ລະວັງ! ຜົນຮ້າຍການຈູດບັ້ງໄຟ

- 512 - ລະວັງ! ຜົນຮ້າຍການຈູດບັ້ງໄຟ
- Untitled design - ລະວັງ! ຜົນຮ້າຍການຈູດບັ້ງໄຟ

ໂດຍ: ຊາຍພະເນຈອນ 

ສະບາຍດີ, ເພື່ອນຜູ້ອ່ານ ທີ່ຮັກແພງ, ມື້ນີ້ຊາຍພະເນ ຈອນຂໍນຳສະເໜີຕື່ມອີກກ່ຽວ ກັບຜົນຮ້າຍຂອງການຈູດບັ້ງ ໄຟ, ກໍດັ່ງພວກເຮົາຮູ້ນຳກັນ ແລ້ວວ່າ: ງານບຸນປະເພນີ ຂອງປະຊາຊົນລາວເຮົາທີ່ ເຄີຍປະຕິບັດສືບທອດກັນມາ ແຕ່ເຫິງນານແລ້ວຕາມຄວາມ ເຊື່ອ ເພື່ອຂໍຟ້າຂໍຝົນຈາກພະ ຍາຟ້າແຖນຊ່ວຍດົນບັນດານ ໃຫ້ຝົນຕົກລົງມາຫົດຜົນລະ ປູກຂອງຝັງ. ເພາະສະນັ້ນ, ໃນທຸກໆປີ ເມື່ອຮອດຕົ້ນເດືອນ ຫ້າສາກົນ ຫຼືເດືອນຫົກລາວ ປະຊາຊົນ ເຮົາແຕ່ລະທ້ອງຖິ່ນ ທີ່ມີເງື່ອນໄຂກໍໄດ້ຈັດງານບຸນ ບັ້ງໄຟຂຶ້ນ, ດ້ວຍການຫ້າງ ຫາກະກຽມໂດຍສະເພາະ ຈະໄດ້ມີການລົງມືເຮັດບັ້ງໄຟ ຊະນິດຕ່າງໆ ຂຶ້ນມາຄື: ບັ້ງໄຟ ໝື່ນ- ບັ້ງໄຟແສນເພື່ອຈະໄດ້ ແຂ່ງຂັນກັບບ້ານອື່ນໆ, ເມື່ອ ຮອດມື້ນັດໝາຍຕ່າງຝ່າຍ ກໍຈະແຫ່ບັ້ງໄຟຂອງຕົນໄປ ຍັງສະຖານທີ່ຈູດທີ່ໄດ້ກະ ກຽມໄວ້ແລ້ວນັ້ນຢ່າງຟົດ ຟື້ນ, ຈູດໄປຕາມລໍາດັບຫຼືຕາມຄີວ ຂອງແຕ່ລະບ້ານ ເຊິ່ງຈະມີ ເຖິງ 2-3 ບັ້ງ ເພື່ອປະຊັນກັນ ຕາມທີ່ເຄີຍເຫັນໃນຜ່ານມາ ແລະ ປີ ນີ້ຜູ້ຂຽນກໍໄດ້ໄປເບິ່ງ ໄປຊົມຫຼາຍບ່ອນຄື: ງານບຸນ ບັ້ງໄຟບ້ານນາຊອນ, ເມືອງ ປາກງຶ່ມຢູ່ບ້ານນາໂພ-ນາ ຊາຍ, ເມືອງ ໂພນໂຮງແຂວງ ວຽງຈັນ ບ້ານທ່າດິນແດງ, ເມືອງໄຊທານີ, ຢູ່ບ້ານນາ ຄັນທຸງ, ແຂວງວຽງຈັນ, ຢູ່ແຂວງ ສະຫວັນນະເຂດ ແລະ ຈໍາປາສັກ ເຊິ່ງເຫັນວ່າ ມີທັງຂໍ້ໄດ້ ແລະ ຂໍ້ເສຍຄຽງ ຄູ່ກັນໄປຄື: ຂໍເສຍຫາຍແມ່ນ ເສດຖະກິດ, ການຊຸມແຊວ ກິນເຫລົ້າ, ກິນເບຍ ມີການພະ ນັນເກີດຂຶ້ນ, ໃນທີ່ສຸດກໍແມ່ນ ບັນຫາອຸປະຕິເຫດ ແລະ ການ ອາລະວາດຕີກັນ, ຄວາມ ບໍ່ປອດໄຟຂອງບັ້ງໄຟ ແລະ ອື່ນໆ.

ບຸນບັ້ງໄຟຜົນຮ້າຍບໍ່ໄກຕົວ

ມ່ວນຫລາຍບຸນບັ້ງໄຟ

- Wave100S AD to Website 2020 0 - ລະວັງ! ຜົນຮ້າຍການຈູດບັ້ງໄຟ

ເພາະວ່າການເຮັດບັ້ງໄຟ ກໍຄືການປະສົມໝື້ແມ່ນສໍາຄັນ ທີ່ສຸດໂດຍສ່ວນໃຫຍ່ຜູ້ເຮັດ ແມ່ນຈະເລັ່ງໃສ່ແຕ່ຄວາມ ແຮງໂດຍຫວັງວ່າ ຈະໃຫ້ບັ້ງ ໄຟຂອງຕົນຂຶ້ນສູງທີ່ສຸດ, ໂດຍບໍ່ໄດ້ຄຳນຶງເຖິງຄວາມ ປອດໄຟຂອງກັນ ເຊິ່ງອາດ ຈະເຮັດໃຫ້ບັ້ງໄຟ ແຕກກັບທີ່ ຫຼືບໍ່ດັ່ງນັ້ນກໍຈະບໍ່ພຸ່ງຂຶ້ນເທິງ ແລະ ກົງກັນຂ້າມຈະໂງມາ ຕົກໃສ່ຜູ້ຊົມ ແລະ ບ້ານເຮືອນ ປະຊາຊົນ ໃນເຂດໃກ້ຄຽງກໍ ເປັນໄດ້ ແລະ ເປັນອັນຕະ ລາຍແກ່ ຊີວິດເປັນໄດ້, ບາງ ຄັ້ງບັ້ງໄຟຂຶ້ນໄປສູ່ຈຸດທີ່ສູງ ສຸດແລ້ວ ເມື່ອໝົດຄວາມດັນ ກໍຈະຕົກລົງມາສູ່ໜ້າດິນກໍ ອາດຈະເປັນອັນຕະລາຍໄດ້ ຕໍ່ຜູ້ທີ່ມາທ່ຽວຊົມ ແລະ ອື່ນໆ. ອີກຢ່າງໜຶ່ງ, ງານຈູດບັ້ງໄຟ ເປັນງານທີ່ມີການພະນັນຂັນຕໍ່ ອາດຈະຜິດຖຽງກັນເຮັດໃຫ້ ເສຍຄວາມສາມັກຄີຮັກແພງ ກັນ, ເປັນບ່ອນມາຊຸມແຊວ ກັນເພື່ອຄວາມມ່ວນຊື່ນລື່ນ ເລີງຕ່າງໆ ທີ່ບໍ່ແທດເໝາະ ກັບຮີດຄອງປະເພນີ ແລະ ອື່ນໆ ດັ່ງກໍລະນີເກີດຂຶ້ນຢູ່ ເມືອງບາຈຽງຈະເລີນສຸກ ແຂວງຈຳປາສັກຫາງບັ້ງໄຟຕົກລົງມາສຽບໃສ່ແມ່ຕູ້ໄວ 67ປີບາດເຈັບສາຫັດ ແລະ ເຫດການຕີກັນເກີດຂຶ້ນຍ້ອນ ວ່າຍາດຊິງຄີວກັນຈູດບັ້ງໄຟຢູ່ທີ່ບ້ານນາຄັນທຸງ ແຂວງ ວຽງຈັນ ແລະ ແຕ່ລະປີຜ່ານ ມາກໍເຄີຍມີອຸປະຕິເຫດຕ່າງໆ ນາໆເກີດຂຶ້ນເລື້ອຍໆຈາກ ງານຈູດບັ້ງໄຟ.

ດັ່ງນັ້ນຜູ້ຂຽນ ມີຄວາມ ຄິດຂໍນຳສະເໜີໃຫ້ພາກສ່ວນທີ່ກ່ຽວຂ້ອງຈົ່ງໄດ້ເພີ່ມທະວີການຄວບຄຸມຄວາມປອດໄພ ແລະ ຄວາມເປັນລະບຽບຮຽບ ຮ້ອຍ ແລະ ສະຫງົບປອດໄພ ໃນງານບຸນ ດັ່ງກ່າວຈິ່ງຈະ ເປັນງານບຸນປະເພນີທີ່ສາ ມາດດຶງດູດແຂກບ້ານແຂກ ເມືອງຜູ້ມາທ່ຽວຊົມ ໃຫ້ຫລາຍ ຂຶ້ນ ແລະ ຈະນຳລາຍຮັບມາ ສູ່ທ້ອງຖິ່ນ ແລະ ປະເທດຊາດ ຫລາຍຂຶ້ນ./.

- 512 - ລະວັງ! ຜົນຮ້າຍການຈູດບັ້ງໄຟ

- WhatsApp Image 2020 05 27 at 5 - ລະວັງ! ຜົນຮ້າຍການຈູດບັ້ງໄຟ
- WhatsApp Image 2020 05 27 at 5 - ລະວັງ! ຜົນຮ້າຍການຈູດບັ້ງໄຟ
error: Alert: ເນື້ອຫາຂ່າວມີລິຂະສິດ !!