ສົ່ງເສີມການທ່ອງທ່ຽວຢ່າໃຫ້ສວານທາງກັນ

- 31934054 601450533521501 2167686714598883328 n - ສົ່ງເສີມການທ່ອງທ່ຽວຢ່າໃຫ້ສວານທາງກັນ
- AGL banner - ສົ່ງເສີມການທ່ອງທ່ຽວຢ່າໃຫ້ສວານທາງກັນ

ສະບາຍດີ, ເພື່ອນຜູ້ອ່ານ ທີ່ຮັກແພງ, ບົດຂຽນນີ້ ຈຸດປະ ສົງຫລັກ ແມ່ນຊາຍພະເນ ຈອນ ຢາກຍົກໃຫ້ເຫັນສະພາບ ຄວາມເປັນຈິງຂອງການບໍລິ ການທ່ອງທ່ຽວຢູ່ປະເທດ ເຮົາກໍ ດັ່ງຮູ້ນຳກັນແລ້ວວ່າປີ 2018 ນີ້ ເປັນປີທ່ອງທ່ຽວ ລາວ, ເຊິ່ງນັບແຕ່ເດືອນມັງ ກອນມາຮອດປັດຈຸບັນເຫັນ ວ່າ ຫລາຍແຂວງກໍໄດ້ມີການ ຈັດງານເປີດປີທ່ອງທ່ຽວຂອງ ຕົນເອງດ້ວຍຄວາມຟົດຟື້ນ ແລະ ສົມກຽດເພື່ອແນໃສ່ ດຶງດູດນັກທ່ອງທ່ຽວເຂົ້າມາ ທ່ຽວລາວຫລາຍຂຶ້ນ ແລະ ໄປ ພ້ອມໆ ກັນນັ້ນເບື້ອງມະຫາ ກໍໄດ້ແນະນຳໃຫ້ຜູ້ປະກອບ ການອາຊີບດັ່ງກ່າວເອົາ ໃຈໃສ່ຄຸນນະພາບການບໍລິ ການໃຫ້ແຂກຜູ້ມາທ່ຽວມີ ຄວາມປະທັບໃຈ-ນັບທັງການ ເອົາໃຈໃສ່ພັດທະນາແຫລ່ງ ທ່ອງທ່ຽວໃຫ້ມີຄວາມງົດ ງາມ, ຖະໜົນຫົນທາງເຂົ້າ ອອກໃຫ້ສະດວກສະບາຍ, ການບໍລິການໂຮງແຮມບ້ານ ພັກ ແລະ ຮ້ານອາຫານຕ່າງໆ ຕ້ອງມີຄຸນນະພາບຕະຫລອດ ຮອດການຕ້ອນຮັບກໍຕ້ອງ ເປັນທີ່ຈັບອົກຈັບໃຈມາແລ້ວ ຢາກມາອີກ.

 

ເມືອງ​ນາ​ຊາຍ​ທອງ​ເປີດ​ປີ​ທ່ອງ​ທ່ຽວ 2018

ທ່ຽວຕາດປ່າໄລ່

ແຕ່ກົງກັນຂ້າມໃນຜ່ານ ມາ, ການບໍລິການພວກເຮົາ ຍັງບໍ່ເຮັດໄດ້ດີເທົ່າທີ່ຄວນ, ການເວົ້າຈາກັບແຂກຜູ້ມາ ທ່ຽວຍັງບໍ່ສຸພາບ    ຮຽບຮ້ອຍ, ໂດຍສະເພາະຜູ້ເຮັດບໍລິການ ຢູ່ ແຫລ່ງທ່ອງທ່ຽວຕ່າງໆ, ຍິ່ງກວ່ານັ້ນການເກັບຄ່າບໍລິ ການກໍມີລາຄາສູງ, ບໍ່ສົມເຫດ ສົມຜົນ, ດັ່ງບາງແຫລ່ງທ່ອງ ທ່ຽວທີ່ພາກເອກະຊົນຢູ່ນະ ຄອນຫລວງວຽງຈັນ ເຂົ້າສຳ ປະທານຄື: ການເກັບຄ່າຝາກ ລົດຄັນລະ 20-30 ພັນກີບ, ຄ່າເຊົ່າຕູບກໍມີລາຄາສູງເຖິງ 30-40 ພັນກີບ, ເຊິ່ງຍັງບໍ່ ທັນໄດ້ເວົ້າເຖິງລາຄາ ຂອງ ອາຫານການກິນກໍບໍ່ເໝາະ ສົມຄືຕົ້ມໄກ່ລາດໂຕໜຶ່ງ ຈະຢູ່ ລະຫວ່າງ 1 ແສນ ກີບຂຶ້ນໄປ, ແກງໜໍໄມ້ໝໍ່ໜຶ່ງກໍຈະຢູ່ລະ ຫວ່າງແສນສິບ- ແສນຊາວ.
ຈາກສິ່ງດັ່ງກ່າວຈິ່ງເຮັດ ໃຫ້ຜູ້ເຂົ້າໄປທ່ຽວລາບປານ ບັກລາອີ່ມເຂົ້າຫລາມແລ້ວ ເກີດມີຫາງສຽງວິພາກ ວິຈານແຜ່ກະຈາຍໄປທົ່ວ ສັງຄົມ.

- Wave100S AD to Website 2020 0 - ສົ່ງເສີມການທ່ອງທ່ຽວຢ່າໃຫ້ສວານທາງກັນ

ດັ່ງນັ້ນ ຖ້າຂະແໜງມະ ຫາພາກພວກເຮົາຫາກບໍ່ມີ ການປັບປຸງແກ້ໄຂ ແລະ ມີ ມາດຕະການຄວບຄຸມແທ້ກໍ ອາດຈະເຮັດໃຫ້ວຽກງານ ການທ່ອງທ່ຽວພາຍໃນປະ ເທດເຮົາຍືນຍົງຄົງຕົວໄດ້ ຍາກ ແລະ ເປັນການສວານ ທາງກັບການສົ່ງເສີມການ ທ່ອງທ່ຽວລາວໃຫ້ກາຍເປັນ ກຳລັງແຮງນຳເອົາເງິນຕາ ມາສູ່ປະເທດໄດ້ ແລະ ໂດຍ ມີ ເປົ້າໝາຍດຶງດູດນັກທ່ອງ ທ່ຽວເຂົ້າມາທ່ຽວລາວ ໃຫ້ ໄດ້ 5 ລ້ານເທື່ອຄົນ ແລະ ນຳ ລາຍຮັບມາສູ່ປະເທດໃຫ້ໄດ້ 900 ລ້ານໂດລາສະຫະລັດ ຂຶ້ນໄປ.

ດັ່ງນັ້ນເພື່ອບັນລຸເປົ້າ ໝາຍດັ່ງກ່າວຂະແໜງມະຫາ ພາກຈະຕ້ອງໄດ້ອອກແຮງ ຄວບຄຸມການບໍລິການທ່ອງ ທ່ຽວຢູ່ປະເທດເຮົາໃຫ້ດີຂຶ້ນ ກວ່າເກົ່າເພື່ອບໍ່ໃຫ້ສວານທາງ ກັບຍຸດທະສາດຂອງພວກ ເຮົາ, ຖ້າບໍ່ດັ່ງນັ້ນກໍອາດຈະ ສົ່ງຜົນກະທົບໃຫ້ການທ່ອງ ທ່ຽວລາວນັບມື້ຖອຍຫລັງ ກໍເປັນໄດ້.

ພ້ອມນັ້ນ, ບັນດາຂະ ແໜງການກ່ຽວຂ້ອງກໍຄວນ ລົງໄປກວດກາເບິ່ງຄວາມເປັນ ຈິງໃນດ້ານຄຸນນະພາບການບໍ ລິການກໍຄືດ້ານລາຄາ ແລະ ຄ່າບໍລິການຕ່າງໆພາຍໃນສະ ຖານທີ່ທ່ອງທ່ຽວຕ່າງໆ ເລົ່າ ນັ້ນເພື່ອຈະມີທິດທາງປັບປຸງ ແກ້ໄຂໃຫ້ສອດຄ່ອງ, ຄ່າຝາກ ລົດຈະເກັບແນວໃດ, ປີ້ຜ່ານ ປະຕູເດເອົາທໍ່ໃດ, ນັບທັງການ ບໍລິການອາຫານການກິນດື່ມ ຕ່າງໆ ໃຫ້ເໝາະສົມ./.

- 31934054 601450533521501 2167686714598883328 n - ສົ່ງເສີມການທ່ອງທ່ຽວຢ່າໃຫ້ສວານທາງກັນ
(ພາບປະກອບ)
- lattana banner 1 - ສົ່ງເສີມການທ່ອງທ່ຽວຢ່າໃຫ້ສວານທາງກັນ
-    AD conten website - ສົ່ງເສີມການທ່ອງທ່ຽວຢ່າໃຫ້ສວານທາງກັນ
- lattana banner - ສົ່ງເສີມການທ່ອງທ່ຽວຢ່າໃຫ້ສວານທາງກັນ
error: Alert: ເນື້ອຫາຂ່າວມີລິຂະສິດ !!