ມຊ ຈັດ​ຕະຫຼາດນັດ​ສະໝັກ​ງານຄັ້ງທີ 8

- job fair - ມຊ ຈັດ​ຕະຫຼາດນັດ​ສະໝັກ​ງານຄັ້ງທີ 8
- Untitled design - ມຊ ຈັດ​ຕະຫຼາດນັດ​ສະໝັກ​ງານຄັ້ງທີ 8

ໃນວັນທີ 30-31 ພຶດສະພາ ນີ້, ມະຫາ​ວິທະຍາ​​ໄລ​ແຫ່ງ​ຊາດ​ (ມຊ) ໄດ້​ຈັດ​ງານ​ຕະຫຼາດນັດ​ສະໝັກ​ງານ ​ຄັ້ງທີ 8 ​ຂຶ້ນ, ໂດຍການ​ເຂົ້າ​ຮ່ວມ​ຂອງ​ທ່ານ ນາງ ສົມ​ຈັນ ບຸນ​ພັນ​ມີ ຮອງອະທິການ​ບໍດີ​ ມະຫາວິ​ທະຍາ​ໄລ​ແຫ່ງ​ຊາດ, ມີຫົວໜ້າ​ຄະນະ​ພັດທະນາ​ຄຸນນະພາບ​ການ​ບໍລິການ, ​ລັດ​ວິ​ສາ​ຫະກິດ ​ລາ​ວ​ໂທລະ​ຄົມ​ມະ​ນາ​ຄົມ ​ແລ​ະ ຫົວໜ້າ​ຫ້ອງການ​ທະນາຄານ​ການ​ຄ້າ​ຕ່າງປະ​ເທດ​ ສາຂາ​ດົງ​ໂດກ ພ້ອມດ້ວຍຜູ້​ປະກອບ​​ຫ້າງ​ຮ້ານຕ່າງໆ, ພະນັກງານ, ຄູ-ອາຈານ ​ແລະ ນັກ​ສຶກສາ​ເຂົ້າ​ຮ່ວມ​ຢ່າງຫຼວງຫຼາຍ.

ທ່ານ​ ນາງ ສົມ​ຈັນ ບຸນ​ພັນ​ມີ ​ໃຫ້ຮູ້ວ່າ: ການຈັດງານດັ່ງກ່າວ ເພື່ອ​ອໍານວຍ​ຄວາມ​ສະດວກ​ໃຫ້​ແກ່​ຜູ້ຕ້ອງການແຮງງານ ແລະ ນັກ​ສຶກສາ ​ໃນ​ການ​ຊອກ​ວຽກ​ເຮັດ​ງານ​ທໍາ. ນອກ​ນີ້, ຍັງ​ເປັນ​ການ​ສ້າ​ງສາຍ​ສໍາພັນ​ຮ່ວມ​ມື​ອັນ​ສະໜິດ​ແໜ້ນ​ ລະຫວ່າງ​ມະຫາ​ວິ​ທະຍາ​ໄລ​ແຫ່ງ​ຊາດ ກັບ​ບັນດາ​ຫົວໜ່ວຍ​ທຸລະ​ກິດ, ຫ້າງ​ຮ້ານ​ຕ່າງໆ ​​ພ້ອມ​ກັນ​ຊຸກຍູ້​ສົ່ງ​ເສີ່​ມ​ຊຶ່ງກັນ​ແລະ​ກັນ, ​ໂດຍສະ​ເພາະ​ແມ່ນ​ວຽກ​ງານ​ກໍ່ສ້າງ​ຊັບພະຍາກອນ​ມະນຸດ​​ໃຫ້​ມີ​ຄຸນະພາບ, ທັງ​ເປັນ​ການ​ສ້າງ​ໂອກາດ​ໃຫ້​ນັກ​ສຶກສາ​​ທີ່​ຈົບ​ຈາກ​ສາຂາວິຊາ​ຕ່າງ​ໆ ​ສາມາດ​ຊອກ​ຫາ​ວຽກ​ເຮັດ​ງານ​ທໍາ​ໄດ້.

ສໍາລັບ​ງານງານ​ດັ່ງກ່າວ, ມີບໍລິສັດ, ຫ້າງ​ຮ້ານຕ່າງໆເຂົ້າຮ່ວມ 40 ພາກສ່ວນຄື: ​ ​ທະນາຄານ​ການ​ຄ້າ​ຕ່າງປະ​ເທດ​ລາວ ມະຫາຊົນ ຈໍາ​ກັດ, ບໍລິສັດ​ ​ເບຍ​ລາວ ຈໍາ​ກັດ, ລັດ​ວິ​ສາ​ຫະກິດ ລາວ​ໂທລະ​ຄົມ, ທະນາຄານ ຮ່ວມ​ພັດທະນາ ​ເຈດີ​ບີ, ທະນາຄານ ຊາ​ຄອມ ​ແບັງ, ​ໂຮງງານ ​ເພັດ​ປະກາຍ​ຕັດຫຍິບ ປັກ​ແສ່ວ ​ແລະ ພິມ.

- Wave100S AD to Website 2020 0 - ມຊ ຈັດ​ຕະຫຼາດນັດ​ສະໝັກ​ງານຄັ້ງທີ 8

ໃນ​ງານ​ຍັງ​ມີ​ພິທີ​ມອບ-ຮັບ​ທຶນ​ການ​ສຶກສາ​ຈາກ ບໍລິສັດ​ລັດ​ວິ​ສາ​ຫະກິດ ລາວ- ​ໂທລະ​ຄົມ ຈໍານວນ 25 ທຶນ ຕໍ່ 1 ປີ, ​ລວມມີມູນ​ຄ່າ 50 ລ້ານກີບ ​ໃຫ້​ແກ່​ນັກ​ສຶກສາ​ມະຫາວິທະຍາ​ໄລ​ແຫ່ງ​ຊາດ ແລະ ການ​ໃຫ້​ທຶນດັ່ງກ່າວ​, ​ແມ່ນ​ເປັນ​ຄັ້ງ​ທີ 9 ແລ້ວ ລວມມີມູນ​ຄ່າ​ທັງ​ໝົດ 450 ລ້້ານກີບ.

- WhatsApp Image 2020 05 27 at 5 - ມຊ ຈັດ​ຕະຫຼາດນັດ​ສະໝັກ​ງານຄັ້ງທີ 8
- WhatsApp Image 2020 05 27 at 5 - ມຊ ຈັດ​ຕະຫຼາດນັດ​ສະໝັກ​ງານຄັ້ງທີ 8
error: Alert: ເນື້ອຫາຂ່າວມີລິຂະສິດ !!