິບັດ​ການ​ໂຈມ​ຕີ​ທາງ​ອາກາດ​ຖະຫລົ່ມ​ສະໜາມ​ບິນ​ຢູ່​ເມືອງ​ໃນ​ເດືອນ​ທັນວາ 2014, ສ່ວນ​ຝ່າຍ​ອິດສະ​ລາ​ແອນ​ບໍ່​ມີ​ການ​ອອກ​ຖະ​ແຫລ​ງການ​ຢືນຢັນ​ການ​ກໍ່​ເຫດ.

- Wave100S AD to Website 2020 0 - ເກີດເຫດລະເບີດໃກ້ສະໜາມບິນໃນນະຄອນຫລວງດາມັດກັດຂອງຊີຣີ ຄາດຝີມືກອງທັບອິດສະລາແອນ
- WhatsApp Image 2020 05 27 at 5 - ເກີດເຫດລະເບີດໃກ້ສະໜາມບິນໃນນະຄອນຫລວງດາມັດກັດຂອງຊີຣີ ຄາດຝີມືກອງທັບອິດສະລາແອນ
- WhatsApp Image 2020 05 27 at 5 - ເກີດເຫດລະເບີດໃກ້ສະໜາມບິນໃນນະຄອນຫລວງດາມັດກັດຂອງຊີຣີ ຄາດຝີມືກອງທັບອິດສະລາແອນ
error: Alert: ເນື້ອຫາຂ່າວມີລິຂະສິດ !!