ກະຕໍ້ທີມຊາດລາວຝຶກຊ້ອມກຽມເຂົ້າຮ່ວມ ກິລານັກຮຽນອາຊຽນ ທີ່ມາເລເຊຍ

- 34011309 785131591697416 8851964211652198400 n - ກະຕໍ້ທີມຊາດລາວຝຶກຊ້ອມກຽມເຂົ້າຮ່ວມ ກິລານັກຮຽນອາຊຽນ ທີ່ມາເລເຊຍ
- Untitled design - ກະຕໍ້ທີມຊາດລາວຝຶກຊ້ອມກຽມເຂົ້າຮ່ວມ ກິລານັກຮຽນອາຊຽນ ທີ່ມາເລເຊຍ

ສະຫະພັນກິລາກະຕໍ້ ແລະ ຊິນລອນແຫ່ງຊາດລາວ ໄດ້ຝຶກຊ້ອມກຽມຄວາມພ້ອມເຂົ້າຮ່ວມການແຂ່ງຂັນງານມະຫາກໍາກິລານັກຮຽນອາຊຽນ ຄັ້ງທີ 10 ທີ່ປະເທດມາເລເຊຍ ເຊິ່ງຈະຈັດຂຶ້ນທ້າຍເດືອນກໍລະກົດ 2018.

ອີງຕາມຂໍ້ມູນຈາກສະຫະ​ພັນກິລາ​ກະຕໍ້​ ​ແລະ ຊິນ​ລອນແຫ່ງ​ຊາດ​ລາວ ​ໄດ້​ແຈ້ງ​ໃຫ້​ຊາບ​ວ່າ: ປັດຈຸບັນທາງສະຫະພັນກະຕໍ້ແຫ່ງຊາດລາວ ສາມາດຄັດເລືອກນັກ​ກິລາໄດ້ເປັນທີ່ຮຽບຮ້ອຍແລ້ວຈໍານວນ 12 ນັກກິລາເປົ້າໝາຍຕາງ​ໜ້າ​ນັກ​ກິລາ​ກະຕໍ້​ນັກຮຽນ​ລາວ ​ເພື່ອ​ກຽມ​ເຂົ້າ​ຮ່ວມ​ການ​ແຂ່ງຂັນກິລາ​ກະຕໍ້ ໃນ​ງານ​ມະຫາ​ກຳ​ກິລາ​ນັກຮຽນ​ອາ​ຊຽນ ຄັ້ງ​ທີ 10 ​ປະ​ເທດ​ມາ​ເລ​ເຊຍ ລະຫວ່າງ​ວັນ​ທີ 19-27 ​ກໍລະກົດ 2018 ​ນີ້. ຫລັງ​ຈາກນັ້ນກໍໄດ້​​ເຝິກຊ້ອມ​ຢ່າງ​ຕໍ່ເນື່ອງ​ທີ່​ສະ​ໂມ​ສອນ​ກິລາ​ໃນ​ຮົ່ມ ​ໂອ​ແລມປາ​ເຊຍ ​ວິທະຍາ​ເຂດດົງ​​ໂດກ ​ເມືອງ​​ໄຊ​ທານີ ນະ​ຄອນຫລວງ​ວຽງ​ຈັນ ແລະ ຢູ່ໂຮງຮຽນ​ມັດທະຍົມ​ສຶກສາ ​ເຈົ້າ​ອານຸວົງ ​ເມືອງ​ຈັນທະ​ບູລີ.

ການເຂົ້າຮ່ວມແຂ່ງຂັນຄັ້ງນີ້ຈະເຂົ້າຮ່ວມ 3 ລາຍການຄື: ປະ​ເພດ​ທີ​ມດ່ຽວ​ຊາຍ, ທີ​ມຄູ່​ຊາຍ ​ແລະ ທີ​ມຊຸດ​ຊາຍ. ນອກຈາກນັ້ນ ທາງກົມ​ພະລະ ​ແລະ ສິລະ​ປະ​ສຶກສາ ​ກະຊວງ​ສຶກສາ​ທິການ ​ແລະ ກິລາ ຈະ​ສົ່ງຄະນະ​ນຳຄູ​ເຝິກ ​ແລະ ​ທັບ​ນັກ​ກິລາ​ນັກຮຽນ​ລາວ​ເຂົ້າ​ຮ່ວມທັງ​ໝົດ 73 ຄົນ, ​ໃນ​ນັ້ນ ສະ​ເພາະ​ນັກ​ກິລາ​ມີ 48 ຄົນ ຈາກ 4 ປະ​ເພດ​ ປະກອບ​ມີ: ດອກ​ປີກ​ໄກ່ 12 ຄົນ, ​ແລ່ນ-ລານ 17 ຄົນ, ກະຕໍ້ 12 ຄົນ ​ແລະ ລອຍ​ນໍ້າ 7 ຄົນ.

- Wave100S AD to Website 2020 0 - ກະຕໍ້ທີມຊາດລາວຝຶກຊ້ອມກຽມເຂົ້າຮ່ວມ ກິລານັກຮຽນອາຊຽນ ທີ່ມາເລເຊຍ
- WhatsApp Image 2020 05 27 at 5 - ກະຕໍ້ທີມຊາດລາວຝຶກຊ້ອມກຽມເຂົ້າຮ່ວມ ກິລານັກຮຽນອາຊຽນ ທີ່ມາເລເຊຍ
- WhatsApp Image 2020 05 27 at 5 - ກະຕໍ້ທີມຊາດລາວຝຶກຊ້ອມກຽມເຂົ້າຮ່ວມ ກິລານັກຮຽນອາຊຽນ ທີ່ມາເລເຊຍ
error: Alert: ເນື້ອຫາຂ່າວມີລິຂະສິດ !!