ກຳເນີດ 3 ນະຄອນຢ້ອນຍຸກລາວຈະເລີນ

- 32588578 431594960598670 1831458932158103552 o - ກຳເນີດ 3 ນະຄອນຢ້ອນຍຸກລາວຈະເລີນ
- Untitled design - ກຳເນີດ 3 ນະຄອນຢ້ອນຍຸກລາວຈະເລີນ

ໂດຍ: ກ້ອງສ່ອງ ອິດສະຫລະ  

ການປະກາດ 3 ເມືອງ ເປັນນະຄອນ ກໍຖືວ່າໄດ້ສຳ ເລັດເສັດສິ້ນລົງຢ່າງເປັນ ທາງການ, ໂດຍລ້າສຸດເມືອງ ປາກເຊ ແຂວງຈຳປາສັກ ໄດ້ ມີຂຶ້ນໃນວັນທີ 31 ພຶດສະພານີ້ ດ້ວຍບັນຍາກາດຄຶກຄື້ນຍິ່ງ ໃຫຍ່ອາລັງການ .

 

ປະກາດເມືອງ ໄກສອນ ພົມວິຫານ ເປັນນະຄອນ, ຫລັງນະຄອນຫລວງພະບາງ

ເມືອງປາກເຊກຽມປະກາດເປັນນະຄອນໃນທ້າຍເດືອນພຶດສະພານີ້

ໃນ 3 ເມືອງເປັນນະຄອນ ດັ່ງກ່າວໄດ້ແກ່ນະຄອນ ຫລວງພະບາງ, ນະຄອນ ໄກສອນ ພົມວິຫານ ແລະ ນະຄອນປາກເຊ.
ນີ້ມັນເປັນຜົນງານອັນ ຍິ່ງໃຫຍ່ ແລະ ເປັນໄຊ ຊະນະ ອັນຍອດຍິ່ງແຫ່ງການສ້າງ ສາ ພັດທະນາປະເທດຊາດ ຂອງພວກເຮົາ, ກ່ອນໜ້ານັ້ນ, ຫລາຍສັດຕະວັດ ບ້ານເມືອງ ໄດ້ຕົກທຸກໄດ້ຍາກ, ເປັນເມືອງ ຂຶ້ນຂອງສັກດີນາຕ່າງຊາດ ແລະ ລັດທິລ່າເມືອງຂຶ້ນຂອງ ຈັກກະພັດຜູ້ຮຸກຮານ.

- Wave100S AD to Website 2020 0 - ກຳເນີດ 3 ນະຄອນຢ້ອນຍຸກລາວຈະເລີນ

ເຮັດໃຫ້ປະເທດຊາດ ຂອງພວກເຮົາຫລ້າຫລັງ ແລະ ດ້ອຍພັດທະນາມາຕະຫລອດ ຊ້ຳບໍ່ໜຳສິ່ງທີ່ເສຍດາຍທີ່ສຸດໃນຊາຕາກຳຂອງຊາດບ້ານ ເມືອງໃນຍຸກປະຫວັດສາດ ຜ່ານມາ ແມ່ນເສຍພົນລະ ເມືອງ, ເສຍຊັບສິນ ແລະ ເສຍ ແຜ່ນດິນໄປກາຍເຄິ່ງໜຶ່ງ ຂອງປະເທດ, ມາຮອດຍຸກ ປັດຈຸບັນ, ຄຳວ່າປະເທດລ້ານ ຊ້າງນັ້ນເປັນພຽງແຕ່ຊື່ໃນ ບົດປະພັນ, ວັນນະຄະດີ, ບົດ ກາບກອນທີ່ພັນລະນາເຖິງ ພາບແຫ່ງຄວາມຫລັງ, ແຕ່ ເຖິງປານນັ້ນຊາດລາວ, ຄົນ ລາວ, ເລືອດລາວ ຍັງບໍ່ທັນ ຖືກຕັດຮາກຖອນໂຄນ, ຍັງມີ ວິລະບູລຸດລາວທີ່ນຳພາຕໍ່ສູ້ ຈົນສາມາດປົກປັກຮັກສາ ຜືນ ແຜ່ນດິນໃຫ້ເຫລືອໄວ້ສຳລັບ ຊາດລາວຄົນລາວ ຈົນມາ ຮອດຍຸກສະໄໝນີ້. ມາໃນປີ 1975 ພາຍໃຕ້ການນຳພາຕໍ່ ສູ້ຂອງພັກປະຊາຊົນປະຕິວັດ ລາວ, ສາມາດປົດປ່ອຍ ແລະ ຍາດເອົາໄຊຊະນະມາໃຫ້ຄົນ ລາວ ໃນຜືນແຜ່ນດິນທີ່ ເຫລືອ 236.800 ກິໂລແມັດມົນທົນ.

ຕະຫລອດໄລຍະ 40 ກວ່າປີແຫ່ງການສ້າງຕັ້ງສາ ທາລະນະລັດ ປະຊາທິປະໄຕ ປະຊາຊົນລາວ ປະເທດລາວ, ຊາດລາວ, ຄົນລາວໄດ້ກ້າວ ໄປຢ່າງບໍ່ຢຸດຢັ້ງໝາກຜົນ ຂອງການກຳເນີດ 3 ນະຄອນ ເປັນຜົນງານອັນຍິ່ງໃຫຍ່ ແລະ ໄຊຊະນະຢ່າງຖ້ວມທົ້ນໃນພາລະກິດສ້າງສາບ້ານເມືອງ ຕາມທິດສັງຄົມນິຍົມອັນເປັນ ເສັ້ນທາງເລືອກຂອງປວງ ຊົນລາວທັງຊາດ.

ບາດກ້າວ ໃໝ່ແຫ່ງການ ກຳເນີດຂອງນະຄອນຫລວງພະບາງ, ນະຄອນໄກສອນ ພົມວິຫານ ແລະ ນະຄອນ ປາກເຊ ເປັນສິ່ງຢັ້ງຢືນເຖິງ ຍຸກປະຫວັດສາດຂອງຊາດ ລາວ, ເຊິ່ງຍາມໃດກໍໄດ້ເຕົ້າ ໂຮມຮັກຫໍ່ ແລະ ສາມັກຄີກັນ ສ້າງບ້ານແປງເມືອງໃຫ້ຈະ ເລີນຮຸ່ງເຮືອງ ແລະ ເຂັ້ມແຂງ ຂຶ້ນເລື້ອຍໆ.

ຍັງອີກບໍ່ດົນ, ປະເທດ ລາວເຮົາ ກໍຈະໄດ້ຫລຸດພົ້ນ ອອກຈາກຄວາມທຸກຍາກ, ໃນມື້ປະກາດນັ້ນລະທຸກຄົນ ກໍຈະໄດ້ໄຊໂຍໂຫ່ຮ້ອງສະ ຫລອງໄຊຊະນະຄັ້ງປະຫວັດ ສາດທີ່ບໍ່ທັນເຄີຍມີມາຂອງ ຊາດລາວຄົນລາວ, ທຸງກາວົງ ເດືອນກໍຈະປິວສະບັດທົ່ວພື້ນພິພົບຢູ່ເມືອງລາວ, ລົດໄຟ ຄວາມໄວສູງຂ້ອຍກໍມີ, ລົດຈັກ ລົດເກງ, ລົດໃຫຍ່ຂ້ອຍກໍມີ, ຕູ້ ເຢັນ, ໂທລະທັດສີຂ້ອຍກໍມີ, ໂຮງຈັກໂຮງງານຂ້ອຍກໍມີ, ເຂື່ອນໄຟຟ້າຂ້ອຍກໍມີ, ໝາກ ປີບ້ານຂ້ອຍກໍມີກາບ, ຢາກ ຫຍັງຂ້ອຍກໍກິນໄດ້, ໄປທາງ ໃສຂ້ອຍກໍບໍ່ຍາກ, ປະເທດ ລ້ານຊ້າງອັນແສນຮັກ ແລະ ຫວງແຫນກໍຈະມີກິ່ນຫອມ ດ້ວຍອະລິຍະທຳ, ທຳມະຊາດ ພູຜາປ່າໄມ້ອັນສວຍງາມ, ອາ ກາດສົດຊື່ນ, ຮີດຄອງປະເພນີ ອັນເປັນເອກະລັກ ສິ່ງເຫລົ່າ ນີ້ ລະຈະເຮັດໃຫ້ປະເທດລາວ ມັ່ງຄັ່ງຮັ່ງມີ ອັນເປັນສິ່ງຈູງ ໃຈໃຜເຫັນແລ້ວກໍຢາກກັບ ມາທ່ຽວຊົມເມືອງລາວອີກ./.

 

- 32588578 431594960598670 1831458932158103552 o - ກຳເນີດ 3 ນະຄອນຢ້ອນຍຸກລາວຈະເລີນ
(ພາບປະກອບ)
- WhatsApp Image 2020 05 27 at 5 - ກຳເນີດ 3 ນະຄອນຢ້ອນຍຸກລາວຈະເລີນ
- WhatsApp Image 2020 05 27 at 5 - ກຳເນີດ 3 ນະຄອນຢ້ອນຍຸກລາວຈະເລີນ
error: Alert: ເນື້ອຫາຂ່າວມີລິຂະສິດ !!