ຄຸນປະໂຫຍດຈາກປາທະເລ ແລະ ປານ້ຳຈືດຕ່າງກັນແນວໃດ

- 053105 2018 -  ຄຸນປະໂຫຍດຈາກປາທະເລ ແລະ ປານ້ຳຈືດຕ່າງກັນແນວໃດ
- AGL banner -  ຄຸນປະໂຫຍດຈາກປາທະເລ ແລະ ປານ້ຳຈືດຕ່າງກັນແນວໃດ

 

ຈາກການວິໄຈ ແລະ ວິເຄາະສານອາຫານໃນປາທະເລ ແລະ ປານຳ້ຈືດທີ່ຄົນເຮົານິຍົມເອົາມາປຸງແຕ່ງເປັນອາຫານກິນ ຫລາຍໆຊະນິດ ພົບວ່າ : ປະລິມານໂປຣຕິນໃນປາທະເລ ແລະ ປານຳ້ຈືດທີ່ຍັງບໍ່ຜ່ານການປຸງສຸກມີປະລິມານບໍ່ແຕກຕ່າງກັນ ຄື : ປາທະເລມີປະລິມານໂປຣຕິນ 18 – 22 ກຣາມຕໍ່ 100 ກຣາມ. ສ່ວນປານຳ້ຈືດມີປະລິມານໂປຣຕິນ 17 – 20 ກຣາມຕໍ່ 100 ກຣາມ.

ເມື່ອປຽບທຽບປະລິມານໂປຣຕິນຂອງປາທະເລ ແລະ ປານຳ້ຈືດ ຈຶ່ງສາມາດສະຫລຸບໄດ້ວ່າ : ຖ້າກິນປາເພື່ອໃຫ້ຮ່າງກາຍໄດ້ຮັບໂປຣຕິນຢ່າງຄົບຖ້ວນ ສາມາດກິນໄດ້ທັງປາທະເລ ແລະ ປານຳ້ຈືດ, ແຕ່ຖ້າຫາກເບິ່ງເຖິງການໄດ້ຮັບກົດໄຂມັນໂອເມກ້າ 3 ປາທີ່ອຸດົມໄປດ້ວຍໂອເມກ້າ 3 ໄດ້ແກ່ : ປາທີ່ອາໄສຢູ່ໃນທະເລນຳ້ເລິກ ດັ່ງປາແຊວມັອນ, ປາທູນ່າ ເຊິ່ງສ່ວນຫລາຍຈະເປັນປາທະເລທັງໝົດ ເນື່ອງຈາກວ່າປາທະເລຈະກິນອາຫານທີ່ອຸດົມໄປດ້ວຍໂອເມກ້າ 3 ຍິ່ງປາໄດ້ລອຍ ແລະ ມີຊີວິດຢູ່ໃນທ້ອງທະເລດົນເທົ່າໃດ ໂອກາດໃນການສະສົມກົດໄຂມັນໂອເມກ້າ 3 ກໍເພີ່ມຂຶ້ນເທົ່ານັ້ນ.

- Wave100S AD to Website 2020 0 -  ຄຸນປະໂຫຍດຈາກປາທະເລ ແລະ ປານ້ຳຈືດຕ່າງກັນແນວໃດ

ເຫດຜົນອີກປະການໜຶ່ງທີ່ຕ້ອງກິນປາທະເລກໍຄື : ປາທະເລມີໂຊດຽມ ໄດ້ແກ່ : ຄລໍຣີນ, ຟລູໂອຣີນ ແລະ ໄອໂອດີນ ທີ່ຊ່ວຍປ້ອງກັນພະຍາດຄໍໜຽງ, ຄໍເອີມ ແລະ ການເຕີບໃຫຍ່ຊ້າກ່ວາປົກກະຕິ. ສ່ວນປານຳ້ຈືດເຖິງວ່າຈະມີໂປຕັສຊຽມຫລາຍກ່ວາປາທະເລ, ແຕ່ຮ່າງກາຍຕ້ອງການໂຊດຽມຫລາຍກ່ວາໂປຕັສຊຽມ 30 – 40 ເທົ່າ ການກິນປາທະເລຈຶ່ງໄດ້ສານອາຫານທີ່ຈຳເປັນຕໍ່ຮ່າງກາຍຫລາຍກ່ວາ. ປະລິມານແນະນຳໃຫ້ບໍລິໂພກຕໍ່ມື້ແມ່ນ 2.400 ມິນລີກຣາມ ຈຶ່ງຖືວ່າການກິນປານຳ້ຈືດ ແລະ ປາທະເລບໍ່ໄດ້ເຮັດໃຫ້ເກີດຜົນຮ້າຍຕໍ່ຜູ້ທີ່ມີບັນຫາເລື່ອງຄວາມດັນເລືອດສູງ. ນອກຈາກນີ້ການກິນປາໝົດໂຕ ລວມທັງກ້າງ ເຊັ່ນ : ປາໂຕນ້ອຍໆ, ປາກະປ໋ອງ ຈະໄດ້ຮັບທາດການຊຽມ, ແມັກນີຊຽມ ແລະ ຟົສຟໍ ເຊິ່ງສານອາຫານເຫລົ່ານີ້ຊ່ວຍບຳລຸງກະດູກ ແລະ ແຂ້ວໃຫ້ແຂງແຮງ, ຊ່ວຍໃຫ້ລະບົບເຜົາຜານພະລັງງານຂອງຮ່າງກາຍເຮັດວຽກດີ ແລະ ເປັນສ່ວນສຳຄັນໃນການເກັບ ແລະ ຂົນສົ່ງພະລັງງານ.

-    AD conten website -  ຄຸນປະໂຫຍດຈາກປາທະເລ ແລະ ປານ້ຳຈືດຕ່າງກັນແນວໃດ
- lattana banner -  ຄຸນປະໂຫຍດຈາກປາທະເລ ແລະ ປານ້ຳຈືດຕ່າງກັນແນວໃດ
- lattana banner 1 -  ຄຸນປະໂຫຍດຈາກປາທະເລ ແລະ ປານ້ຳຈືດຕ່າງກັນແນວໃດ
error: Alert: ເນື້ອຫາຂ່າວມີລິຂະສິດ !!