ນາຍົກລັດຖະມົນຕີຢ້ຽມຢາມສູນເສຍອົງຄະ 185

- pm dd - ນາຍົກລັດຖະມົນຕີຢ້ຽມຢາມສູນເສຍອົງຄະ 185
- Untitled design - ນາຍົກລັດຖະມົນຕີຢ້ຽມຢາມສູນເສຍອົງຄະ 185

ໃນວັນທີ 31 ພຶດສະພາ ນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ເດີນທາງໄປຢ້ຽມຢາມສູນເສຍອົງຄະ 185, ໂດຍການໃຫ້ກຽດຕ້ອນຮັບຂອງ ທ່ານ ບຸນຖອງ ດີວິໄຊ ເຈົ້າແຂວງຈໍາປາສັກ, ບັນດາອໍານາດການປົກຄອງເມືອງ ​ແລະ ປະຊາຊົນເມືອງປາຈຽງຈະເລີນສຸກ, ແຂວງຈໍາປາສັກ ໃຫ້ການຕ້ອນຮັບ ຢ່າງອົບອຸ່ນ.

ໂອກາດດັ່ງກ່າວ, ທ່ານ ຄໍາໃບ ຄໍາເສນາ ຫົວໜ້າສູນເສຍອົງຄະ 185 ໄດ້ສະແດງຄວາມຍິນດີຕ້ອນຮັບ ທ່ານນາຍົກລັດຖະມົນຕີ ພ້ອມດ້ວຍຄະນະ ແລະ ​ໄດ້ລາຍງານກ່ຽວກັບປະຫວັດຄວາມເປັນຂອງສູນເສຍອົງຄະດັ່ງກ່າວ, ທີ່ໄດ້ຮັບການສ້າງຕັ້ງຂຶ້ນ ​ເມື່ອ​ຕົ້ນ​ປີ 1985 ຢູ່ທີ່ບ້ານລົ່ມສັກເໜືອ,  ​ເມືອງ ບາຈຽງຈະເລີນສຸກ, ເນື້ອທທີ່​ກ້ວາງ 110 ເຮັກຕາ, ພາຍຫລັງ​ໄດ້ຍົກຍ້າຍມາຈາກກອງພັນທີ 18 ເມືອງວຽງໄຊ, ແຂວງຫົວພັນ ຊຶ່ງ, ປັດຈຸບັນສູນດັ່ງກ່າວແມ່ນຂຶ້ນກັບພະແນກແຮງງານ ແລະ ສະຫວັດດີການສັງຄົມ ແຂວງຈໍາປາສັກ ​ແລະ ​ໄໄດ້ຮັບການ​ເບິ່ງ​ແຍງ​ດູ​ແລ​ເປັນຢ່າງດີຈາກພັກ-ລັດ ໂດຍສະເພາະແມ່ນອໍານາດການປົກຄອງແຂວງຈໍາປາສັກ, ຕະຫລອດມາ  ເປັນຕົ້ນແມ່ນການປຸກສ້າງທີ່ຢູ່ອາໃສ ແລະ ອື່ນໆ ອັນໄດ້ເຮັດໃຫ້ຜູ້ເສຍອົງຄະພາຍ​ແຫ່ງ​ນີ້ມີຊິດເປັນຢູ່ດີຂຶ້ນ

ໃນໂອກາດນີ້, ທ່ານນາຍົກລັດຖະມົນຕີ ໄດ້ມີຄໍາເຫັນໂອ້ລົມ ແລະ ​ແນະນຳໃຫ້ສູນດັ່ງກ່າວ ສືບຕໍ່ເອົາໃຈໃສ່ ສຶກສາອົບຮົມລູກຫລານຂອງຕົນ ໃຫ້ຮ່າງໄກຈາກສິ່ງທີ່ບໍ່ດີຕ່າງໆ, ຢຶດໜັ້ນຄວາມເປັນແບບຢ່າງ ແລະ ຮັກສາມູນເຊື້ອຂອງນັກຮົບປະຕິວັດ ເພື່ອໃຫ້ຄົນຮຸ່ນໃໝ່ນໍາເອົາເປັນແບບຢ່າງ ເພື່ອກາຍເປັນຜູ້ສືບທອດໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຈະເລີນຮຸ່ງ ເຮືອງໃນຕໍ່ໜ້າ. ພ້ອມດຽກັນນີ້, ທ່ານນາຍົກລັດຖະມົນຕີ ຍັງໄດ້ມອບເງິນຊ່ວຍ ເຫລືອຈໍານວນໜຶ່ງໃຫ້ແກ່ສູນດັ່ງກ່າວເພື່ອປະກອບສ່ວນເຂົ້າ ໃນການພັດທະນາວຽກງານຂອງສູນ​ໃຫ້​ມີ​ການ​ປັບປຸງ​ດີ​ຂຶ້ນ.

- Wave100S AD to Website 2020 0 - ນາຍົກລັດຖະມົນຕີຢ້ຽມຢາມສູນເສຍອົງຄະ 185
- WhatsApp Image 2020 05 27 at 5 - ນາຍົກລັດຖະມົນຕີຢ້ຽມຢາມສູນເສຍອົງຄະ 185
- WhatsApp Image 2020 05 27 at 5 - ນາຍົກລັດຖະມົນຕີຢ້ຽມຢາມສູນເສຍອົງຄະ 185
error: Alert: ເນື້ອຫາຂ່າວມີລິຂະສິດ !!