U16 ຍິງທີມຊາດລາວ ຢູ່ກຸ່ມບີ ຮອບຄັດເລືອກຊິງແຊ້ມອາຊີ 2019

- 33980131 233619880740145 4296783951202091008 n - U16 ຍິງທີມຊາດລາວ ຢູ່ກຸ່ມບີ ຮອບຄັດເລືອກຊິງແຊ້ມອາຊີ 2019
- Untitled design - U16 ຍິງທີມຊາດລາວ ຢູ່ກຸ່ມບີ ຮອບຄັດເລືອກຊິງແຊ້ມອາຊີ 2019

ໃນວັນທີ 30 ພຶດສະພາ​ແລ້ວ​ນີ້ ທີ່ສຳນັກງານໃຫຍ່ສະຫະພັນບານເຕະອາຊີ ຫລື AFC ຢູ່ນະຄອນຫລວງກົວລາລໍາເປີ ປະເທດມາເລຍ ໄດ້ທໍາການຈັບສະຫລາກການແຂ່ງຂັນບານ​ເຕະຍິງ ຮຸ່ນອາຍຸບໍ່ເກີນ 16 ປີ ແລະ 19 ປີ ຮອບຄັດເລືອກ ປີ 2019 ຊຶ່ງ U16 ຍິງທີມຊາດລາວ ເຂົ້າຮ່ວມຄັດເລືອກເປັນຄັ້ງທີ 2 ຕິດຕໍ່ກັນ. ຄັ້ງນີ້ຈັບສະຫລາກມາຢູ່ກຸ່ມບີ ຮ່ວມກັບ ອິນເດຍ, ຮົງກົງ, ປາກິດສະຖານ ແລະ ມົງໂກລີ ເຈົ້າພາບ ຮອບຄັດເລືອກກຸ່ມບີ. ນັດທີ 1 U16 ຍິງທີມຊາດລາວ ພົບກັບ ປາກິດສະຖານ ວັນທີ 7 ກັນຍາ 2018, ນັດທີ 2 ພົບກັບ ມົງໂກລີ ວັນທີ 9 ກັນຍາ 2018, ນັດທີ 3 ພົບກັບ ຮົງກົງ ວັນທີ 11 ກັນຍາ 2018, ນັດທີ 4 ພົບກັບ ອິນເດຍ ວັນທີ 13 ກັນຍາ 2018.

ການຄັດເລືອກຄັ້ງນີ້ມີ 30 ທີມເຂົ້າຮ່ວມ ຊຶ່ງຮອບຄັດເລືອກຮອບທີ 1 ແບ່ງອອກເປັນ 6 ກຸ່ມ, ແຂ່ງພົບກັນຫມົດໃນກຸ່ມ ແລ້ວຄັດເອົາທີ 1 ຂອງກຸ່ມ ແລະ ທີ 2 ດີສຸດ 2 ທີມຈາກ 6 ກຸ່ມ ເຂົ້າສູ່ຮອບຄັດເລືອກຮອບທີ 2 ທີ່ມີ 8 ທີມ. ໃນຮອບຄັດເລືອກຮອບທີສອງ 8 ທີມ ແບ່ງອອກເປັນ 2 ກຸ່ມ, ກຸ່ມລະ 4 ທີມ, ແຂ່ງພົບກັນຫມົດໃນກຸ່ມ ແລ້ວຄັດເອົາທີ 1 ແລະ ທີ 2 ຂອງສອງກຸ່ມເຂົ້າສູ່ຮອບສຸດທ້າຍທີ່ປະເທດໄທ ໃນປີ 2019, ສ່ວນແຊ້ມເກົ່າ ສປປ ເກົາຫລີ, ຮອງແຊ້ມ ສ ເກົາຫລີ ແລະ ຍີ່ປຸ່ນ ອັນດັບ 3 ຈາກຄັ້ງຜ່ານມາ ໄດ້ສິດພິເສດເຂົ້າຮ່ວມຮອບສຸດທ້າຍທັນທີ ເຫມືອນກັບເຈົ້າພາບໄທ, ແຕ່ U16 ຍິງຂອງໄທ ຂໍຮ່ວມແຂ່ງຂັນຮອບຄັດເລືອກເພື່ອທົດສອບທີມ. ທີມທີ່ຕິດອັນດັບ 1 ໃນ 3 ຂອງອາຊີ ເປັນຕົວແທນທະວີບອາຊີຮ່ວມການແຂ່ງຂັນ U17 ປີ ຊິງແຊ້ມໂລກ ໃນປີ 2020.

ໃນປີ 2017 U16 ຍິງທີມຊາດລາວ ເຂົ້າຮ່ວມຄັ້ງທຳອິດ ສ້າງຄວາມປະທັບໃຈໃຫ້ແຟນບານທົ່ວປະເທດ ສາມາດຜ່ານການຄັດເລືອກສູ່ຮອບສຸດທ້າຍ.

- Wave100S AD to Website 2020 0 - U16 ຍິງທີມຊາດລາວ ຢູ່ກຸ່ມບີ ຮອບຄັດເລືອກຊິງແຊ້ມອາຊີ 2019

ສ່ວນ U19 ຍິງທີມຊາດລາວ ສົ່ງເຂົ້າຮ່ວມຄັດເລືອກຄັ້ງທໍາອິດ ຖືກຈັດຢູ່ກຸ່ມເອັຟ ຮ່ວມກັບ ມຽນມາ (ເຈົ້າພາບຮອບຄັດເລືອກກຸ່ມນີ້), ອີຣານ ແລະ ປາ​ແລັສຕິນ. ນັດທີ 1 U19 ຍິງທີມຊາດລາວ ພົບກັບ ມຽນມາ ວັນທີ 24 ຕຸລາ 2018, ນັດທີ 2 ພົບກັບ ອີຣານ ວັນທີ 26 ຕຸລາ 2018 ແລະ ນັດທີ 3 ພົບກັບ ປາ​ແລັສຕິນ ວັນທີ 28 ຕຸລາ 2018.
ຮູບແບບການຄັດເລືອກເຊັ່ນດຽວກັບ U16 ເພດຍິງ. ສ່ວນແຊ້ມເກົ່າ ຍີ່ປຸ່ນ, ຮອງແຊ້ມ ສປປ ເກົາຫລີ ແລະ ສປ ຈີນ ອັນດັບ 3 ຈາກຄັ້ງຜ່ານມາ ໄດ້ສິດພິເສດເຂົ້າຮ່ວມຮອບສຸດທ້າຍທັນທີ ເຫມືອນກັບເຈົ້າພາບໄທ, ທີມທີ່ຕິດອັນດັບ 1 ໃນ 3 ຂອງອາຊີ ເປັນຕົວແທນທະວີບອາຊີຮ່ວມການແຂ່ງຂັນ U20 ປີ ຊິງແຊ້ມໂລກ ໃນປີ 2020.

- WhatsApp Image 2020 05 27 at 5 - U16 ຍິງທີມຊາດລາວ ຢູ່ກຸ່ມບີ ຮອບຄັດເລືອກຊິງແຊ້ມອາຊີ 2019
- WhatsApp Image 2020 05 27 at 5 - U16 ຍິງທີມຊາດລາວ ຢູ່ກຸ່ມບີ ຮອບຄັດເລືອກຊິງແຊ້ມອາຊີ 2019
error: Alert: ເນື້ອຫາຂ່າວມີລິຂະສິດ !!