ຢຸດເສີບແກງຫູສະຫລາມໃນງານລ້ຽງຢ່າງເປັນທາງການ

- 013105 2018 - ຢຸດເສີບແກງຫູສະຫລາມໃນງານລ້ຽງຢ່າງເປັນທາງການ
- Untitled design - ຢຸດເສີບແກງຫູສະຫລາມໃນງານລ້ຽງຢ່າງເປັນທາງການ

ລັດຖະບານຮົງກົງປະກາດຍຸຕິການເສີບແກງຫູສະຫລາມໃນງານລ້ຽງຢ່າງເປັນທາງການເພື່ອໃຫ້ເປັນໂຕຢ່າງທີ່ດີ ຫລັງກຸ່ມອະນຸລັກສິ່ງແວດລ້ອມພະຍາຍາມສົ່ງເສີມເລື່ອງນີ້ມາໂດຍຕະຫລອດ.

ຕາມການລາຍງານຂ່າວຕ່າງປະເທດຈາກເຂດປົກຄອງພິເສດຮົງກົງ ເມື່ອບໍ່ດົນມານີ້ວ່າ : ຮົງກົງຖືເປັນອີກໜຶ່ງຕະຫລາດ ໃຫຍ່ທີ່ສຸດໃນໂລກສຳລັບແກງຫູສະຫລາມ ເຊິ່ງຖືວ່າເປັນອາຫານຈານແຊບ ແລະ ມັກຈະເສີບໃນງານລ້ຽງໂຕະຈີນ, ແຕ່ຫູສະ ຫລາມກັບປາທູນ່າບລູຟິນ ກໍຢູ່ພາຍໃຕ້ຂໍ້ຮຽກຮ້ອງໃຫ້ຍຸຕິການບໍລິໂພກ ເຮັດໃຫ້ພາກລັດຄຳນຶງໃນເລື່ອງນີ້ ຈາກການສົ່ງເສີມຂອງ ກຸ່ມອະນຸລັກສິ່ງແວດລ້ອມເພາະຢ້ານວ່າຈະສູນພັນໄປໄດ້.

ການຈຳກັດບໍ່ນຳອາຫານ 2 ຊະນິດນີ້ຢູ່ໃນລາຍການອາຫານໃນງານລ້ຽງຢ່າງເປັນທາງການຈຶ່ງເປັນພຽງຈຸດເລີ່ມຕົ້ນ ແລະ ຈະເປັນໂຕຢ່າງທີ່ດີສຳລັບການຍົກບັນຫາໃຫ້ສາທາລະນະຊົນໄດ້ຮັບຮູ້ ແລະ ຕື່ນໂຕເລື່ອງສິ່ງແວດລ້ອມ ລັດຖະບານຮົງກົງຈຶ່ງຂໍເປັນໂຕຢ່າງໃນເລື່ອງນີ້.

ການຄ້າຫູສະຫລາມບໍ່ຖືວ່າຜິດກົດໝາຍໃນຮົງກົງ ຍົກເວັ້ນສະຫລາມ 3 ສາຍພັນ ຄື : ສະຫລາມບາສກິ້ນ, ສະຫລາມຂາວ ແລະ ສະຫລາມວານ ເຊິ່ງທາງໂຊເຕສ ຫລື ອະນຸສັນຍາວ່າດ້ວຍການຄ້າລະຫ່ວາງປະເທດ ເຊິ່ງຊະນິດສັດປ່າ ແລະ ພືດປ່າທີ່ໃກ້ສູນພັນ ກໍມີ ຮົງກົງເປັນປະເທດຜູ້ລົງນາມນຳ ແລະ ກຸ່ມອະນຸລັກສິ່ງແວດລ້ອມ ປະເມີນວ່າ : ມີສະຫລາມກ່ວາ 70 ລ້ານໂຕຖືກຂ້າໃນແຕ່ລະປີ ເພື່ອນຳເອົາຄີຂອງມັນມາເຮັດເປັນອາຫານ.

- Wave100S AD to Website 2020 0 - ຢຸດເສີບແກງຫູສະຫລາມໃນງານລ້ຽງຢ່າງເປັນທາງການ
- WhatsApp Image 2020 05 27 at 5 - ຢຸດເສີບແກງຫູສະຫລາມໃນງານລ້ຽງຢ່າງເປັນທາງການ
- WhatsApp Image 2020 05 27 at 5 - ຢຸດເສີບແກງຫູສະຫລາມໃນງານລ້ຽງຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!